大氣層

地球嘅大氣層

大氣層daai6 hei3 cang4，或者叫大氣圈，或者淨係叫大氣，係星球表面上嘅空氣，因為星球引力影響，喺星球表面積蓄而成嘅一圈氣體。地球嘅大氣層保護地球生物令到佢哋可以嚮地球生存。

地球大氣層

内文：地球大氣層

地球嘅大氣主要係氣體，成份約莫 77% 係氮、21% 係氧、1% 係氬、0.03%二氧化碳、水蒸氣同其他嘢。雖然二氧化碳百分比係微量，但係含量近百年增加得特別快，對天時非常有影響。

第啲行星嘅大氣層

除地球以外，好多行星都有大氣層。嚮太陽系入面，金星、火星、木星、土星、天王星、海王星都有大氣層。唔同嘅星球嘅大氣層結構、成份、密度、厚度都好唔同。好似金星嘅大氣層，重密實過地球好多倍，而且大部分都係二氧化碳，溫度同氣壓都特別高。有啲衛星都有大氣層，好似土星嘅衛星泰坦。

大氣層嘅重要性

從行星嘅角度嚟睇，大氣層畀到證據畀地質學家去諗行星到底係點形成嘅，而對地球表面嘅研究有助於了解地球而家同過去嘅大氣同氣候。

對於氣象學家嚟講，大氣成分決定咗氣候同佢嘅變化，而對於生物學家嚟講，大氣成分同生物嘅進化係有好大拏褦。