龍江 (順德)
(由龍江鎮跳轉過嚟)
龍江喺中國廣東順德，家下係佛山市順德區一個鎮，叫龍江鎮。原本係順德養蠶同養魚之鄉，家下亦都係電器生產地。龍江一帶，江水好似龍咁彎彎曲曲，所以叫龍江。龍江鎮人口約莫18萬，面積78.3平方千米[1]。
史
[編輯]原本龍江好細，無家下咁大。
大明同大清時，家下龍江鎮呢帶，係分成三塊，西便歸龍江，中間歸龍山，而東便係甘竹堡。民國嗰陣，龍江劃做第七區。共和國1956年4月，改名龍江區。1958年2月改叫龍山鄉，同年10月成立龍山人民公社。1961年5月起，龍山又叫返龍江。1983年11月開始，龍江變返做區，1987年2月升區做鎮。
地理
[編輯]響政區來講，順德裏便，龍江鎮東便係勒流鎮，東南係杏壇鎮，北便係樂從鎮。佛山市之內，西便係南海區九江鎮。隔住西江，係江門市蓬江區同鶴山縣。