太平山街

太平山街（Tai Ping Shan Street）係香港島太平山嘅一條街，嚮必列者士街、四方街同普仁街之間。係一條行車嘅馬路。

太平山街嚮中西區舊區，嗰度啲樓多數都係6層高嘅唐樓，都有幾十年歷史，樓下係街鋪，做士多或者工場嘅多，不過有西人鍾意租嚟做寫字樓或者美術設計室咁。

史

喺香港開埠初期，英國人嚮水坑口上岸並佔據香港島，駐軍大笪地遺址。大量華人聚居喺呢度，人口眾多，產生治安同衛生問題。1894年，太平山街一帶鼠疫流行，死者眾多，喺一個月內就死咗450幾人。香港政府喺疫症期間封閉太平山街民居，立例收回土地，清拆後起咗卜公花園；同埋推行病理研究，開辦病理學院。