黃徐毓芳（英文：Pansy Wong）係紐西蘭政治人，紐西蘭國家黨黨員。佢喺中國上海出世，喺香港長大，係伊利沙伯中學舊生。佢識講流利嘅英語、粵語、普通話同上海話。佢1974年同屋企人移民紐西蘭，喺基督城進修。之後，佢做咗註冊會計師，1996年第一次參政，成為紐西蘭第一個亞裔國會議員。佢2008年到2010年期間做過種族事務部部長同婦女事務部部長。
