Category talk:刑

「刑罰」係現代中文，將「刑」同「罰」兩字加埋，呢種將單字合成新詞嘅情況一直發生，例如：眼加睛、意加義、消加減、城加市、花加朵... 要注意嘅係唔少嘅複單合詞用一個單字就表達到，好多係因為北方中文得四調，用複單合詞秘開同音辭。廣東話只有限度咁做，我地叫「頸」唔係「頸項」，唔叫「頭」做「頭顱」，我地話「愁」唔講「憂愁」咁，粵語保留唔少古時嘅用法。刑同罰分咗好清楚，用「刑」未必係種「懲處」，而「罰」未必要用「刑」。--WikiCantona (傾偈) 2013年9月16號 (一) 07:06 (UTC)[回覆]

「好多係因為北方中文得四調，用複單合詞秘（避）開同音辭。」爾種講法有無可靠來源支持？另外再講多次，即使喺普通話，「刑」都唔一定係「罰」，「罰」亦未必用「刑」。重有，你可以去中文維基搜搜你講嗰尐單音節詞（比如頭、頸），睇下用單音節詞係勿粵語特有。--William915（傾偈） 2013年9月16號 (一) 07:17 (UTC)[回覆]

伊個分類對應嘅英文係「punishment」，直譯係「懲罰」，即係話唔一定限於「刑」，「罰」都包埋，而就算係現代粵語，「刑」同「罰」都可以有唔同內涵。所以我先至會提出將「刑罰」改成「刑」屬於無建設性嘅編輯。【粵語文學大使殘陽孤侠】 2013年9月16號 (一) 07:40 (UTC)[回覆]

另外，之前已經有幾個IP地址發動過同類嘅編輯戰，例如唔理三七廿一定廿四恁將「國家」改成「國」、將「歷史」改成「史」，將「體育」改成「運動」等等，不勝其煩。【粵語文學大使殘陽孤侠】 2013年9月16號 (一) 07:48 (UTC)[回覆]

「複單合詞避開之說」唔係我講嘅，聽過好多次。所以囉，「刑罰」呢個複合詞就好有問題。複合詞將同意字合埋變成新 concept，就無可厚非，「刑罰」點解係新 concept？點現代先？有人講到，我會支持用。--WikiCantona (傾偈) 2013年9月16號 (一) 07:55 (UTC)[回覆]

罰係權威者用來阻嚇人做某啲事。刑係罰嘅一種，專指身體上嘅罰，尤其對身有傷害，使人痛，殘，甚至死。punishment係罰，physical punishment係刑。當然有啲類近，如做苦工，未必可以歸入去刑入面。HenryLi (傾偈) 2013年9月16號 (一) 08:45 (UTC)[回覆]

下面段文字係由Talk:終身監禁搬過來--William915（傾偈） 2013年9月17號 (二) 02:01 (UTC)[回覆]

「判刑」、「服刑」根本唔係廣東話特有嘅用法，講明唔到乜嘢問題。而由「判刑」、「服刑」衍生出「刑」係廣東話專用更屬原創研究。可唔可以搞清楚「北方話」同「書面語」嘅區別先？如果重有疑問，就去搵集警訊睇睇，睇下http://programme.rthk.org.hk/rthk/tv/player_popup.php?pid=865&eid=171970&d=2012-03-23&player=media&type=archive&channel=tv 9分零4秒。--William915（傾偈） 2013年9月16號 (一) 06:12 (UTC)[回覆]

唔係「判刑罰」、「服刑罰」。亦唔係『而由「判刑」、「服刑」衍生出「刑」』，因果對調。刑一早就有，前字係動作。Sorry，睇唔到要 plug-in，不如講出嚟，個觀點係乜。--WikiCantona (傾偈) 2013年9月16號 (一) 12:48 (UTC)[回覆]

我說的是：由廣東話中常用“判刑”和“服刑”（實際上也不是廣東話專用）而衍生斷言“‘刑’字是廣東話的用法”屬於原創研究。視頻主要通過港臺節目的內容與用詞說明粵語裡面“刑罰”才是常用說法。請原諒手機打粵字不方便而用標準漢語書寫。--William915（傾偈） 2013年9月16號 (一) 15:16 (UTC)[回覆]

搬完

衹要承認「刑罰」一詞係粵語裡面常用詞，就已經足以講明將「刑罰」改成「刑」係無建設性嘅修改。爾道唔係乜學術論壇，唔需要考究尐詞點樣來，亦無話舊一定好過新，單音節一定好過雙音節，口語一定好過書面語等等。無論係粵語定係普通話都唔會用「判刑罰」同埋「服刑罰」，所以請唔好再將爾個作為應該用「刑」而唔係用「刑罰」嘅理據。其它嘅，可以再傾。--William915（傾偈） 2013年9月17號 (二) 01:25 (UTC)[回覆]

刑罰之所以合字，皆刑重罰輕，社會上罪有輕有重，故此合稱刑罰。學校只會用罰，不會用刑。判重罪就要用刑，所以死刑、笞刑、絞刑、宮刑、水刑等。而判輕罪有罰企、罰炒、罰錢、罰社會服務令等。所以判罰同判刑都有叫，前者輕，後者重。HenryLi (傾偈) 2013年9月17號 (二) 02:20 (UTC)[回覆]

咁嘅話，[[Category:刑罰]]、[[Category:刑]] 同 [[Category:罰]] 都用。--WikiCantona (傾偈) 2013年9月19號 (四) 07:22 (UTC)[回覆]

都好，將「刑罰」分成「刑」同「罰」兩個子類，等嗰個淨係識得發動編輯戰，又奉旨唔參與討論嘅IP用戶口啞啞！【粵語文學大使殘陽孤侠】 2013年9月19號 (四) 16:22 (UTC)[回覆]