龐山民

出自維基百科,自由嘅百科全書
跳去導覽 跳去搵嘢
龐山民
曹魏 官員
遞啲名
其他名 龐倦民、龐仙民

龐山民粵拼pong4 saan1 man4;?—?),喺《襄陽記》記爲龐倦民pong4 gyun6 man4),又有另一版本龐仙民pong4 sin1 man4),荊州襄陽人(而家湖北襄陽),係曹魏官員,官至黃門吏部郎。

佢係襄陽名士龐德公嘅仔,同龐統係堂兄弟。同佢老豆一樣,佢亦有好好嘅名聲,後來娶咗諸葛亮嘅二姐,做咗諸葛亮嘅姐夫。佢入仕曹魏,好早就過咗身。佢嘅仔叫龐渙,亦係做官,不過係晉朝嘅牂牁太守。

喺《三國演義》度,寫話龐德公字山民,其實唔係,據《宋書》龐德公字尚長,而襄陽民間流傳佢字子魚。

參攷資料[編輯]

  • 陳壽(著);裴松之(注). "蜀書:龐統法正傳 — 龐統傳". 《三國志》. 德公子山民,亦有令名,娶諸葛孔明小姊,為魏黃門吏部郎,早卒。
  • 佚名. "龐德公傳". 《襄陽記》. 其子倦民,亦有令名,娶諸葛孔明小姊,為魏黃門吏部郎,早卒。