Talk:Eden Hazard

又嚟一單病毒譯音

根據Omniglot.com同英文維基畀出嚟嘅讀音，建議譯做愛達·阿薩特（好多外文嘅維基標題都係「姓+名」嘅譯法，因為佢嘅出世地係比利時嘅拿魯維亞，嗰邊講法文）。雖然夏薩特係病毒譯音名，但係要喺鏈接入面直接註明就得，唔使下下攞嚟做標題嘅大婆。--CRCHF (傾偈) 2015年6月10號 (三) 22:35 (UTC)

我會建議用「阿薩」，起碼個「薩」字係[t̚]結尾但係又唔爆出來，恁樣一來萬一個D真係唔發音都無使驚。至於Eden我就有理由相信係荷蘭文，建議跟荷蘭文發音規則譯「艾登」或者「毅登」。【粵語文學大使殘陽孤侠】支持全面中止IP用戶編輯權 2015年6月11號 (四) 18:59 (UTC)

「唔使下下攞嚟做標題嘅大婆」…係唔係又想柯德莉·赫賓呢類不愉快、製造維基友之間不和諧嘅事件發生先？「夏薩特」係就係譯錯音，但港澳地區都有叫「夏薩特」，噉都冇計喎（但起碼睇落唔係普通話/國語先。國維話普通話/國語叫「阿扎爾」，個音都唔多似）。我寧願標題維持現狀（唔搬），並將個較正確譯音加入內容（而家個註入面）算數。SC96 (傾偈) 2015年6月12號 (五) 13:32 (UTC)

我冇話到產生唔和諧事件，係你理解錯。唔該，呢度係粵文維基百科，唔係「香港」維基百科。譯音都要有學術性，唔係睇落同煲冬瓜個音唔多似就可以做譯名㗎。你即使拗得過我呢關，噉你拗唔拗得過殘陽孤侠嗰關？--CRCHF (傾偈) 2015年6月14號 (日) 23:52 (UTC)

殘陽孤侠都話個「d」唔發音，CRCHF係都唔信，要問法國人先可以證明！À la 雞 (傾偈) 2015年6月18號 (四) 21:15 (UTC)

廢鷄，本少爺使你教識我個「d」唔發音？你唔係話永遠都唔夠膽再討論譯名㗎啦咩？你自己問心嗰句，如果你唔係飯飯都衰齊澌嘅話，你會講極人等都唔信？會凡係你提嘅譯名都反對？返你嘅鷄籠食鷄飯啦，粵維無徂你隨時發展得重快啊。【粵語文學大使殘陽孤侠】支持全面中止IP用戶編輯權 2015年6月18號 (四) 21:49 (UTC)

• http://zh.forvo.com/search/hazard/fr/

Hazard嘅「d」唔發音㗎。À la 雞 (傾偈) 2015年6月10號 (三) 23:25 (UTC)

冇吹水喇，凡係你提嘅譯名我都反對。上次殘陽孤俠已經狙擊咗次，forvo唔係萬能㗎。另外，我查過佢嘅法文讀音，佢嘅d音係發出嚟。--CRCHF (傾偈) 2015年6月11號 (四) 00:15 (UTC)

À la 雞，我對你嘅印象係：你唔識畀譯名，建議你學下正宗嘅粵語讀音同標準嘅國際讀音2年先至好過嚟。上次我喺TALK:陳楠已經專程警告過你喇。--CRCHF (傾偈) 2015年6月11號 (四) 00:15 (UTC)

SC96寫咗[azaʁ]喺文章，要問法國人先可以證明個「d」係唔發音。À la 雞 (傾偈) 2015年6月11號 (四) 00:34 (UTC)

佢又係冇查讀音，建議去Omniglot同英文維基嘅en:HELP:IPA for French查過讀音先至講喇。我查過「d」係發音㗎。--CRCHF (傾偈) 2015年6月11號 (四) 01:50 (UTC)

en:French orthography#Sound to spelling correspondences真係寫住「d」喺開頭要發音，喺尾係唔發音。À la 雞 (傾偈) 2015年6月11號 (四) 14:03 (UTC)

一隻鷄咯少幾聲無人話佢啞㗎。乜你唔係自動永遠消失徂啦咩？重諗著開個party慶祝粵維超過一個月無鷄屎添。【粵語文學大使殘陽孤侠】支持全面中止IP用戶編輯權 2015年6月11號 (四) 18:59 (UTC)

廢雞，你唔係話永遠消失咩？而家連元維基都證明你係Fête嘅襪公仔，你重想賴？囍有此理，睇嚟掟你去街市嘅劏雞檔先至得喇。我去Omniglot查過，嗰度冇話法文嘅「d」喺尾係唔發音嘅講法。另外，既然法文有擦音嘅，加上結尾有拔音，我而家建議譯愛達·阿澤。--CRCHF (傾偈) 2015年6月14號 (日) 22:49 (UTC)

Omniglot唔係寫住「en」讀[ɑ]，係寫住「en」讀[ɑ̃]。À la 雞 (傾偈) 2015年6月18號 (四) 21:02 (UTC)

擘大隻眼睇清楚啲喇，可以讀ɑ̃或ɛ̃。（PS: 諗唔到中文維基嘅標題都係病毒譯音，眞係有排拗喇。）--CRCHF (傾偈) 2015年6月18號 (四) 23:56 (UTC)

喺文章度，CRCHF寫咗[ɛdɑ azaʁd]，殘陽孤俠話Eden唔係法文名，唔係法文名都可以跟法文讀咩？讀[ədɑ̃]啱咩？我唔信[ədɑ̃]係啱。À la 雞 (傾偈) 2015年6月20號 (六) 00:05 (UTC)

第二次提出搬（搵到Eden嘅姓氏出處）

呢次我提出搬版理由係修正返個讀音（既然之前有三位仁兄喺度傾緊法文讀音），但係今次俾我搵到Eden嘅出處。Eden既唔係出自英文，又唔係出自荷蘭，而係出自希伯來文עֵדֶן一詞，Eden嘅讀音我會按香港譯「伊登」（睇呢篇同呢篇，重有呢篇，講嘅都喺希伯來文עֵדֶן一詞出現。再唔信可以睇英文維基呢篇）。但後邊嘅Hazard有得講，因為呢個詞喺唔同歐洲語言，讀法都唔一樣。加上Eden Hazard喺比利時拉路維亞出世，因為拉路維亞屬法文區，所以按法文規則嚟譯。

法文讀音規則入面，單詞凡係有h字一般唔發音，a字發/a/或/ɑ/音肯定唔使問喇。由於最後一個字母發/d/音，加上唔使爆出嚟，而且z字讀/z/音，所以夾埋一齊，我建議譯「阿澤」，因為法文嘅/zaʁd/喺粵語可以用入聲字嚟譯。

總而言之，我建議譯「伊登·阿澤」（最似原音譯法）。至於港澳地區都有叫「夏薩特」，雖然睇落唔係普通話，個音都唔多似，但凈得港澳地區啲人知，我哋廣東嗰邊既唔根北話，又唔跟香港譯法。一味跟病毒音，到時俾人笑成「港囧」就唔好喇。--WKDx417 (傾偈) 2015年10月6號 (二) 04:28 (UTC)

反對，固譯— 之前未簽名嘅留言係由Plkdsa231（留言 • 貢獻）所加入嘅。

討論冇共識。SC96 (傾偈) 2015年10月20號 (二) 12:28 (UTC)

第三次提出搬

Plkdsa231簡直係大細超，呢次我提出搬嘅理由係固有化譯名（簡稱固譯）嘅問題而搬。Eden既然喺第二次提出討論入面講到喺希伯來文עֵדֶן一詞出現，噉就應該用返「伊登」。而「夏薩特」嘅固有化譯名其實係英文嘅固有化譯名譯音（[1][2]），而Hazard一詞喺歐洲嘅語系出現，而且每個語言都唔一樣讀音。另外經過維基辭典查實，法文嘅Hazard人名一詞其實源於阿拉伯文「زهر」一詞，之後演變成hasard一詞，最後演變成hazard噉嘅樣。如估話「夏薩特」係固譯，噉可以講得「阿扎爾」更加係固有化譯名，加上法文讀音/a.zaʀ/同廣州音「阿扎爾」嘅固譯相差唔係好遠（因為有人喺TALK:Le Pas同我嘅討論頁提過/ʀ/嘅讀音【尤其係幾個YouTube視頻入面提到嘅發音】，另外廣州重有好多人講粵語）。譯名方面我建議用返「伊登阿扎爾」，因為去過Google同bing搜索，「伊登阿扎爾」個名一樣講嘅都係指香港媒體通稱嘅夏薩特，加上嗰個人又唔係好似朗拿甸奴、羅賓奴、朗拿度、大衛碧咸、施丹噉嗌咗好長時間。

相關參考：TALK:Le Pas、User talk:WKDx417/法文讀音存檔、TALK:嘉羅、en:wiktionary:hazard#French、en:wiktionary:hasard、（哥連泰斯辭典講嘅英文hazard同法文hasard嘅讀音差別）、Google搜索、bing搜索 --WKDx417 (傾偈) 2016年1月11號 (一) 02:10 (UTC)

反對。--UserPlkdsa231) 2016年1月15號 (五) 18:41 (UTC+8)

請問點解？有冇學術證明話一定係夏薩特同佢似音先？冇嘅呢個反對票可以講唔算。如估話反對，噉我可以講話斯圖加特可以搞返史特加喇，連呢啲最基本嘅正確音都犧牲埋，真係唔知醜。不過我喺呢度再次聲明：如估嗌咗好耐嗰啲名就算（例如施丹、喬治布殊、朗拿度、大衛碧咸、羅賓奴、海德公園、牛頓、瓦特、重有咩莫扎特、曼徹斯特、達文西、希波克拉底、貝爾格萊德嗰啲），我都唔再追究。我等為廣州粵語爭取生存空間，唔代表喺由香港粵語度搶，但係病毒或北話譯名除外。另一方面，如估嗰個病毒音係好多人用，喺文章入面列齊大多數人用嘅譯名參考（話證明用咗好耐嘅名），我係無條件支持嘅。--WKDx417 (傾偈) 2016年1月16號 (六) 13:27 (UTC)

信唔過WKDx417畀嘅譯名，反建議用返Eden Hazard，費事再傷和氣。SC96 (傾偈) 2016年1月16號 (六) 14:19 (UTC)

冤～枉～！，「伊登阿扎爾」呢個譯名唔係我畀嘅，而係早前有媒體係噉嗌（附上Google搜索：伊登阿扎爾（859000條）；伊登·夏薩特（712000條）；艾登·阿扎爾（876000條））。如估「伊登阿扎爾」咁多人用嘅非原創譯名都話唔讚同，不如用外文原名算，噉樣少啲拗數。而係上次Plkdsa231三番四次講係都唔聽，加上又畀唔出證據。雖然我一直反對À la 雞畀嘅譯名，但我呢次改正譯名之後，我完全信得過À la 雞，佢講嘅/a‘zaʀ/唔係冇道理。--WKDx417 (傾偈) 2016年1月17號 (日) 02:37 (UTC)