Talk:中環廣場 (香港)
又係值得討論嘅搬文
[編輯]我唔清楚其他地方嘅中環廣場有幾出名，只係知道香港嘅中環廣場曾經係香港甚至係亞洲最高樓，而Special:邊度鏈去呢版/中環廣場幾乎全部都係想連去香港嗰座。另外，我發現中文維基將香港嘅中環廣場搬去「中環廣場 (香港)」，都係同一人大約5個月前搞，zh:Special:链入页面/中環廣場仍然有好多連結都係想連去香港嗰座。中文維基呢度唔方便理，希望大家討論下呢度應唔應該搬返呢篇去中環廣場。--Kowlooner (傾偈) 2014年11月9號 (日) 13:05 (UTC)
- 少少參考資料，希望對討論有幫助：[1][2]。--William915（傾偈） 2014年11月9號 (日) 15:43 (UTC)
今次我對出名唔出名冇大意見。對之前講嘅技術問題，有考慮，有成五十篇文連過去，係唔係搬版者要改返好啲連結先？我認為 SysOps 冇責任去幫你「執手尾」，更加重要嘅係，呢個搬版係未有大家嘅共識。--WikiCantona (傾偈) 2014年11月10號 (一) 00:48 (UTC)
- 既然大家無乜意見，考慮到Special:邊度鏈去呢版/中環廣場幾乎全部都係想連去香港嗰座，我就搬返去主版。--Kowlooner (傾偈) 2014年11月23號 (日) 12:41 (UTC)
我唔清楚其他地方嘅中環廣場有幾出名 --Kowlooner (傾偈) 2014年11月9號 (日) 13:05 (UTC)
我可以話你知，你對其他城市嘅知識好少……雖然話出噉嘅事唔係好怪，當時我重未出聲，但係，呢次绝对唔可以容忍。--CRCHF (傾偈) 2015年1月20號 (二) 13:19 (UTC)
只係知道香港嘅中環廣場曾經係香港甚至係亞洲最高樓 --Kowlooner (傾偈) 2014年11月9號 (日) 13:05 (UTC)
之前佢話係，而家唔係，而家廣州有幾棟高樓高過佢。我之前知爱羣大酒店之前係最高楼，而家有一大堆廣州建築高過佢都有。--CRCHF (傾偈) 2015年1月20號 (二) 13:19 (UTC)
而Special:邊度鏈去呢版/中環廣場幾乎全部都係想連去香港嗰座。--Kowlooner (傾偈) 2014年11月9號 (日) 13:05 (UTC)
我都知情況，不過而家改咗。雖然話佢呢度有一大堆正文嗰度都係有中環廣場份，但係之前有人已經改了（唔信睇吓佢嘅编辑历史同佢嘅差異）。至於點解重有一大堆版重留咗喺嗰度，係因為嗰個模有緩存問題。正常嚟講，如估一改咗個模嘅鏈接，入面之前有過賴歷史記錄鏈接將會全部消失嗮，但係嗰啲連去呢版嘅模度除咗{{hksp}}之外就冇第啲嘢連去中環廣場嗰版喇。睇眞啲，呢個模的的確確有人已經將「中環廣場」改咗「中環廣場 (香港)」㗎。--CRCHF (傾偈) 2015年1月20號 (二) 22:15 (UTC)
另外，我可以重新話點解要後面加“(香港)”呢個：
- 1. 廣州都有間中環廣場（William915講嘅都係證明）。我重有證據：[3]、[4]
- 2. 如估用「中環廣場」嘅標題好明顯係香港中心，加上冇邊間中環廣場係特別出名。廣州嗰間一樣都出名，就係你唔知，广州影讯保利国际影城就喺嗰間嘢入面（呢兩間影城喺廣州入面出嗮名嘅）：畀埋數你睇：[5]、[6]、[7]。而家全廣東都知廣州嗰度有間中環廣場（因為對面就係廣東電視台，好多廣東電視台同南方電視台嘅新聞媒體成日就嚟嗰度搞節目。證明：南方新丝路模特大赛（南方電視台嘅一個比較出名嘅選美大賽節目）就喺廣州嘅中環廣場度搞過，今日最新聞節目就喺廣州嘅中環廣場度搞過，DV现场節目嘅部分鏡頭都喺嗰度影過），甚至喺佛山都有间。
- 3. 呢度唔係香港維基百科，粵語唔係凈得香港人先至識講。噉我可以話：佛山南海同馬來西亞吉隆波都有間，唔通都係新鴻基出㗎？
- 4. Kowlooner，你已經唔係第一次噉樣啦，邊度連去嗰版嘅嘢未必係正式理由，因為維基百科嘅連去嗰版度啲嘢可以畀人改。既然而家已經有人改嗮，跟住落嚟就要撥亂反正，凡係Kowlooner掂過嘅文章有矯枉過正問題嘅，全部歸正。
- 5. 你唔信嘅話，去廣州嗰間中環廣場問下當地嘅開發商係唔係你哋嘅新鴻基？我哋嗰間係保利物業嚟開嘅，完全同新鴻基唔鏬更（简直係打天打瓦）！就同國際金融中心噉，大鳩把咁多，正如黃大仙祠唔止一家。就搵個例子。我細個住廣州越秀，細個以為出面荔灣區附近就有條西華路，完全唔知嘅番禺重有西華路。
--CRCHF (傾偈) 2015年1月20號 (二) 21:36 (UTC)
- 見你點名批評我，我一定要回應下。首先，上次你未經討論就搬文，我都唔出聲，只係開過個討論傾搬唔搬返原名，同埋有提出用原名嘅理據，當時無人反對情況下，我先至搬返去原名。呢度唔係我一個人嘅（亦唔係你一個人嘅），最緊要都係睇多數人意見，所以假如當時有反對聲音並提出合理理據，我當然會接受共識，絕對唔會夾硬嚟。重有，你嗰句「凡係Kowlooner掂過嘅文章有矯枉過正問題嘅，全部歸正」，好有對人唔對事嘅感覺，明明只係大家觀點唔同，點解係都要話係我錯晒呢？每個個案情況都唔會一模一樣，點解唔可以逐個個案攞出嚟等大家（唔係得你同我兩個）個別去討論？我要講嘅係咁多，唔想再浪費時間爭論。既然你提出咁多理據，我都唔會堅持去改變現狀。--Kowlooner (傾偈) 2015年1月25號 (日) 14:00 (UTC)