5201314

5201314（粵拼：ng5 ji6 ling4 jat1 saam1 jat1 sei3；漢語拼音：wǔ èr líng yī sān yī sì ）係一個唔同華人社群常見嘅代詞，喺華語嘅發音同「我愛你一生一世」非常接近，所以會被用嚟告白示愛，或者喺戀人之間嘅甜言蜜語都好常見。不過由於喺粵語發音有較大差異，呢個借代意思喺粵語圈並唔流行。

第啲意思

喺香港逃犯條例爭議期間，有人寫咗《願榮光歸香港》一曲，代表呢場運動，但隨著北京未經香港人同意，強行喺香港落實《香港國安法》，有好多抗爭口號都俾政府單方面咁話違反《香港國安法》，於是網上輿論就出現咗大量諧音抗議口號變種，其中喺《願榮光歸香港》一曲最後一句「我願榮光歸香港」，用「5201314」亦都啱音（喺粵語，兩組詞聲調相同），所以「5201314」亦喺一啲前景成為咗「我願榮光歸香港」嘅替代。

不過，亦有批評指，用諧音口號其實係對惡法嘅妥協，而國安法嘅執法尺度亦顯示，差人要亂拉人嘅話示威者嗌咩口號根本唔重要，用諧音避開被禁字眼係自我閹割。