Wikipedia:申請做管理員

出自維基百科,自由嘅百科全書
(由Wikipedia:RFA跳轉過來)
Jump to navigation Jump to search
如果提名仲未更新,請清除頁面嘅快取
Disambig.svg
"WP:RFA"彈過嚟呢度。你可能會睇下Wikipedia:請求文章或者之前嘅正文

申請做管理員 (RfA) 係由維基百科社群決定由邊一位成為管理員(或者sysop)嘅程序。 管理員會有多樣技術上嘅功能以幫助維護。用戶可以遞交佢哋自己嘅申請書(一個自我提名)或者由其他用戶提名。

請喺遞交您嘅管理人員申請之前,睇熟Wikipedia:管理員閱讀一覽

粵語維基需要選出一啲管理員人選。有興趣嘅請喺下面簽簽名,介紹下自己,畀位大家出下意見,投吓票,為粵語維基嘅成功努力!

請跟足申請做管理員指南去開新嘅申請。

關於申請做管理員[編輯]

社群會畀管理員狀態畀一啲信任而且熟悉維基百科政策嘅用戶。管理員會擔當高標準嘅要務,佢哋有時意識到係維基百科嘅「正式臉孔」。管理員必須要有禮貌,要對於其它用戶有好嘅判斷同埋耐性。被提名者應該係嚟咗維基百科有一定嘅時間以畀到其它人有呢項嘅才能。差唔多全部嘅管理員嘅行動係可以反轉嘅。管理人員係有主要附加嘅職務,有啲規矩同埋政策係只係應用於管理員嘅。

提名標準
呢度係冇一個正式嘅必要條件去做管理員,但最基本嘅都係要有基他編者嘅基本信任。有啲用戶喺個人上會釐定唔同種類嘅標準。你可以提名自己。有啲人提名自己,會比畀人提名嘅標準更高,可以畀其他人可以睇到你係主動渴望為社群服務,以得到佢哋嘅贊同。
提名程序
任何喺良好品行嘅用戶都可以同其他用戶提名。提名會喺提名貼上喺呢度時通常會放喺呢度至少一個月,喺呢段時間,已經註冊咗嘅用戶可畀佢哋自己嘅意見或者加上評論。喺呢個時間結束之後,候選人會收到一個大致嘅共識去表示可以做到管理員。嗰啲整理管理員晉級嘅事務員會睇番之前嘅討論係唔係有一個大致上嘅共識(喺呢一度嘅共識閥值大約係有百分之 75 到 80 嘅支持)。只有事務員可以結束或反列示已經有決定性嘅晉級或者非晉級。喺被受到破壞嘅情況、唔符合格式、唔夠支持或者已經退出嘅提名之下,非事務員可以選擇反列示嗰個提名,但係佢哋永遠唔會去決定嗰個提名係唔係已經達成共識。
喺一啲例外嘅情況之下,事務員可能會延長投票嘅死綫或者宣佈對個提名重新投票以得到一個更清晰嘅共識。如果你嘅提名失敗咗,請喺你再自已提名或者接受提名之前等候一個合理嘅時間 – 最少一個月 – 先至好去再提名。
點樣提名一位編者做管理員
要提名你或者其它用戶做管理員,請跟住喺呢一頁嘅指示
如果你要喺建立提名陳述時需要協助,可以去管理員留言板同現任管理員商量下。
投票同埋評論
  • 邊個可以投票:任何有戶口嘅維基百科人都歡迎投票,包括提名人,但係,你自已投畀候選自已嘅投票係唔計嘅,同埋可能會被移除。
  • 邊個唔可以投票:未登入嘅編者(「匿名」),或者未有戶口嘅用戶。好新嘅編者可能基於懷疑類似襪公仔嘅呃人行為,可能唔計。
  • 去加入你嘅投票,撳喺有關嘅候選人嘅「喺呢度投票」連結。你可以喺有關嘅標題中加上你嘅簽名,表明係支持定係反對
  • 中立票亦都可以投,但係通常喺決定百分比時唔會計埋,但喺一啲邊界情況下,事務員可能會考慮佢哋。
  • 請解釋你嘅投票,如果可以嘅話,包括一句短嘅解釋,以說明你嘅原因,尤其係當你反對提名嗰陣。
  • 喺你嘅評論中要經常尊重其他人。
  • 討論係喺其它意見部份中進行。長討論係喺佢哋每一位被提名人嘅討論頁中進行。任何一位都可以加上評論同埋討論,包括匿名編者


現時嘅管理員提名[編輯]

請喺哩一小節嘅最頂嗰度加入新嘅請求。

提名即係提出共決,由大眾用戶決定接唔接納。如果你提名一位用戶,請喺佢哋嘅對話頁留言同埋同佢哋講,如果佢哋要接受提名,就喺哩度回覆。如果你想提名自已,請留意喺哩一度做管理員係無捷徑嘅。而家申請管理員嘅人,大概需要1,000個編輯同埋幾個月嘅編輯經驗先至會接納。喺英文維基度,少過一年嘅編輯經驗同埋少過8,000次編輯嘅編輯者,成功成為管理員嘅機會微乎其微。

請記得喺投票嗰陣,同時更新票數。

而家嘅時間係2020年7月2日,10:55 (UTC)

如果提名重未有更新,請清除頁面嘅快取

現時無提名。

關於申請做事務員[編輯]

事務員係一班可以根據社區嘅決定,去為其他用戶整做管理員或者事務員嘅管理員。佢哋亦可以為其他用戶更改用戶名,同埋可以為用戶標示機械人狀態。

申請做事務員嘅程序係同申請做管理員嘅程序差唔多,但係一般上都係自己申請。成功申請做事務員嘅標準一般會比管理員嘅標準為高,亦取決於票數、投票人同候選人嘅參與能力、以及重要嘅失格。候選人響提名佢哋之前,可能考慮會響呢度開始討論關於需要更多事務員,以取得主要嘅共識。

事務員係預咗嘅為唔同嘅個案去決定共識同埋要為決定作出解釋。投票一節同問題模可以用{{subst:Wikipedia:申請做事務員/候選人問題}}加入。新嘅事務員亦會響Wikipedia:之前啱啱建立咗嘅事務員同埋Wikipedia:管理人員任免記錄。失敗嘅提名會響Wikipedia:未能成功晉級嘅事務員記錄。

最少,響申請呢個位置之前,先睇吓事務員要做啲乜嘢,睇下Wikipedia talk:申請做管理員嘅討論同埋有關嘅歸檔。

請響呢一小節之後嘅最頂度加入新嘅請求(再一次,請響投票時更新票數)

現時嘅事務員提名[編輯]


Deryck Chan[編輯]

表達你嘅意見 (討論頁) (6/0/0); 結束預定 2020年7月8號 13:29 (UTC)

User:Deryck Chan - 本人 User:WikiCantona 提名 User:Deryck Chan aka 翹仔做事務員。

候選人,請確認接受提名:我接受提名。翹仔 (傾偈) 2020年6月8號 (一) 21:42 (UTC)


支持

  1. Deryck Chan 係最早一批嘅粵文用家,佢好多事上面盡心盡力,對好多嘅嘢熟到不得了!翹仔諗嘢做嘢周到全面,說話得體,英文叻,有正義感,對事有獨到嘅見解,有佢替粵維出聲,我嘅支持係毋庸置疑。佢喺 Q4 講到兩個事務員分工,「互相補位,其中一個有明確意見嘅話可以做提名人或者參與投票,然後俾另一個事務員結案。」I'm very impressed. 翹仔做咗事務員之後,最重要係保持佢自己一貫嘅態度作風,千祈唔好畀壓力自己。最係,脷伸(利益申報):本人係提名人,我未見過佢眞人,除咗喺 wikipedia.org 呢度,亦完全冇私下來往(not even messaging),我同佢講嘅嘢全部公開。講完。--WikiCantona (傾偈) 2020年6月8號 (一) 23:04 (UTC)
  2. 見平日做嘢幾均眞。--Cangjie6 (傾偈) 2020年6月11號 (四) 20:05 (UTC)
  3. 支持,佢有好認真噉幫手睇正文好文。我諗佢做事務員一定會好幫到大家。Dr. Greywolf (傾偈) 2020年6月12號 (五) 00:07 (UTC)
  4. 我覺得冇問題。唔重要嘅人 (傾偈) 2020年6月12號 (五) 14:56 (UTC)
  5. 支持呢次嘅提名案,而下邊度個人都有啲諮詢,希望了解返翹仔嘅睇法。——Longway22 (傾偈) 2020年6月13號 (六) 04:46 (UTC)
  6. 支持,翹仔爲人幾好,信得過。若果當選到,我講個寄望:期望翹仔經常睇睇粵維嘅每日運作,熟悉情況,噉樣做嘢會得心應手好多,希望唔會尸位素餐。--S7w4j9 (傾偈) 2020年6月17號 (三) 12:30 (UTC)

反對

中立

其他意見

編輯摘要 編輯狀況:呢位用戶響2006年3月25日進行第一次編輯,到現時為止總共有13948次嘅編輯,剔除多次編輯後就有7314版被編輯。(註:呢啲數字只能作為參考之用,呢啲數字並唔能夠真正反映用戶實際嘅貢獻狀況,有關真正貢獻嘅細節請參閱嗰位用戶嘅貢獻頁。)--Shinjiman 2020年6月9號 (二) 01:08 (UTC)
我想講下 XTools 顯示我今年頭五個幾月已經有六千幾次編輯,比起往年多咁多,其實當中有大約五千次都係個別事件導致嘅半自動編輯:三千次係 User:InternetArchiveBot 三月尾出錯嘅時候我用批次反轉(batch rollback)清理,二千次係 Module:Citation/CS1 升級所以要大規模自動更新啲用緊{{引網}}嘅文。真正嘅貢獻頻率(文章內容、傾偈、技術更新)加埋應該同之前三年差唔多。翹仔 (傾偈) 2020年6月9號 (二) 13:10 (UTC)

畀候選人嘅問題
有幾條問題提供投票人嘅指引:

1. 你有冇睇過之前嘅討論,幾時可以晉級,幾時唔可以晉級?你明唔明白晉級嗰陣所需要嘅條件?
A. 睇返過去十年嘅討論,成功晉升嘅編者全部都係大比數通過,十年嚟晉升嘅管理員加埋得一票反對票。而唔成功嘅申請,通常都係俾人無視而唔係大比數否決,真係有正反辯論嘅討論十年得一次。晉級條件基本上可以話係「有明確共識」。
2. 對於你響有引起爭論嘅提名,你會點樣處理,去決定一位用戶可唔可以晉級,又點樣處理響唔能夠晉級嘅情況之下,所引起嘅批評?
A. 除咗粵維之外,我都有跟英文維基百科嘅管理員提名。嗰邊嘅做法係,扣除唔合資格投票嘅新手之後,如果超過75%支持就算通過,少過65%支持就落選,兩者之間就由事務員討論決定。睇返粵維過去十年嘅所有管理員提名,其實用呢條方程式計出嚟嘅結果同實際結果完全一樣,而且根本冇候選人喺65%至75%呢個尷尬位。如果真係喺呢個尷尬位,我會同其他事務員討論反對意見足唔足以令到個討論失去共識;如果其餘事務員都已經投晒票嘅話就要自己判斷討論嘅大致共識。粵維同其他維基媒體站點唔同嘅係我哋冇管理員提名嘅投票門檻,原因係想歡迎識粵語但係平時喺其他站點活躍嘅維基人、同埋新手參與討論。理論上可以話呢個規矩有灌水嘅漏洞,但係十四年都冇發生過,我諗條規矩唔急住改。
3. 維基百科人認為事務員係需要堅守高度公平嘅原則、政策嘅知識同埋同其他人從事嘅能力。點解你會覺得你會符合嗰啲嘅標準?
A. 事務員實際上得一樣嘢做:設定用戶權限。事務員先至可以設定嘅權限包括事務員管理員、同埋機械人。由於事務員有擢升管理員嘅實權,所以傳統上唔少人會當事務員係一個維基站點嘅領袖。但係呢啲傳統上嘅「事務員任務」其實係管理員,甚至任何編者都做得嘅。粤文維基百科承傳維基價值,希望盡量用討論尋求共識而唔係下下靠投票同權威介入,而我自己亦唔希望大家當事務員喺用戶權限事務之外有特權。至於我嘅經驗呢,粤文維基百科裏面涉及社羣集中討論然後尋求共識嘅制度,多數我都有份創立,例如Wikipedia:刪文討論Wikipedia:版權問題、同埋而家你睇緊嘅Wikipedia:申請做管理員,所以我相信大家可以睇我過去十幾年幫粵維社羣尋求共識、解決問題嘅表現,嚟決定投贊成定反對票。
4. 如果你做咗事務員之後,你會唔會保證唔會響提名期裏面為有潛質嘅管理員討論會唔會晉級,尤其是係響決定嗰陣?同埋只係同其他嘅事務員討論可唔可以晉級,響對話度,佢哋嘅討論會響邊度先會有透明度?
A. 事務員唔一定要用事務員身份參加一個管理員申請,亦可以用一個普通編者身份參與,支持或者反對一個申請。不過,如果有事務員權限嘅編者喺提名期間參與咗討論,就會有利益衝突,唔應該做結案嗰個。過去十四年,粵維得Shinjiman一腳踢做晒所有事務員任務,所以大家見到佢一路都盡量避免參與投票。如果大家支持我做事務員嘅話,就有兩個人分工,互相補位,其中一個有明確意見嘅話可以做提名人或者參與投票,然後俾另一個事務員結案。現時粵維得Shinjiman一個事務員所以冇事務員之間溝通嘅機制,如果我做埋事務員,我會同佢夾好點樣公開透明噉商討事務員事項。
5. 你會唔會定時抽一啲時間去睇下WP:RFA,去睇吓響呢段時間度去為提名人晉級或者響唔能夠晉級嗰陣,進行反列示?
A. 我喺可見將來應該都可以保證一個月最少登入一次,睇下有冇人選管理員,亦會擺埋Wikipedia:機械人/請求核准落監視清單。
6. longway22嘅諮詢
支持呢次嘅提名案,而形式上覺得,呢度既然有一個本地交換機制運作意見嘅機會,係值得利用嘅,呢度就想諮詢翹仔啲意見:
  • 翹仔喺呢度有多咗呢個角色後,覺係點樣做先唔會令粵維人覺得,多咗個頭銜係有身份地位嘅變化?
  • 有啲朋友可能擔憂,本地嘅氛圍都係會同中維咁,而少咗參與嘅意欲,翹仔認為可以點激發大家積極啲參與返入嚟?
希望了解到翹仔嘅睇法,俾到大家多啲思考。——Longway22 (傾偈) 2020年6月13號 (六) 04:46 (UTC)
A 6.1. 做事務員同管理員要不亢不卑,用心貢獻。不卑,係要認清事務員同管理員的確係有技術特權。事務員有權擢升管理員同引入機械人,管理員有「刪」、「封」、「保」三個掣係其他人冇嘅。政策冇限實,又冇人反對嘅時候,管理員應該大刀闊斧,放膽用呢啲功能去改善維基百科,尤其是粵維呢啲人手唔多,爭議唔頻密嘅站點。至於有爭議嘅情況,或者有既定程序但係模棱兩可嘅事項,管理員同事務員亦需要揸旗做決定,執行然後負責。
但係粵語裏面「特權」其實有兩個意思。上面講嘅係第一個意思:我有啲你冇嘅實權。維基媒體站點所有有技術權限嘅人都有各自嘅「特權」。但「特權」仲有另一個意思,就係話有啲人因爲有社會地位,所以就可以唔跟規矩做嘢。我哋要避免俾人覺得事務員、管理員有呢種特權。呢個就係「不亢」,實際方法係避嫌:如果一個管理員同其他人嗌交,管理員要忍手唔好用刪封保嘅功能嚟打低對手,亦唔好威脅用管理員工具,真係覺得有需要用嘅時候就叫其他管理員出馬。事務員擢升管理員一樣:要跟足「申請做管理員」程序,投咗票嘅事務員唔好做結案人。管理員亦應該掉反轉,鼓勵其他編者做啲決策工作:例如政策頁唔一定要管理員訂立,其他編者亦可以寫,傾完有共識亦可以標記做指引、政策;Wikipedia:好文提名成個評審、上畫過程唔使管理員插手(!),任何有心編者都可以自己做;例如搬版、改文嘅討論,如果唔需要管理員工具執行結論嘅話,唔係管理員嘅編者亦應該放膽睇共識結案。事務員同管理員要做好榜樣俾人睇,無論你有咩技術權限、身份地位,喺社羣決策方面係人人平等嘅。
A 6.2. 我覺得呢度其實有兩條問題,可以拆開嚟答。首先係本地嘅氣氛會唔會好似中維噉。我諗 Longway22 講嘅「中維噉」係指一個站點有幾個意識形態唔同嘅族羣,喺爭議議題上無論做乜嘢都會有人話你唔持平,嗌交嗌到不歡而散。粵維短期內唔似會出現呢種情況,因爲粵維人數唔多,亦冇明顯跨越議題分黨分派嘅意識形態爭議,唔似喺中維上面你親中共定反中共好似變咗所有長期爭議嘅二元對立噉。翻番嚟粵維,跟住要答嘅就係點激發大家積極參與。其實我覺得維基文化嘅「先到先得」、「貢獻多就成規範」嘅原則仍然行之有效,雖然有時會心灰,但整體嚟講係令貢獻量多咗。至於粤文社群多樣性嘅問題,其實主要粵語族羣喺呢度差唔多齊晒:港澳、廣東、廣西、南洋粵人、西洋粵人,編輯常客都有。但男多女少嘅現象仍然唔知點處理。外展方面,粤文維基社群近年同唔少粵文文學項目,例如粵典、港語學等等交集,亦擴闊咗粤文維基嘅讀者群同編者群。翹仔 (傾偈) 2020年6月15號 (一) 15:16 (UTC)
多謝翹仔分享睇法,呢度祈望粵維各位都有思考到,而繼續開闢大家嘅視野。就返個人嘅角度睇,性別嘅失衡範疇,係關係到咗成個嘅社會文化背景。粵維喺成個更廣大嘅參與氛圍度,做得到嘅嘢或者唔會好多,但相信喺之後嘅實踐度,仲係值得多啲諗諗嘅。——Longway22 (傾偈) 2020年6月16號 (二) 01:39 (UTC)

相關嘅申請[編輯]

如果呢一頁未能正常咁樣更新,你可以清除快取又或者撳呢度清除伺機器嘅快取。