Jessica Tess Cambensy
Jessica Tess Cambensy（暱稱Jessica C.，1988年4月18號—）係香港模特兒。
Jessica喺美國芝加哥出世，阿爸係美國人，阿媽係菲律賓華人。阿爸阿媽喺佢9歲時離婚，佢同兩個妹跟住阿媽生活。
2003年，15歲嘅Jessica喺阿媽嘅鼓勵之下去咗試鏡，第二年畀模特兒公司取錄咗。之後安排去香港發展，但係唔係幾順利，後嚟轉到日本做模特兒，輾轉喺日本過咗五年。2009年，Jessica為咗巴西籍男朋友返到香港發展，幫佳能打印機拍咗一輯廣告之後一砲而紅，亦因為佢出眾嘅身材，而畀香港傳媒冠以「警鐘胸」嘅外號。
2011年10月10號去完尖沙咀警署接受調查之後畀香港警察拉咗，涉嫌同2010年7月30號喺尖沙咀一單偷錢案有關[1][2][3]。
