User:Cyberpower678/sandbox
天水圍（粵拼：tin1 seoi2 wai4；英文：Tin Shui Wai）喺香港新界西北，原本係屏山鄉下嘅圍村，係后海灣嘅魚塘，家下係元朗西北一個新市鎮，行政上歸元朗區。
區內曾經因為人口突然增加，導致一啲社會問題，更被人形容做「悲情城市」。[1]近年喺多個社會團體嘅關注同努力下，情況已經有改善。
史
[編輯]天水圍一帶，舊時係后海灣一部份，係屏山對出嘅海。因為附近一帶河涌沖積，而成淺灘。而人圍海做鹹田，加速轉海為地。後圍田變成圍魚塘。
私人發展
[編輯]1978年，長江實業（簡稱長實）同會德豐合股公司買入天水圍地同魚塘，用嚟日後起樓。1979年下半年，有中資背景嘅華潤集團買入該公司大部份股權，當時華潤佔百分之五十一，長實佔百分之十二點五。當時華潤想15年內起個50萬人口嘅新市鎮，但華潤唔夠錢起。後尾李嘉誠睇好天水圍，就慢慢吸納華潤之外嘅股權，到咗1988年，佢佔百分之四十九[2]。
1988年12月，長實同華潤傾掂，發展嘉湖山莊，風險由長實揹，但長實會收多啲。1998年，天水圍嘉湖山莊七期全部起好[2]。
新市鎮
[編輯]同嘉湖山莊差唔多時間，香港政府打算將天水圍納入做新市鎮。1992年，區內第一個公共屋邨天耀邨起好。
註
[編輯]- ↑ 〈【重案現場】勿忘悲情城市中的血淚慘劇 刀殺妻女自殘亡〉。
- ↑ 2.0 2.1 〈李嘉誠少年與青年的成長經歷〉。原著喺2010年1月4號歸檔。喺2009年6月14號搵到。