Portal:時人時事/2020年6月
| << | 2020年 6月 | >> | |||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||
| 維基新聞 | |||||||||||||||||||||||||||||||||||||||||||||||||||
- 全球武漢肺炎感染人數已經超過900萬，單係美國嘅感染人數已經超過咗200萬，而且冇減少或放慢嘅跡象。好多已經重開咗嘅州而家考慮緊重新封閉。而且由於好少公民戴口罩，因此最近去過德薩斯州，亞利桑那州和南卡羅萊納州嘅人要實行自我隔離。喺加利福尼亞州，25％的感染來自最近呢兩個禮拜，每日感染人數大概係5000-7000。(加州衞生部) (數據合輯)
- 中國繼續吞併尼泊爾村莊。Annapurna Post 報道，中尼邊境村莊瑞村 (Rui Village) 嘅邊界座標俾中國解放軍整爛咗，解放軍仲佔領埋條村。但係到呢一刻尼泊爾政都府冇出過聲。過去兩年，中國已經佔領咗尼泊爾 11 個地方嘅戰略土地。(Annapurna Post) (East Mojo) (Swarajyamag)
- 西伯利亞東北面、莫斯科以東三千英里嘅鎮仔 Verkhoyansk 錄得喺北極圈，1885年有記錄以嚟，最高氣嘅溫度，38 ℃。(華盛頓郵報) (BBC)
- 香港時間14:37-17:25左右發生咗一次日偏食。今次日食喺西非、阿拉伯半島、南亞、中國南部同埋台灣部分地區都睇到。下次喺香港嘅日食要等到 2023 年 4 月 20 號。(可觀自然教育中心暨天文館) (香港天文台) (BBC)
- 歐洲議會大比數通過咗冇約束力嘅決議，譴責咗中國大陸就港版國安法搞立法；議案又指北京如監硬推個國安法，歐盟就應該入禀海牙國際法庭，控告中國違反《中英聯合聲明》同《公民權利和政治權利國際公約》。(熱血時報) (HK01)
- 黑人人權運動繼續喺世界各大城市發酵。適逢六一九（Juneteenth）紀念德州係1865年宣布所有奴隸都係自由，好多個銅像都俾示威者扯咗落嚟，包括以前啲有錢有黑奴嘅大地主，同埋美國南北戰爭代表支持黑奴制度嘅南軍將軍，又或者係殖民主義之下大屠殺原居民嘅名人。 (CNBC) (華盛頓郵報) (明尼蘇達星報)
- 印度為喺加勒萬河谷印中衝突中死亡嘅20名將士舉行咗隆重葬禮，有數以萬計嘅民眾到現場送別。據報印度民間發起咗抵制中國貨嘅呼聲，而中國國旗同國家主席習近平嘅畫像至少喺兩座城市被焚毀。(RFI新聞)
- 美國制裁敘利亞阿薩德政府嘅《凱撒法案》生效，緊鄰敘利亞嘅黎巴嫩就出現咗經濟同金融混亂，黎巴嫩鎊急速貶值，黎巴嫩人就排長隊搶購稀缺嘅美金。喺貝卡東部地區同南部城市西頓，民眾都喺第二日朝頭早兌換站未開門就排長隊輪候。(鉅亨網)
- 武漢肺炎大爆發全球確診人數超越800萬，死亡人數超越43萬。(新科學人) (Worldometer)
- 喺印中邊界嘅加勒萬河谷（Galwan Valley）地區，印軍同解放軍部隊爆發咗45年以來最嚴重嘅流血衝突，印度已公佈有 20名印度軍人死亡，而中方冇公佈傷亡，印媒指有43名解放軍傷亡。印度軍方指控對方係有預謀同計劃咁發動攻擊，仲公開咗對方係用埋自製嘅狼牙棒去攻擊啲印度兵，先至直接造成咗嚴重傷亡，中方就保持沉默。(自由時報) (立場新聞) (RFI)