User:Kvckelvin/荒野亂鬥

荒野亂鬥
Brawl Stars
類型	MOBA、英雄射擊遊戲
平台	iOS、Android
整	Supercell
發行	Supercell
模式	多人電子遊戲
發行日期	2017年6月14號（Beta版） 2018年12月12號（全球，除咗中國大陸） 2020年6月9號（中國大陸）

荒野亂鬥係由芬蘭電子遊戲開發商Supercell開發同發行嘅免費增值手機電子遊戲。

遊戲玩法

File:Brawl Stars Bounty gameplay.png

“搶星大作戰”模式嘅遊戲截圖

荒野亂鬥係一款多人在線戰鬥競技場同第三人稱射擊遊戲，玩家可以喺多種遊戲模式下同其他玩家或AI對手對戰。玩家可以由寶箱、亂鬥通行證、榮耀之路或商店解鎖英雄（英文︰Brawlers），並用呢啲英雄去對戰。

荒野亂鬥有好多唔同嘅遊戲模式俾玩家選擇，每種模式都有唔同嘅目標。玩家可以根據唔同模式嘅隊伍人數上限去邀請朋友一齊玩。

另外，遊戲中可以用寶石或者星徽點數去買英雄嘅外型，或者通過「亂鬥通行證」解鎖外型，而呢啲外型會改變英雄嘅外觀、動畫同/或聲音。

能力

除咗普通攻擊，每位英雄仲有另外三種能力。

超級技能

當成功對敵隊英雄造成傷害嗰陣，會累積超級技能嘅技能條，儲滿成條技能條就可以使用超級技能。每個英雄都有佢專屬嘅超級技能。例如可以獲得護甲（羅莎），放出艦炮（佩妮）或者連續發射火箭炮（布洛克）。 如果使用超級技能時成功對敵人造成傷害，亦會累積下一次超級技能嘅技能條。 

能力之星

每個英雄仲會有個叫能力之星嘅被動技能，可以係寶箱解鎖，或者當英雄去到9級就可以係商店入面買。當你解鎖能力之星，英雄就會自動升到10級。部份能力之星會對敵人造成傷害，但係呢類傷害並唔會直接累積超級技能嘅技能條，只會幫助玩家更容易累積技能條，例如滴答嘅「自動自發」會令佢可以更頻繁咁攻擊，妮塔嘅「熊之狂暴」會令佢召喚嘅熊靈提升攻擊速度，攻擊敵方英雄嗰陣就可以更快儲到技能條。2019年6月26號開始嘅夏季期間，第二個能力之星亦正式推出。

武裝配件

2020年3月17號，遊戲推出咗武裝配件，係另一種可以解鎖嘅能力。

經濟

遊戲入面有四種虛擬物品：金幣、寶石、寶箱同星徽點數。

金幣

金幣係遊戲入面嘅主要貨幣，可以通過寶箱或者商店入面嘅免費獎勵獲得，亦可以用寶石購買。金幣可以用嚟買能量點數、能力之星同武裝配件。如果你有足夠嘅能量點數，亦可以用金幣升級你嘅英雄。

寶石

寶石係一種高級貨幣，可以用真實金錢購買，或者透過亂鬥通行證獲得。 寶石可以用嚟買角色造型、金幣、更改名稱、英雄、雙倍代幣加成、寶箱同埋亂鬥通行證。所有玩家會自動擁有暢玩卷（亂鬥通行證中免費的部份）。

寶箱

遊戲入面有3種唔同嘅寶箱（遊戲版本嘅戰利品盒子）。 最基本嘅係亂鬥寶箱，另外兩種獎勵比較多嘅係大型寶箱同超級寶箱，呢兩種寶箱分別會得到亂鬥寶箱三倍同十倍嘅獎勵。玩家可以直接用寶石或者金幣係商點入面購買，或者透過亂鬥通行證同榮耀之路獲得。

榮耀之路

玩家可以將榮耀之路當為遊戲進度嘅一個參考，亦可以透過對戰嚟提升獎盃數去獲得榮耀之路嘅獎勵。獎勵包括︰新英雄、金幣、能量點數（可以用嚟升級英雄）、雙倍代幣加成、新獎盃活動同寶箱。每個獎勵只可以拎一次，唔可以重覆獲得。

亂鬥通行證

喺2020年5月，遊戲更新咗一個叫「亂鬥通行證」嘅新獎勵系統，屬於一種戰鬥通行證。 當玩家完成一場對戰嗰陣，會獲得「代幣」。代幣嘅用法同榮耀之路嘅獎盃數有啲類似，只要有愈多代幣，就可以獲得唔同嘅獎勵。獎勵包括︰寶箱、寶石、英雄造型、表情（可以喺團隊遊戲房或者對戰途中用嘅表情符號）、金幣同英雄。亂鬥通行證分為兩部份。所有玩家會自動擁有免費嘅暢玩卷。玩家亦可以選擇用寶石購買付費嘅亂鬥通行證。亂鬥通行證取代咗以前嘅亂鬥寶箱同大型寶箱獎勵系統。

賽季

每個亂鬥通行證都有唔同獨特嘅主題，而每個亂鬥通行證都係維持一個賽季。

參考資料

[[Category:IOS遊戲]] [[Category:Android遊戲]]