Template:是日靚畫/2017/12/21

出自維基百科,自由嘅百科全書
Jump to navigation Jump to search

是日靚畫

九龍鑽石山至長沙灣嘅全景攝影圖

九龍一地,係香港境內中心,北連新界,南為維多利亞港,以獅子山大老山同飛鵝山一帶嘅山脈為北界。東至鯉魚門,西至荔枝角,南為九龍半島之端尖沙嘴。西邊海面嘅昂船洲就喺行政劃分上成為九龍嘅一部分。九龍望南,對面海就係香港島。九龍全境係市區,同港島北岸市區遙遙相對。

直至2003年,九龍雖然只係得四十六點九三平方千米,但係就住咗香港三成人口。根據2006年中期人口統計,九龍住咗二百零一萬九千五百三十三人。迫夾嘅九龍,當中部份區份,更曾經長期位居世界人口密度榜首。不過香港政府好多年嘅政策實行後,將一部份人移去新市鎮,密度變到比較低。

大清時,九龍就有九龍巡檢司衙門,設喺九龍寨城。九龍巡檢司簡稱九龍司,係新安縣兩個司之一,管今日香港同部份深圳地方。

今日界限街以南嘅九龍半島,響1860年政府割讓畀英國,由香港政府喺行政上劃為九龍。到1898年,清政府再被迫租借界限街以北、深圳河以南嘅土地畀英國,之後香港政府就將由界限街去到到獅子山等山脈之間嘅地方叫做新九龍。今時今日,除咗別義之外,「九龍」一般係指界限街以南嘅九龍半島加埋新九龍。

圖片來自:Ryan Cheng @ flickr
舊圖 - 更多正圖...