香港係位處華南嘅一個城市，三面環海，南至南中國海，西為珠江，東眺南大鵬灣。北面隔深圳河連住中國大陸。香港曾經係英國人嘅殖民地，1997年開始由中華人民共和國接管，成為特別行政區。香港有唔少島，散佈東南西。因為瀕海，水路發達，所以係由太平洋到印度洋，各國洋船必經之路，空運亦係南洋同中國嘅樞紐。
