廣州電視台綜合頻道

廣州綜合頻道
邊位屬下	廣州電視台
開播	標清版：1988年1月10號 高清版：2018年2月10號
廣播語言	粵語、少量普通話
呼號	GZTV-1
口號	廣州電視　就在你身邊（2002～2005） 近在身邊　就在眼前（2006～2008） 時尚新形象（2009～2010） 植根廣州　服務市民（2011～2014） 花城百花開　我睇廣州台（2015～而家）
總部位置	中國廣東廣州 海珠區嘅廣州國際媒體港入面
前稱	廣州台（1988～1993） 廣州電視34頻道（1993～2001） 廣州電視台綜合頻道（2001～而家）
官方網站	頻道官網
收睇方法 模擬信號 無線電視 隨地區而變 有線電視 隨地區而變（凈限廣州地區） 數碼信號 廣州有線 3 廣東有線（廣州省網） 7 U互動 隨地區而變 茂名廣電 37 佛山有線 8 湛江有線 76 花都有線 32 茂名有線 31 東莞有線 51 肇慶有線 31 番禺有線 3 增城有線 4 從化有線 3

 廣州電視台綜合頻道（粵拼：gwong2 zau1 din6 si6 toi4 zung1 hap6 pan4 dou6） ，簡稱廣州綜合頻道，係廣州電視台屬下嘅免費綜合頻道，主要播新聞、劇集、綜藝、資訊、健康、生活等節目，語言播出方面，除咗《中國城市報道》、《行風面對面》、午夜時分播嘅《經濟新聞》節目係純普通話之外，其他節目都係以粵語形式播出。呢個頻道喺廣州地區，唔理佢有冇裝機頂盒或插唔插有線電視都可以收到嘅電視頻道之一。

頻道主要喺晏晝或前半夜播放自製或外購嘅劇集。凡出現重大新聞或事件直播時，頻道亦會抽嗮跟住安排落嚟嘅直播新聞同劇集、綜藝節目。從2014年4月1號開始，每日19:00~19:30亦會轉播CCTV-1嘅新聞聯播節目。

頻道喺每個禮拜二01:14～05:18冇節目，但每禮拜二04:40～05:18間，測色板界面有嶺南音樂播出。

史

中國大陸改革開放後無耐，廣東珠三角地區成日用魚骨天線接收香港嘅本港台、翡翠台而形成慣性收視，加上廣東本土嘅電視台廣告收入低下，廣州本土未有自己嘅電視台，當地政府為咗解決呢個收視情況而喺1988年1月10號新成立咗間市級嘅電視台，從而正式開播。

頻道初期嗌廣州台，1993年成立廣州有線後改嗌廣州34頻道，2001年取消有線電視時改嗌廣州綜合頻道。

2018年1月10號，喺頻道開播卅週年嗰晚黑嘅新聞，透露咗呢個頻道嘅高清版將喺同年2月開播。同年1月31號正式發佈短片公告話呢個頻道喺2018年2月10號正式開播佢嘅4K高清版本。

2018年2月9號，嗰日嘅《廣視新聞》最後一次喺花果山入面播，由高晞做主持，同平時一樣播夠55分鐘嘅新聞同埋天氣。喺新聞播完之前，主播同觀眾講拜拜之前，高晞話「呢個亦都係廣視新聞最後一次喺花果山台址播出。卅年嚟我哋喺呢度記低咗羊城嘅發展，見證時代嘅變遷。多謝您一直以嚟嘅陪伴。從聽日開始，我哋將會喺珠江邊近廣州塔嘅廣州國際媒體港開始高標清同步播出。」，節目結束之後彈出咗「廣州電視　邁向高清」嘅畫面。同日23:00播出嘅《夜間新聞》亦最後一次以4:3比例形式播出。喺嗰日晚黑播完《經濟新聞》之後彈出台址搬屋嘅短片消息，正式宣告結束大部份部門喺花果山演播廳播出嘅生涯。

2018年2月10號00:08，喺廣州國際媒體港嘅新址正式啟用，佢嘅高清頻道亦喺甜果時光正式開播。喺00:20:37，標清版正式改成16:9格式，同日06:00開播嗰時已經提到頻道嘅高清版已經開播嘅事。朝頭早開播之後，頭個16:9節目係《嶺南星空下》。

2018年12月11號停機檢修嗰時，標清版嘅台標亦從原先嘅4:3版改成16:9版格式。

註同攷

註

攷

出面網頁

• 廣州電視台綜合頻道嘅官方網站