學習曲線（Learning curve）喺心理學等領域上係指一類嘅數學模型，個模型用一條線描述一個學習者嘅表現隨經驗嘅變化。設 Y 軸做學習者喺一件工作上嘅表現，X 軸做時間，個受試者家陣一路係噉做嗰件工作做一段時間，正常嚟講，隨住時間過去，受試者會做得愈嚟愈熟手，所以條曲線嘅斜率大致上會係正數，並且去到某一個點因為受試者技術去到最高點而變平。
