.svg)
心或者心臟，係個位於脊椎動物胸部嘅中空肌性纖維性器官，外面披心包，係循環系統嘅動力部分。心有自律心肌細胞，呢啲細胞靠起搏電流做出有規律嘅動作電位，帶動工作心肌細胞有規律咁收縮，將血液送去全身嘅組織。心重有內分泌功能，佢分泌嘅肽類激素會調節血壓同埋水平衡。而佢嘅功能又會畀自身機制，神經系統同埋激素嘅微調。第一個真正嘅心可能響5億2千萬年前寒武紀第一批脊椎動物度（好似耳材村海口魚）出現。心嘅內部劃分同運作機制，同嗰隻動物嘅體形同具體生存習性（所佔嘅生態位）有密切嘅關係。心嘅正常運作對生命非常之重要，所以唔難去理解佢係動物胚胎期最早出現嘅器官之一。 (更多……)
歸檔 – 提名 – 全部96篇正文...