Wikipedia:今個禮拜大搞作

呢版已經唔再活躍，冇人會打理，只係留低做參考。

捷徑

今個禮拜嘅大搞作係：香港
工作說明：請大家由en:Hong Kong同埋zh:香港攞料翻譯香港呢篇文，令到佢更加充實。

今個禮拜大搞作（英文：Collaboration of the week）係一個畀咁多維基人聚埋一齊，為同一件工作努力嘅地方。顧名思義，呢個大搞作每個禮拜會做唔同嘅嘢。呢件工作會由咁多維基人用贊成票制票選出嚟，大家有份參與。

大搞作通常都會攞一篇文章出嚟，一齊鬥掂佢，務求令到佢達到正文嘅水平。當然，唔係每篇文章都可以發展得咁成熟，但係大搞作始終都係向住呢個目標進發。

提名一定要係一樣大家可以落手落腳做嘅嘢，例如寫某篇文、建立某個架構，而且可以做足一個禮拜，唔會一個鐘就搞掂嘅。以前嘅大搞作提名會擺喺/歷史。

第一期今個禮拜大搞作喺2007年 2月10號開始；之後無疾而終。

提名方法

===[搞作名 / 提名文章名]===
:~~~~~提名
[提名原因、有啲咩搞]
;支持
#~~~~
;意見
#

任何登入咗嘅維基人都可以喺任何一個提名度投票。呢度嘅投票採用贊成票制，即係你支持邊個提名，就喺佢入面 "支持" 嗰欄用 ~~~~ 簽個名。投票嘅時候，亦都可以講下投票原因。呢個票制入面唔可以投反對票，但係歡迎唔支持某個提名嘅維基人留個言講下你點解唔支持佢。

匿名用戶投嘅票唔會計，但都歡迎留言同埋喺一個大搞作獲選之後參與協作。