ofo共享單車

ofo共享單車
類型	交通網絡公司
開檔	2014年4月
總部地址	中國北京海淀區
產業	短途單車租賃
產品	短途單車預約服務
網址	http://www.ofo.so

ofo共享單車（簡化字：ofo共享单车），亦稱Ofo小黃車，係中國大陸嘅創業公司同交通網絡公司（英文：transportation network company），2014年4月由戴威同佢四個同學創辦，總部喺北京海淀區。業務專門負責用手機做城市短途出行嘅單車APP服務，有「黃車仔」嘅稱呼。而家喺中國嘅合肥、佛山、廣州、長沙、南京、重慶、天津、武漢、上海、北京、鄭州、南京、石家莊、蘇州、寧波、福州、南寧、成都、廈門、濟南、南昌、深圳、桂林，及美國三藩市、英國倫敦、劍橋、星加坡、哈薩克阿拉木圖、美國華盛頓州西雅圖、泰國曼谷、西班牙馬德里、葡萄牙里斯本都有佢嘅租單車服務。

佢亦係全球第一間創立同發展最快、規模最大嘅冇樁單車公司。

車型

家下ofo至少有12隻唔同版^[1]，車架色屬■黃，但睇細啲，喺鎖扣、車轆嘥士、車呔款式、車架樣都唔同。

大多數見到嘅款式

26吋大轆嘅ofo 2.0

細轆嘅ofo 3.0

用二維碼電子鎖同實心呔嘅ofo L1

用智能密碼鎖嘅ofo單車

密碼鎖

ofo共享單車都係搵手機掃個二維碼或輸入個車冧解鎖，不過佢用嘅密碼鎖有四種，凈限車尾先至有。其中兩種屬機械鎖，另外兩種屬電子鎖。

ofo單車用過啲鎖

機械鍵盤密碼鎖

機械掹轆密碼鎖

電子密碼鎖

二維碼電子鎖

喺電子鎖方面，凡係掃碼開鎖成功嘅，系統識得響「dɪ˩ lɪ˧ lʏ˥」呢三聲。鎖車成功之後會有「嘟嘟」兩聲。

拗數

升級密碼鎖

2017年3月26號，喺上海有位10歲細路踹住黃車仔喺靜安區天潼路近浙江路口遇到車禍，送院後證實不治^[2]。消息擺上網後，令上海當地差人同全國人民引起關注。隨後ofo方話要出套有效防範機制，從源頭開始唔畀12歲以下啲細路踹單車^{[註 1]}^[4]。據調查，呢種單車之所以喺唔打開二維碼情況下，隨時俾細路踹走都得，係同車鎖比較易破解同冇GPS定位有關^[5]。後嚟ofo方費事畀塞豆窿又再出事而逐步將舊式嘅機械鎖換成電子鎖。

明文規定唔畀做搭客生意

2017年8月3號，中華人民共和國交通部同網絡辦等10個部門正式發佈份《關於鼓勵同規範共享單車發展指導意見》，明文規定唔畀喺共享單車嘅車座前後整兒童座櫈或坐人^[6]。

註同攷

註

↑ 喺1988年8月1號實施嘅《中華人民共和國道路交通管理條例》（今日嘅《中華人民共和國道路交通安全法》）有規定，唔畀未夠12周歲啲細路踹單車^[3]。

攷

↑ 〈科普｜ofo小黄车到底有多少种？〉。2017-03-24。原著喺2017-09-15歸檔。喺2017-08-22搵到。
↑ 〈10岁男孩骑ofo撞车身亡或系上海首例共享单车致死案〉。《新民晚报》。南方网。2017-03-28。原著喺2017-03-28歸檔。喺2017-03-30搵到。
↑ 中华人民共和国道路交通安全法实施条例
↑ 〈ofo回应男童骑车被撞死事故：将建防范机制〉。《北京商报》。每经网。2017-03-29。
↑ 〈儿童骑ofo不幸殒命 ofo车锁破解技巧小学生中流传〉。新闻晨报。2017-03-28。原著喺2018-03-20歸檔。喺2017-08-22搵到。
↑ 〈共享单车骑行有法规了！载人、乱停等会失信被惩戒〉。《中國新聞網》。人民網。2017-08-04。

出面網頁

Ofo共享單車嘅官方網站

[4] 喺1988年8月1號實施嘅《中華人民共和國道路交通管理條例》（今日嘅《中華人民共和國道路交通安全法》）有規定，唔畀未夠12周歲啲細路踹單車^[3]。

[1] 〈科普｜ofo小黄车到底有多少种？〉。2017-03-24。原著喺2017-09-15歸檔。喺2017-08-22搵到。

[2] 〈10岁男孩骑ofo撞车身亡或系上海首例共享单车致死案〉。《新民晚报》。南方网。2017-03-28。原著喺2017-03-28歸檔。喺2017-03-30搵到。

[3] 中华人民共和国道路交通安全法实施条例

[5] 〈ofo回应男童骑车被撞死事故：将建防范机制〉。《北京商报》。每经网。2017-03-29。

[6] 〈儿童骑ofo不幸殒命 ofo车锁破解技巧小学生中流传〉。新闻晨报。2017-03-28。原著喺2018-03-20歸檔。喺2017-08-22搵到。

[7] 〈共享单车骑行有法规了！载人、乱停等会失信被惩戒〉。《中國新聞網》。人民網。2017-08-04。

[1]

[2]

[註 1]

[4]

[5]

[6]

[3]