Wikipedia:管理員

管理員係喺維基百科度擁有更多技術功能嘅維基人，用嚟幫手維護網站，呢種權限叫做Sysop權限。維基嘅政策係向一啲活躍而且得到社羣信任嘅用戶，開放呢個權限。

請求幫手 - 成個管理員嘅一覽表 - 申請做管理員

就編輯責任嚟講，佢哋同其他所有維基人都係平等嘅。有啲維基人會覺得，所謂「管理」或者「站長」嘅叫法唔係好啱，因為管理員其實都只不過係一群維基百科的用戶。管理員係並冇高於其他用戶嘅特權，唯一可以做嘅只係實現用戶討論後的決定。

維基百科啱啱開始嗰陣時，所有用戶都做到而家管理員要做嘅嘢嘅；到而家，理論上，大家都應該係噉。即便冇額外嘅技術功能，任何用戶都可以好似管理員噉辦事，例如改善文章、提出刪除文章、改善頁面等等。當然唔可以冒稱話係管理員啦。其實噉樣嘅用戶會更有可能獲得其他用戶提名做正式嘅管理員。

社區期望管理員去做需要額外管理員權限嘅日常事務，好似處理文章刪除討論、實踐大家討論後作出嘅共識（保留或刪除），睇實新開或者最近更改過嘅文章、迅速明顯嘅破壞，以及幫其他用戶處理需要管理員權限嘅請求。管理員應該係社群入面較為有經驗嘅成員，所以有時用戶求助會轉介畀管理員，問問佢哋嘅經驗或者意見。一般嚟講，管理員應該係中立嘅，唔會直接介入用戶之間嘅問題。

具體啲講，佢哋有啲咩做？

Wiki軟件有幾樣限制咗嘅重要功能。喺呢啲限制咗嘅功能之中，管理員係有權進行以下嘅工作。（新嘅管理員，請先睇睇Wikipedia:管理員指南。）

保護頁面

對頭版等等嘅Wikipedia:保護咗嘅頁面進行編輯。要知道相關資料同政策，請睇Wikipedia:點樣編輯首頁。一般用戶可以喺Talk:頭版度表達意見。頭版要保護，係因為其他語版嘅頭版過去曾經受過大量嘅破壞，為咗確保人哋一嚟到唔會嚇親，保護佢係折衷嘅方案。
保護同埋取消保護頁面。喺好嚴謹嘅情況之下，嗰頁先至會被保護。要知道相關資料同埋指引，請睇Wikipedia:保護政策。呢一個權限亦都應用喺半保護政策之中。

刪除同埋反刪除

刪除頁面，包括圖片同佢哋嘅頁面歷史。相關資料同指引，請參考Wikipedia:刪除指引。睇完指引以後，如果你覺得某一頁真係要刪除嘅話，請去Wikipedia:刪除投票。有時，管理員要刪除嘅純粹係技術嘢，例如為咗文章改名而移除重定向頁，又或者要整返好一啲壞咗嘅編輯歷史。有時，管理員要做嘅就係清除垃圾或者剷除侵犯版權嘅內容。
睇返同埋恢復（undelete）已經刪除咗嘅頁面同埋圖片，以及佢哋嘅歷史記錄。參考Wikipedia:恢復頁面。若對某個頁面被刪除存有異議，請睇Wikipedia:刪除檢討。
收埋特定嘅修改（revdel）同日誌項目。

一撳復原

快速反轉（revert）頁面。登入咗同埋未登入嘅用戶，都可以將頁面修改成返到去以前嘅版本噉。管理員有一個快啲、自動嘅回復工具，去幫佢哋回復匿名編輯所進行嘅破壞。管理員喺用戶嘅貢獻頁同最近修改版度，會有一條好似咁嘅連結： [反轉] – ，喺嗰篇文章編輯歷史嘅最頂度出現。管理員撳個連結時，就會自動復原到嗰位用戶所有編輯之前嘅版本，另外編輯摘要會自動寫成(恢復咗阿甲嘅編輯到阿乙嘅版本)，同時亦標明為小編輯。
對於唔係屬於簡單嘅破壞編輯，唔好去用一撳復原進行回復；請用手動嘅復原方式，同時要喺編輯摘要之中加上註解。

回復破壞工作唔使喺最近更改度顯示

管理員可以喺最近更改度，隱藏破壞嘅編輯。要睇返嘅話，就要喺有關用戶貢獻嘅URL嘅最尾處加返&bot=1，例如http://zh-yue.wikipedia.org/w/index.php?title=Special:Contributions&target=Example&bot=1。當撳咗喺貢獻表上面嘅回復連結，呢次回復同埋原先嘅編輯，都唔會出現喺預設嘅最近更改版面度。bot標記本身係用喺機械人編輯度嘅；因為機器人係用嚟幫人做啲大量嘅濕碎功夫，所以如果機器人嘅編輯都顯示晒出嚟，會淹沒晒成個最近更改頁。所以，呢種修改會標示做「機械人」，噉即係嗰啲嘅編輯會喺最近嘅編輯中隱藏落嚟，除非你撳咗「機械人」嘅連結，設定佢做hidebots=0。呢啲編輯照樣會喺用戶貢獻表、頁面歷史同監察清單度顯示。呢個功能嘅目的，係為咗喺恢復大量破壞時，減少騷擾睇最近更改嘅人。呢個唔係用嚟退回管理員唔鍾意嘅更改，只係用喺簡單嘅破壞度，尤其係大量破壞。

封鎖同解封

封鎖同解封個別IP地址、IP段、同埋用戶戶口。可以封鎖到指定限期，或者永久封鎖。
想知道管理員點樣決定封鎖同埋解封用戶，請睇Wikipedia:封鎖政策。另外，Special:Ipblocklist會列出現時畀人封鎖咗嘅地址同埋用戶名。

設計同埋修訂介面嘅用語

管理員可以編輯MediaWiki空間名，嚟更改維基百科介面入面嘅用詞；即係例如修改「連結嚟呢度嘅頁面」嘅顯示方法呀、封咗嘅用戶想編輯時所見到嘅信息呀噉。

管理員亦都可以修改喺MediaWiki:Common.css、即係適用於整個粵語維基百科嘅顯示外表，好似字體大細、行距呀噉。

其它

其他需要管理員嘅權限先至做得嘅功能，包括有：

可以睇吓Special:Unwatchedpages，睇有冇一啲頁面容易畀人破壞
可以睇吓已經刪除咗嘅頁面嘅歷史

想做管理員？

如果你已經嚟咗呢度有一段時間，想得到sysop嘅權限，請去Wikipedia:申請做管理員度，參考嗰度嘅指引、加入你個大名，跟住由各位用戶進行討論，睇吓達唔達成到共識，畀你成為管理員。

建議你喺請求管理員權限之前，先花一段時間寫吓維基百科文章，等其他用戶睇到你、認同你嘅行事作風。

另外記住，每種語言嘅維基百科，都可能會有唔同嘅管理員政策。

喺維基百科，一個人建立多個戶口喺一啲情況之下係容許嘅，但只會有一個戶口有管理員嘅權限。

請小心！：如果你嘅權限已經係批准咗嘅話，提提你喺用呢啲功能嘅時候必須特別小心，尤其係刪除頁面同埋頁面歷史、刪除圖像、同埋封IP地址嘅能力。你可以睇吓Wikipedia:管理員指南學吓點樣去運用呢啲新權限。喺用任何管理員權限之前，亦都應該睇吓管理員閱讀一覽度連結嘅頁面。

管理員可以喺呢啲地方幫手

管理員權限喺有啲時候特別有用。

其它用戶權限類型

除咗管理員之外，維基百科重有好多唔同種類嘅用戶。以下大概按照佢哋權力嘅大細，由細至大去排列。喺呢個一覽表度，管理員係位於機械人同埋事務員之間。另外請睇睇Wikipedia:用戶權限等級。

IP地址

匿名用戶個名會顯示成IP地址。呢啲重未登入嘅訪客，仍然做到好多嘢，包括最重要嘅：編輯文章同埋幫手做維護工作啦。

已經登入咗嘅用戶

已經登入咗嘅用戶，除咗可以做匿名用戶所有嘅嘢之外，重可以上載檔案、移動頁面、同頁面改名、建立自己嘅用戶頁，同埋開始寫新嘅文章。即刻去Special:Userlogin開返個新戶口啦！

機械人

開咗機械人狀態嘅用戶，佢哋嘅編輯係唔會喺最近更改度顯示嘅。多數機械人都會做嘅大量嘅濕碎編輯。

事務員

事務員（Bureaucrat）可以將其他人變做管理員，但係唔可以取消用戶嘅管理員功能。事務員權限，係由呢度嘅其他事務員、或者執行員（steward）賦予嘅。事務員賦予管理員權限嘅紀錄，可以喺Special:Log/rights度搵到；執行員賦權嘅紀錄，就喺Meta:Special:Log/rights度。通常嚟講，賦予管理員權限嘅都會係返自己計劃嘅事務員。

執行員

執行員（steward）可以改變任何用戶、喺任何維基媒體計劃嘅修改權限。即係話，佢哋可以賦予或者取消用戶嘅管理員權限，同埋將某啲戶口劃做機械人戶口。佢哋做嘅嘢紀錄喺Special:Log/rights on meta。想要執行員幫手，請去m:requests for permissions搵佢哋。正常嚟講，佢哋唔會做啲一般事務員做到嘅嘢。

技術員

技術員（Developers）擁有最高程度嘅技術使用權，可以直接修改MediaWiki軟體、以及維基媒體基金會（Wikimedia）嘅頁面同數據庫。佢哋除咗檢查用戶分身及修改編輯者嘅名稱之外，基本上唔行使管理員職責。

你可以通過wikitech-l郵件名單聯絡佢哋。呢度有技術員名單以及進一步嘅資料。

管理員濫權

管理員如果濫用佢哋嘅權限，可以「燉佢哋冬菇」，即係剝奪佢哋嘅權限，詳情請睇Wikipedia:申請罷免管理員。監管員負責剝奪管理員權限。請參閱Wikipedia:解決爭論，或者喺維基元（Meta）度申請。

處理投訴

如果你認為管理員對你或者其他編輯有唔啱嘅行為，你應該直接同佢講。試吓有秩序、文明噉作出和解。如果你兩個唔能夠解決問題，你可以根據Wikipedia:解決爭論作進一步行動。最後會根據討論共識，而做出最後決定。

做管理員唔係啲乜大件事

響2003年3月，占美·威爾斯就講過「做管理員都唔係啲咩大件事」。佢話管理員只係操作員：

I just wanted to say that becoming a sysop is *not a big deal*.
I think perhaps I'll go through semi-willy-nilly and make a bunch of people who have been around for awhile sysops. I want to dispel the aura of "authority" around the position. It's merely a technical matter that the powers given to sysops are not given out to everyone.
I don't like that there's the apparent feeling here that being granted sysop status is a really special thing.

– Jimbo Wales, wikimedia.org 歸檔項目, gmane歸檔項目

咁當然，當佢唔係啲咩大件事，但響申請之前應該要得到社群嘅信任。

請參閱

事實: 響維基百科度有284,343位用戶，只有12位係管理員；即係大約響23,695用戶，就有一位管理員，又或者響1,000位用戶度，就有0.04位管理員。而家，管理員唔係警察，好多嘅用戶唔係活躍嘅，呢啲統計係唔可以完全噉去比較，但係響美國城市度，佢哋嘅比例係每1,000位居民就有2.5位警察。咁響你需要一位管理員嗰陣，『梗有一位喺左近』會唔會好啲？