汲水門

從馬灣望向汲水門，上方係汲水門大橋，對面岸係大嶼山。

汲水門（Kap Shui Mun）係香港一個海門，原本叫急水門。佢位於大嶼山東北同馬灣之間，係香港海上要道。汲水門南北向，東面係馬灣，西面大嶼山，南面維多利亞港西側，有燈籠洲，北面係青龍頭一帶。汲水門隔住馬灣島，係馬灣海峽。

汲水門洋面比較窄，水流湍急，所時舊時叫急水門。不過後尾覺得個名唔利是，用諧音取名汲水門。而佢舊底又有個英文名叫Throat Gates，亦都有譯名Capsuimoon。

汲水門係維多利亞港西面一個出口，經龍鼓水道、零丁洋入珠江到廣州等地。

1990年代玫瑰園計劃要起車路鐵路，駁住赤鱲角機場同埋香港市區，所以喺汲水門上面起咗汲水門大橋。