岸田文雄

出自維基百科,自由嘅百科全書
跳去導覽 跳去搵嘢
岸田文雄
Fumio Kishida 20211005.jpg
日本 日本第100任內閣總理大臣
現任
就任日期
2021年10月4號
君主德仁
前任菅義偉
日本 日本第16任防衛大臣日文防衛大臣
任期
2017年7月28號-2017年8月3號
總理安倍晉三
前任稻田朋美日文稲田朋美
繼任小野寺五典
日本 日本第148-149任外務大臣日文外務大臣 (日本)
任期
2012年12月26號-2017年8月3號
總理安倍晉三
前任玄葉光一郎日文玄葉光一郎
繼任河野太郎
日本 日本第9-10任內閣府特命擔當大臣(沖繩北方對策)日文内閣府特命担当大臣(沖縄及び北方対策担当)
任期
2007年8月27號-2008年8月2號
總理安倍晉三
福田康夫
前任高市早苗日文高市早苗
繼任林幹雄日文林幹雄
日本 日本第7、8任內閣府特命擔當大臣(科技政策)日文内閣府特命担当大臣(科学技術政策担当)
任期
2007年8月27號-2008年8月2號
總理安倍晉三
福田康夫
前任高市早苗日文高市早苗
繼任野田聖子日文野田聖子
日本 日本第10、11任內閣府特命擔當大臣(規制改革)日文内閣府特命担当大臣(規制改革担当)
任期
2007年8月27號-2008年8月2號
總理安倍晉三
福田康夫
前任渡邊喜美日文渡辺喜美
繼任與謝野馨日文与謝野馨
日本 日本第1、2任內閣府特命擔當大臣(國民生活)日文内閣府特命担当大臣(国民生活担当)
任期
2007年8月27號-2008年8月2號
總理安倍晉三
福田康夫
前任新創職位
繼任職位廢除
日本 日本第1任內閣府特命擔當大臣(再次挑戰)日文内閣府特命担当大臣(再チャレンジ担当)
任期
2007年8月27號-2007年9月26號
總理安倍晉三
前任新創職位
繼任職位廢除
自由民主黨第27任總裁
現任
就任日期
2021年9月29號
副總裁日文自由民主党副総裁麻生太郎
前任菅義偉
日本 日本眾議院議員
現任
就任日期
1993年7月19號
前任新設選區
選區
個人資料
出世 (1957-07-29) 1957年7月29號(65歲)
日本 日本東京都澀谷區
籍貫日本 日本廣島縣廣島市
政黨自由民主黨
配偶岸田裕子日文岸田裕子
父母岸田文武日文岸田文武(父)
親屬岸田幾太郎日文岸田幾太郎(太爺)
岸田正記日文岸田正記(阿爺)
井口良二日文井口良二(阿公)
岸田正次郎日文岸田正次郎(叔公)
小田勝日文小田勝 (医師)(父系舅公)
宮澤弘日文宮澤弘(姑丈)
宮澤洋一日文宮澤洋一(表哥)
可部哲生日文可部哲生(妹夫)
母校早稻田大學法學部
簽名
網站kishida.gr.jp

岸田文雄粵拼ngon6 tin4 man4 hung4岸田 文雄きしだ ふみお?1957年7月29號—),日本政治人。喺2021年10月開始出任內閣總理大臣自由民主黨總裁,亦係宏池會會長。做過防衛大臣、外務大臣、內閣府特命擔當大臣(包括:沖繩及北方對策擔當規制改革國民生活再次挑戰科學技術政策)等等職位,由1993年到而家一直係眾議院議員。

生平[編輯]

早年[編輯]

1957年7月29號,岸田文雄喺東京都澀谷區出世,祖籍廣島縣。岸田家族係當地嘅一個名門望族,阿爺岸田正紀做生意、之後亦加入政壇,老豆岸田文武當時係通商産業省官僚。出於屋企人嘅教育方針,佢自細係響東京大。

1963年,當時6歲嘅佢跟住加入政界嘅老豆前往美國紐約市,響當地渡過三年小學生涯。1966年返日本,到千代田區立永田町小學校插班。之後升讀千代田區立麹町中學校、開成高等學校。響高中畢業之後,佢為咗入到東京大學而過左兩年浪人生涯,最終響1978年入讀早稻田大學法學部。1982年大學畢業後入日本長期信用銀行打工,響長銀做咗五年。

政治生涯[編輯]

岸田文雄(1999年)

1987年,岸田出任佢老豆岸田文武嘅秘書,正式加入政界。

1993年,佢喺廣島縣第 1 區當選眾議院議員,[1]之後就連續九屆當選,一直做到依家。佢同老豆一樣都係屬於宏池會成員。響1997年,佢出任自民黨青年局局長。

2000年,時任首相森喜朗因為多次講錯嘢而民望大跌,宏池會會長加藤紘一同埋山崎拓聯同在野黨提出「不信任動議」,希望籍住反對或者缺席而令議案獲得通過,又叫「加藤之亂」。當時屬於宏池會嘅岸田有份參加支持加藤嘅血判狀,但響投票時冇出席。之後佢加入反加藤嘅內派。

2001年,佢響第一次小泉內閣出任文部科學副大臣。2007年,響第一次安倍改造內閣出任內閣府特命擔當大臣(沖繩及北方對策、國民生活、再次挑戰、科學技術政策、規制改革擔當),係岸田第一次入閣。

之後響福田康夫內閣獲得留任,出任內閣府特命擔當大臣(沖繩及北方對策、國民生活、科學技術政策、規制改革擔當)。2008年改任消費者行政推進擔當、宇宙開發擔當。響同年8月嘅福田康夫內閣 (改造)唔撈,之後出任自民黨消費者問題調査會長・道路調査會副會長兼事務局長、團體總局長。

2011年9月,響谷垣禎一出任自民黨總裁期間,岸田畀人任命為自民黨國會對策委員長。2012年接替宣佈退出政壇嘅古賀誠,做咗宏池會阿頭,係宏池會第9任會長。

外相[編輯]

2016年G7峰會,岸田(中)同其他國家嘅官員影相,其中佢同緊國務卿克里傾計

同年畀人任命為第二次安倍內閣嘅外務大臣,之後就響五次內閣都獲得留任。任內曾經將端島列入文化財,韓國認為端島發生過「forced to work(強制勞動)」所以非常唔妥岸田嘅做法。

2015年12月岸田帶頭同韓國時任外交部長尹炳世慰安婦問題而見面傾,最後傾成咗,日本以十億嚟得到韓國政府原諒,而且簽埋慰安婦協議。當然呢單嘢梗係響韓國內部激嬲好多幫慰安婦嘅人(文在寅上台之後就單方面毀約)[2]

2016年4月底至5月開頭,岸田曾經到北京同外交部長王毅、國務委員楊潔篪、國務院總理李克強三個人見面,係自2012年以嚟第一位外相訪問中國[3]

2016年,當時身為外相嘅岸田有份出席第42屆七國集團會議,帶住其他國家嘅外交部長一齊訪問廣島和平紀念公園。同年5月,美國總統奧巴馬訪問日本,岸田於是跟住安倍一齊帶佢同廣島和平紀念館參觀。

2017年7月28號,時任防衛大臣稻田朋美唔撈,由外相岸田上位,所以岸田身兼兩職。

8月3號,安倍改組內閣,岸田調任黨內嘅政務調査會長,係當時日本有記錄以嚟,在任時間第二長嘅外相。

外相唔撈後[編輯]

2017年10月,時任政調會長岸田響度街頭演講

2018年9月,響第25屆自民黨總裁選舉,岸田曾經諗過參選,但響面對派內後生嘅「主戰」同埋舊人嘅「慎重」爭持之下,佢最終決定唔參選,而係宣佈支持安倍晉三連任,而佢就繼續做返政調會長。

2018年10月、自民黨總裁轄下嘅直屬機關入面廢除咗『道州制推進本部』、『日本経済再生本部』、『外交戦略会議』、『農林水産業・地域の活力創造本部』、『歴史を学び未来を考える本部』五部,目的就係為咗加強政調協會嘅權力。

2020年8月安倍宣佈唔撈首相同埋黨總裁,岸田響9月1號參加自民黨總裁選舉,對手有菅義偉石破茂。最終佢輸咗畀獲得安倍支持嘅菅義偉,之後佢就唔撈政調會長。

2021年3月,佢畀人任命為自民黨廣島縣連會長,係第三次出任呢個位。

同年5月25號,佢同幹事長、志帥會現任阿頭二階俊博見面。由於響2019年參議院選舉,廣島選舉區時任議員係屬於宏池會嘅溝手顯正。不過響安倍同菅義偉嘅領導下,叫嚟河井克行老婆河井案里參選,由於河井兩公婆同屬志帥會,因而畀人睇成係岸田同二階爭地盤。最終當選人係河井案里,溝手輸咗。之後河井案里傳出響選舉期間畀咗超過法例規定嘅報酬,惹嚟公安調查。之後畀人爆出原來河井克行響選舉期間向廣島地方議員派錢、叫佢哋支持老婆,引起社會重視。之後有傳媒響2020年1月爆話,當時自民黨本部一共畀咗河井兩公婆一億五千萬日圓。最終河井案里畀人判有罪、同埋當選無效。呢件事成為岸田同二階兩人嘅鬥爭。

2021年8月26號,黨內宣佈會搞自民黨總裁選舉,同日岸田即刻宣佈參選。而時任菅義偉話自己唔會連任首相,所以佢嘅對手有河野太郎高市早苗野田聖子三個人。

首相時代[編輯]

2021年9月29號,總裁選舉正式投票。響第一輪,佢同另一對手河野太郎分別攞到256同255票,因而進入第二輪;而岸田響第二輪以257票打低只有170票嘅河野,接替菅義偉出任第27任自由民主黨總裁。佢喺10月4號正式成為第一百任內閣總理大臣[4]

佢隨即喺10月14號解散眾議院,定喺10月31號投票,係二戰之後最早解散眾議院嘅日本首相。[5]結果自民黨攞到275席,雖然比上屆少,但始終保住第一大黨嘅地位。

政治主張[編輯]

屋企[編輯]

岸田家族係廣島當地嘅一個名門望族。阿太岸田幾太郎(1867年 - 1908年)係一位生意人,到過台灣發展,做過好多行職業。阿爺岸田正記(1895年 – 1961年),初時係開雜貨鋪,後嚟轉行做政治人,先後出任海軍政務次官同眾議院議員。太叔公岸田光太郎(1872年 - 不詳)、叔公岸田正次郎(1897年 – 1979年)亦係生意人。

老豆岸田文武(1926年 - 1992年),未玩政治前係通產官僚,後嚟繼承老豆正記嘅飯碗,曾經係眾議院議員。阿媽澄子,係前日東製粉社長井口良二個女。

文雄係大仔,下有一個細佬同兩個妹。細佬岸田武雄係三菱商事勤務;大妹純子嫁咗畀財務官僚木村嘉秀;細妹典子就嫁咗畀前國税廳長官可部哲生

老婆岸田裕子,係經相睼下結婚,有三個仔,其中大仔依家係岸田文雄嘅秘書。

佢有個姑姐叫玲子,嫁咗畀前廣島縣知事宮澤弘。佢哋有個仔叫宮澤洋一(即係岸田嘅表哥),亦係政治人,依家係參議院議員。

參攷[編輯]

  1. "Profiles of key ministers in Abe's new Cabinet". The Asahi Shimbun. 26 December 2012. 原著喺25 January 2013歸檔. 喺27 December 2012搵到.
  2. 歐敬洛 (2021-09-28). . 香港01 (香港中文). 喺2021-10-27搵到.
  3. 霧谷晶策 (2021-11-10). . The News Lens 關鍵評論網 (中文). 喺2021-11-10搵到.
  4. "Fumio Kishida: Japan's new prime minister takes office". BBC (英文). 2021-10-04. 喺2021-10-22搵到.
  5. 日本解散眾院訂31日投開票 創3項戰後最短紀錄. (中文). 2021-10-14. 喺2021-10-22搵到.
  6. 日本眾議院大選 最大在野黨推人權議題搶攻選民. tw.news.yahoo.com (中文). 喺2021-11-12搵到.

出面網頁[編輯]