ofo共享單車（簡化字：ofo共享单车），亦稱Ofo小黃車，係中國大陸嘅創業公司同交通網絡公司，2014年4月由戴威同佢四個同學創辦，總部喺北京海淀區。業務專門負責用手機做城市短途出行嘅單車APP服務，有「黃車仔」嘅稱呼。而家喺中國嘅合肥、佛山、廣州、長沙、南京、重慶、天津、武漢、上海、北京、鄭州、南京、石家莊、蘇州、寧波、福州、南寧、成都、廈門、濟南、南昌、深圳、桂林，及美國三藩市、英國倫敦、劍橋、星加坡、哈薩克阿拉木圖、美國華盛頓州西雅圖、泰國曼谷、西班牙馬德里、葡萄牙里斯本都有佢嘅租單車服務。
佢亦係全球第一間創立同發展最快、規模最大嘅冇樁單車公司。
家下ofo至少有12隻唔同版[1]，車架色屬■黃，但睇細啲，喺鎖扣、車轆嘥士、車呔款式、車架樣都唔同。
| 大多數見到嘅款式 |
|---|
 26吋大轆嘅ofo 2.0 | 26吋大轆嘅ofo 2.0 |
 細轆嘅ofo 3.0 | 細轆嘅ofo 3.0 |
 用二維碼電子鎖同實心呔嘅ofo L1 | 用二維碼電子鎖同實心呔嘅ofo L1 |
 用智能密碼鎖嘅ofo單車 | 用智能密碼鎖嘅ofo單車 |
|
ofo共享單車都係搵手機掃個二維碼或輸入個車冧解鎖，不過佢用嘅密碼鎖有四種，凈限車尾先至有。其中兩種屬機械鎖，另外兩種屬電子鎖。
| ofo單車用過啲鎖 |
|---|
 機械鍵盤密碼鎖 | 機械鍵盤密碼鎖 |
 機械掹轆密碼鎖 | 機械掹轆密碼鎖 |
 電子密碼鎖 | 電子密碼鎖 |
 二維碼電子鎖 | 二維碼電子鎖 |
|
喺電子鎖方面，凡係掃碼開鎖成功嘅，系統識得響「dɪ˩ lɪ˧ lʏ˥」呢三聲。鎖車成功之後會有「嘟嘟」兩聲。
2017年3月26號，喺上海有位10歲細路踹住黃車仔喺靜安區天潼路近浙江路口遇到車禍，送院後證實不治[2]。消息擺上網後，令上海當地差人同全國人民引起關注。隨後ofo方話要出套有效防範機制，從源頭開始唔畀12歲以下啲細路踹單車[註 1][4]。據調查，呢種單車之所以喺唔打開二維碼情況下，隨時俾細路踹走都得，係同車鎖比較易破解同冇GPS定位有關[5]。後嚟ofo方費事畀塞豆窿又再出事而逐步將舊式嘅機械鎖換成電子鎖。
部分新出嘅ofo單車（帶籃嗰啲）有寫明個籃唔畀坐人
2017年8月3號，中華人民共和國交通部同網絡辦等10個部門正式發佈份《關於鼓勵同規範共享單車發展指導意見》，明文規定唔畀喺共享單車嘅車座前後整兒童座櫈或坐人[6]。
- 註
- 攷
中國北京海淀區
.jpg)
