2021年自由民主黨總裁選舉

出自維基百科，自由嘅百科全書
2021年自由民主黨總裁選舉
2020 ←
 2021年9月29號
 
候選人 岸田文雄 河野太郎 高市早苗
代表選區 廣島縣第1區 神奈川縣第15區 奈良縣第2區
 
候選人 野田聖子
代表選區 岐阜縣第1區
總裁選舉前

菅義偉

 當選總裁

岸田文雄

2021年自由民主黨總裁選舉（日文：2021ねんじゆうみんしゅとうそうさいせんきょ），係第27屆自民黨總裁選舉，響2021年9月29號舉行。呢次選舉有河野太郎、岸田文雄、高市早苗、野田聖子四個人參加，最終由岸田文雄當選。

簡介[編輯]

由於眾議院議員任期係2021年10月21號完，加上眾議院選舉係確定唔受疫情影響、照搞，所以就決定先總裁選舉、再眾議院選舉。8月26號，自民黨總裁選舉管理委員會宣佈呢次選舉將會響9月29號搞。

9月3號，因為搞唔好日本肺炎疫情，將會任期屆滿嘅首相菅義偉宣佈唔會出選呢次選舉。

侯選人有四個：河野太郎（志公會）、岸田文雄（宏池會）、高市早苗（無黨派）、野田聖子（無黨派）四個人。呢次係自2008年總裁選舉嘅小池百合子以嚟，再次有女政治人參加總裁選舉；亦係第一次有多過一位女性參加。

選前[編輯]

響選前，河野太郎嘅民調一直領先[1]，岸田文雄嘅民調就僅次於河野[2]。外界並唔睇好兩位女侯選人，特別係野田聖子[3]。岸田之所以支持率後嚟會提升，有傳係佢同高市早苗合作，並聯手打低高人氣嘅河野[4]。

選前潛在侯選人[編輯]

  • 菅義偉（日本時任首相兼時任自民黨總裁，曾經出任內閣官房長官）
  • 麻生太郎（日本時任副首相、志公會阿頭，曾經係首相、外務大臣、總務大臣）
  • 石破茂（水月會阿頭，前防衛相、前農林水產大臣）
  • 小泉進次郎（時任環境大臣，兼內閣府特命擔當大臣 (原子能防災)）
  • 茂木敏充（現任外務大臣，曾經係經濟產業大臣）
  • 二階俊博（現任自民黨幹事長、志帥會阿頭，曾經出任經濟產業大臣、國土交通大臣）
  • 下村博文（前文部科學大臣）
  • 安倍晉三（前日本首相、前內閣官房長官）

選舉之前人氣都好高、曾經畀外界睇成侯選人嘅石破茂，佢最終並冇出選，而係支持河野太郎[5]。至於黨內新生派代表、前首相小泉純一郎二仔小泉進次郎，佢亦都支持河野。其他支持河野嘅人仲有菅義偉[6]。

但麻生太郎、甘利明同耆老青木幹雄並唔係好支持河野，其中麻生、甘利仲同河野一樣都屬於志公會。因為河野響政見上屬於新生派，同黨內嘅保守主義相反。佢哋最終支持響意見上偏守舊嘅岸田文雄[7]。至於安倍晉三，原先佢支持高市早苗[8]，後嚟加入麻生嘅「4A」陣營，轉為支持岸田[9]。

投票人數[編輯]

種類 人數
眾議院議員[a] 274票[b]（1人1票）
參議院議員[c] 108票（1人1票）
都道府縣 382票（黨員黨友黨，同數比例分配）
合計 764票[10]

如果第一輪選舉入面冇一位侯選人得到過半數支持嘅話，將會由得票最高嘅個兩位做選人進入第二輪選舉。響第二輪選舉入面，議員票係保留嘅，但都道府縣嗰邊就會變得只有47票（全日本有47個都道府縣，每個都道府縣得一票）。

第一輪選舉結果[編輯]

侯選人 樣 派系 參選日期 參選次數 推薦人 票數 得票率
河野太郎 志公會 9月10號[11] 兩次 代表：

伊藤達也

議員票：86

黨員票：169

總共：255

33.79%
岸田文雄 宏池會 8月26號[12] 兩次 代表：

鈴木俊一

議員票：146

黨員票：110

總共：256

33.51%
高市早苗 無黨派 9月8號[13] 第一次 代表：

西村康稔

議員票：114

黨員票：74

總共：188

24.61%
野田聖子 無黨派 9月16號[14] 第一次 代表：

三原順子

議員票：34

黨員票：29

總共：63

8.25%

由於第一輪並冇任何一位侯選人得到過半數支持，所以由支持率最高嘅兩位侯選人進入第二輪投票，即係由得到256票嘅岸田文雄、同埋得到255票嘅河野太郎角逐[15]。

第二輪選舉結果[編輯]

侯選人 樣 派系 票數 註
河野太郎 志公會 議員票：131

地方票：39

總共：170

岸田文雄 宏池會 議員票：249

地方票：8

總共：257

當選

第二輪投票由宏池會嘅岸田文雄勝出。岸田將會出任總裁並接任菅義偉出任首相。

註[編輯]

  1. ↑ 唔計眾議院議長大島理森
  2. ↑ 唔計已經響9月17號死咗嘅眾議院議員竹下亘
  3. ↑ 唔計參議院議長山東昭子

參考資料[編輯]

  1. ↑ 〈日本自民黨總裁選舉 河野太郎民調居於領先〉. 《Rti 中央廣播電臺》 (中文). 喺2021-09-29搵到.
  2. ↑ 聯合新聞網. 〈豬排飯與獻金：日本派閥政治？左右首相命運的密室巨怪〉. 《轉角國際 udn Global》 (中文). 喺2021-09-29搵到.
  3. ↑ 聯合新聞網 (20210926T223145Z). 〈日本自民黨總裁選舉 第二輪決勝負幾已成定局 | 聯合新聞網：最懂你的新聞網站〉. 《聯合新聞網》 (中文). 喺2021-09-29搵到. {{cite web}}: Check date values in: |date= (help)
  4. ↑ 〈自民黨總裁選舉》日媒爆岸田、高市合流 決選投票共同對陣河野太郎 | 國際〉. 《新頭殼 Newtalk》 (中文). 2021-09-29. 喺2021-09-29搵到.
  5. ↑ 〈石破茂宣布不參加自民黨總裁選舉 並支持河野太郎 - RTHK〉. news.rthk.hk (臺灣中文). 喺2021-09-29搵到.
  6. ↑ 聯合新聞網 (20210930T005407Z). 〈自民黨總裁選舉 人氣不敵派閥 | 聯合新聞網：最懂你的新聞網站〉. 《聯合新聞網》 (中文). 喺2021-09-30搵到. {{cite web}}: Check date values in: |date= (help)
  7. ↑ 茅岳霖 (2021-09-29). 〈東京傀儡遊戲落幕 岸田文雄何以將成日本新首相？〉. 《香港01》 (香港中文). 喺2021-09-30搵到.
  8. ↑ 聯合新聞網 (20210928T170159Z). 〈安倍晉三力挺 高市早苗力拚逆轉勝成首位女首相 | 聯合新聞網：最懂你的新聞網站〉. 《聯合新聞網》 (中文). 喺2021-09-30搵到. {{cite web}}: Check date values in: |date= (help)
  9. ↑ 〈訪台曾幫安倍晉三擋酒！ 岸田文雄獲讚「救台日關係」〉. Yahoo TV (中文). 喺2021-09-30搵到.{{cite web}}: CS1 maint: url-status (link)
  10. ↑ 〈総裁選の票数、７６４に減少 竹下元復興相の死去で：中日新聞Web〉. 《中日新聞Web》 (日文). 原著喺2021-09-19歸檔. 喺2021-09-29搵到.
  11. ↑ 〈河野氏「コロナ前に戻るのではなく前に進める」 出馬表明会見要旨〉. 《毎日新聞》 (日文). 喺2021-09-29搵到.
  12. ↑ 〈岸田氏、出馬表明「幅広い選択肢示す」 自民総裁選〉. 《日本経済新聞》 (日文). 2021-08-26. 喺2021-09-29搵到.
  13. ↑ INC, SANKEI DIGITAL (2021-09-08). 〈高市氏の記者会見場で報道関係者怒鳴り声〉. 《産経ニュース》 (日文). 喺2021-09-29搵到.
  14. ↑ 〈自民総裁選、野田聖子氏が立候補を表明…「推薦人２０人を整えていただき出馬」 : 政治 : ニュース〉. 《読売新聞オンライン》 (日文). 2021-09-16. 喺2021-09-29搵到.
  15. ↑ 聯合新聞網 (2021-09-29). 〈日自民黨總裁選舉：河野和岸田都未過半 2人進到決選 | 聯合新聞網：最懂你的新聞網站〉. 《聯合新聞網》 (中文). 喺2021-09-29搵到.{{cite web}}: CS1 maint: url-status (link)
由「https://zh-yue.wikipedia.org/w/index.php?title=2021年自由民主黨總裁選舉&oldid=2115900」收