Talk:江門市
「肛門」有無必要打注意？
[編輯]我認為好唔妥，論點有三：
- 首先，我哋呢度寫嘅係漢字，係表意文字，唔係可能搞出同拼寫嘅拼音文字，試問有邊個咁得意想搵「肛門」，反而去咗「江門」？兩個字差別咁大，噉都打錯，我知講咩好。
- 第二，我知道向來有江門/肛門嘅笑話，但係，作為百科文章，笑話適合寫上去嗎？
- 退一步講，作為軼聞確實重可以寫上去，但係有必要出現喺文章之上嗎？
- 最後，亦係最緊要嘅，呢個係咪冒犯？據我知，一啲江門人真係好唔鍾意呢味嘢，將心比心句，各位願意畀人嗌做「肛門人」之類嘅名？如果咁啱有個江門人路過呢處，見啲人寫啲噉嘅嘢上去，會唔會發起編輯戰？呢個禮貌尊重問題好有必要重視。S7w4j9 (傾偈) 2013年11月25號 (一) 16:28 (UTC)
- 同意鏟走，放多兩三日無人反對就做。--William915（傾偈） 2013年11月26號 (二) 02:18 (UTC)
- 到底粵語維基百科係以文字嚟分定係以語言嚟分呢？如果係以文字嚟分，點解唔併埋入國維呢？又點解唔沿用漢字要搞埋啲乜嘢拉丁化呢？如果係以語言嚟分，江門同肛門兩組同音字加個{{唔係}}模有乜問題呢？218.252.84.143（討論） 2013年11月26號 (二) 15:36 (UTC)
- 乜嘢叫做以文字來分？乜嘢叫做以語言來分？點解以文字來分就一定要同國維合併？乜嘢又係「唔沿用漢字要搞埋啲乜嘢拉丁化」？九唔搭八。
- 另外，本人係絕對贊成剷走「唔係：肛門」嘅。本人屋企都識得來自江門嘅人，佢等都好唔鍾意「肛門/江門」伊類嘅玩笑。【粵語文學大使殘陽孤侠】 2013年11月26號 (二) 21:50 (UTC)
- 到底粵語維基百科係以文字嚟分定係以語言嚟分呢？如果係以文字嚟分，點解唔併埋入國維呢？又點解唔沿用漢字要搞埋啲乜嘢拉丁化呢？如果係以語言嚟分，江門同肛門兩組同音字加個{{唔係}}模有乜問題呢？218.252.84.143（討論） 2013年11月26號 (二) 15:36 (UTC)
- 呢個涉及「政治正確」同「知識」（邊個、乜嘢定知識）。係唔係有人唔鍾意就唔寫得？香港會有人唔鍾意俾人叫「港燦」，「Hongkie」，中國內地人覺得「蝗蟲」有冒犯性，外國人可能唔鍾意「鬼佬」，白人至上組織唔鍾意俾人叫「skinhead」.... 唔係就要避開晒，「政治正確」本身就係政治。
- 又講番呢篇，一個小學生，知「江門」同「肛門」同音，不個唔知便個打邊個，「唔係：肛門」會令到佢地更清楚，唔使下下都搞到咁政治嘅，想得純潔少少。--WikiCantona (傾偈) 2013年11月27號 (三) 05:23 (UTC)
- 噉你即管喺「香港」篇文道加個
{{Not|港燦}}啊，又或者加個。--William915（傾偈） 2013年11月27號 (三) 05:26 (UTC){{Dablink|爾道個「香」唔係死咗噉解}}- 呢個係「常用同音字」嘅問題。常見同音字當政治嚟搞，唔使嘛？！--WikiCantona (傾偈) 2013年11月27號 (三) 05:33 (UTC)
- 我真係唔明點解WikiCantona可以對政治考慮咁冷漠，但係同時又一見到學術考慮就話「當粵語無到」。【粵語文學大使殘陽孤侠】 2013年11月27號 (三) 05:51 (UTC)
- 我都係惹火㗎啦。觀點就講咗啦，亦唔會再講啦。--WikiCantona (傾偈) 2013年11月27號 (三) 08:55 (UTC)
- 我真係唔明點解WikiCantona可以對政治考慮咁冷漠，但係同時又一見到學術考慮就話「當粵語無到」。【粵語文學大使殘陽孤侠】 2013年11月27號 (三) 05:51 (UTC)
- 呢個係「常用同音字」嘅問題。常見同音字當政治嚟搞，唔使嘛？！--WikiCantona (傾偈) 2013年11月27號 (三) 05:33 (UTC)
- 噉你即管喺「香港」篇文道加個
我認為問題唔在於語言文字（呢個開遞欄討論），關鍵係尊重問題！粵語維基唔係香港/廣州party，最最基本係要涵蓋所有以粵語爲傳統嘅地區。喺文章頭掛個「肛門」，盞令其他粵語族群話「粵語維基就係班廣府佬搞嘅二打佬嘢」──中立原則去咗邊？我唔想粵維有地域攻擊，亦唔想淪為二三流茄喱啡。S7w4j9 (傾偈) 2013年11月27號 (三) 05:35 (UTC)
啲人借咗中文維基百科個模，【注意】一字，令人覺得礙眼。英文維基百科，係無注意依個字。拎走個【注意】睇睇。HenryLi (傾偈)
如題。我乃係堅·四邑人、台山仔一個，我想話呢，江門還返江門，江門市還返江門市，唔好撈亂。因爲從未見過亦未聽過「江門開平」或者「江門台山」嘅講法或寫法。話說舊底，四邑中心一路喺新會縣會城鎮，而江門原先亦係新會縣下轄一鎮，至於後來反爲變咗妹仔大過主人婆，呢個係行政區劃亂Q咁調整嘅結果，所以響處要修正返。身爲四邑人，「江門」同「五邑」呢兩個名，我自己就接受唔到lor。屋企老人家亦話舊底未聽過「江門」呢個地名，重問係乃啊（台山話、即廣州話嘅「邊處」）。外國華僑我估都好少人知「江門」係乜，但係一講台山、新會、開平...佢哋即刻就明。嗱，上高邏輯怕且有些少亂，但係咁來睇呢，係咪好應該搬版呢。搬版去江門市之後兩日之內，我就開江門呢版。 广州阿沾 (傾偈) 2017年7月7號 (五) 14:24 (UTC)
- 我對政區、地名立題寫嘢一個睇法係，唔好惹地域糾紛，唔好惹地域污名，唔好搞地域攻擊，可以妥協就妥協，過得人過得自己，大家都好過，所以喺定題我覺得唔會好硬性要求全部加政區後綴抑或唔加，既然有啲噉嘅地域糾紛，分兩版來或者係好事。支持。--S7w4j9 (傾偈) 2017年7月8號 (六) 09:01 (UTC)
- 無錯。呢次提搬版正正係爲解決名稱糾紛。多謝支持。 广州阿沾 (傾偈) 2017年7月24號 (一) 11:38 (UTC)
- 呢個討論經已有17日無人提反對意見，準備搬版。 广州阿沾 (傾偈) 2017年7月24號 (一) 11:38 (UTC)