虎門

  呢篇文講廣東一個海門。想搵東莞市轄下一個鎮嘅話，請睇虎門鎮。

虎門到省城

虎門（粵拼：fu2 mun4；英文：Bocca Tigris 或 Bogue），又稱虎頭門（fu2 tau4 mun4），係中國一海門，喺廣東珠江獅子洋同零丁洋之間，北面獅子洋爲內洋，南面零丁洋爲外洋。喺大清時守住珠江口，係通去省城要道。而東面外洋處，爲穿鼻，舊時係洋船寄椗，聽入省城嘅地方。

行政上，當今中華人民共和國計，虎門兩岸，東歸東莞市虎門鎮，西歸廣州市南沙區南沙街道。

地理

舊地圖嘅虎門、右標有川鼻爲寄椗之處

虎門喺零丁島西北偏北卅英里。由南向北上，東面地勢稍高，大清時屬新安縣。望左係虎門之南，有兩島，一叫龍穴，一叫三板洲。過島後。就到虎門，之東係穿鼻，之西係大角頭。穿鼻向虎門之角，叫沙角，有沙角礮臺。入虎門，過穿鼻，爲一灣，叫安臣灣。灣東有島叫亞娘鞋，而島上有鎮口，係虎門銷煙嘅地方。亞浪鞋向虎門面，有威遠礮臺。亞娘鞋對開，大角頭之間，有兩島，一南一北，叫下橫檔同上橫檔。再北上，大角頭以北，亞娘鞋西北面，有三島，由南而北，叫大虎、二虎同三虎。沿水北上，就出虎門，是爲獅子洋，真係珠江水來。

礮臺

《清史稿》有講，虎頭門有五礮臺，分別威遠、上橫檔、下橫檔、大角、沙角。呢五礮臺喺唔同嘅島上，威遠喺亞娘鞋，上橫檔喺上橫檔，下橫檔喺下橫檔，大角喺大角頭，沙角喺穿鼻。佢哋鎮住珠江口，以防海賊入侵省城。

交通

虎門大橋

1997年，起成虎門大橋，駁通虎門兩岸。