黃蕭養

出自維基百科,自由嘅百科全書
跳去導覽 跳去搵嘢

黃蕭養粵拼wong4 siu1 joeng5,?—1450年),原名黃懋松廣州府南海縣衝鶴堡潘村人(而家嘅順德勒流鎮), 明朝 正統年間廣東嘅民眾起義主要領袖,後尾俾官兵鎮壓而戰死。 明廷喺鎮壓咗黃後為咗強化管治,而改組咗南海縣新會縣嘅部分地域,創建咗順德縣

出身背景[編輯]

黃蕭養嘅出身係佃農 ,成年嘅時候喺一次田地糾紛入邊唔覺意傷咗人,就俾官差拉咗,後遇正咗大赦而放返出嚟,但黃嘅生計無以為繼,於是就去咗做海盜。跟著再俾官府以盜賊嘅罪名收監,準備要問斬佢。 黃第二次入監嘅時候,識到一位囚友係江西嘅生意佬,兩人熟絡咗後就謀劃一齊越獄,仲秘密咁喺飯桶收埋咗利斧。 [1]

起義事蹟[編輯]

明英宗正統十四年(1449年)三月八號,黃等人就同其他嘅囚犯,一齊由廣州監倉度出逃,同時間攻破咗軍器局而攞到大量嘅裝備在手,隨即就起事,後敵唔過啲官兵而搭船出海,官兵就出咗三條戰船跟著追擊。 到五月十三號黃等喺赤崗海口,成功伏擊咗追擊嘅官軍。

隨著起事嘅壯大啲民眾跟著響應埋,黃蕭養由六月開始帶著啲人去攻打各縣城。 到咗九月係集結咗成五百條船、幾萬嘅人馬,就跟著圍攻廣東省城廣州 ,擊殺埋鎮守嘅安鄉伯張安 。喺佔據咗五羊驛做行殿之後,就自稱順民天王 (或順天王 [2]東陽王 [3] [4] ),年號東陽 ,仲授咗一百幾人官職 。 到第二年,朝廷就派咗右僉都御史楊信民 、都督同知董興帶軍去鎮壓,調集埋兩廣同江西嘅官軍一齊去打黃嘅部隊。喺圍城八個月後,10月嘅時候黃喺白鵝潭嘅戰鬥度中箭身亡。

黃嘅部將[編輯]

  • 彭文俊
  • 梁升
  • 李觀奴
  • 張嘉積

後續[編輯]

黃蕭養被官軍殺咗之後,起義軍亦有過萬人遭到咗屠殺。 不過剩低嘅起義軍,仲好頑強咁對抗官軍,一路堅持到成化年間。 [5]

參考[編輯]

  1. 李, 連利 (2013). 白銀帝國:翻翻明朝的老帳. 臺灣: 遠流出版社. p. 156. ISBN 9789573271857.
  2. 毛奇龄,《后鑑录》卷一
  3. 查继佐,《罪惟录·黃蕭養传》
  4. 夏燮,《明通鉴·英宗正统十四年》
  5. 白, 至德 (2017). 最后的辉煌:中古时代:明. 紅旗出版社. ISBN 9787505141346.