新黨
想搵大宋嘅新黨嘅話，請睇新黨 (大宋)。新黨 | |
|---|---|
| 英語名 | New Party |
| 主席 | 郁慕明 |
| 副主席 | 李勝峰 |
| 秘書長 | 祖國鼎 |
| 副秘書長 | 郝永瑞 |
| 成立 | 1993年8月10號（31年97日） |
| Preceded by | 新國民黨連線 （1989年8月−1993年8月9日） |
| 總部 |  中華民國臺北市松山區光復南路65號4樓（新黨全國委員會） |
| 意識形態 | 保守主義 三民主義 中國民族主義 |
| Political position | 中間偏右至右派 |
| 色彩 | 黃 |
| 國會席次 | 0 / 113 |
| 直轄市長人數 | 0 / 6 |
| 縣、市長人數 | 0 / 16 |
| 地方議會席次 | 2 / 912 |
| 網站 | |
| www | |
不過之後由於派系鬥爭等原因，喺2000年之後勢力急劇下滑，目前喺台灣已經係一個相當邊緣嘅政黨。
2008年不分區立委選舉，新黨喺區域立委同國民黨合作，得票升至4%。2012年不分區立委選舉，因親民黨嘅選票瓜分導致新黨得票腰斬，得票率唔夠1.5%。2016年不分區立委選舉，新黨獲得510,074票，佔總票數4.18%，回升至第五大黨，雖然仍未攞到國會席次，但可獲得政黨補助款。新黨而家有臺北市議員2席。
理念
[編輯]新黨主張清廉制衡、公義均富、族群和諧、國家統一，喺中國實現民族統一、民權自主、民生均富嘅三民主義新中國。[2]
傾向中共
[編輯]近年嚟，新黨同中國共產黨越行越埋，依家嘅新黨支持中共提出嘅一國兩制台灣方案，民間通常視佢哋係親中共嘅政黨。
例如，新黨多名成員（王炳忠、侯漢廷、林明正、王進步等）就被揭發同中國留學生周泓旭有所合作，為中共培植內應勢力，違反台灣國安法[3]。
史
[編輯]1993年，國民黨入面一班同李登輝唔啱牙嘅人決定另起爐灶，黨名「新黨」係源自佢哋喺國民黨嗰陣嘅次級團體「新國民黨連線」。初時佢哋定位係「第三勢力」，即係獨立於國民黨同民進黨。1994年，新黨同中華社會民主黨、勞動黨、工黨結盟，喺年尾，朱高正嘅中華社民黨同新黨合併。喺呢個時期，新黨發展得唔錯，喺1994年嘅省市長同省市議員選舉，新黨喺台北市議會攞到11席，參選台北市長嘅趙少康，雖然最後輸咗，但係票數已經多過國民黨嘅黃大洲。到1995年嘅立委選舉，新黨攞到21席，當時嘅第一大黨國民黨僅僅過半，新黨就成為議會當中嘅關鍵少數。民進黨嘅施明德更加提出「大和解」，主張同新黨聯手，最後兩黨一齊推動「二月政改」。
到1996年，中華民國第一次總統直選，新黨支持由國民黨出嚟參選嘅林洋港同郝柏村，得票率有14.9%。
1997年，新黨開始內鬥，好多人因為各種原因退黨或者畀人踢出黨，當中嘈得最犀利嘅就係朱高正同郁慕明之間嘅爭拗，到咗1998年立委選舉，新黨議席已經由21席跌到10席，2000年嘅總統大選，新黨派李敖出嚟選，但係新黨好多人都走咗去支持另一個候選人宋楚瑜，後嚟李敖直頭棄選，叫人支持宋楚瑜。選舉之後，宋楚瑜成立親民黨，吸走大量國民黨同新黨嘅立委，新黨從此一蹶不振。
2000年總統大選之後，系出同源嘅國親新三黨為咗對抗民進黨政府，喺立法院度聯手，亦都代表新黨已經放棄第三勢力嘅路線，重新成為泛藍一員。喺之後一年嘅立委選舉，新黨嘅立委只係剩低1席，到2008年，新黨更加一席不保，打後都入唔返立法院，只有2008年同2016年嘅全國不分區票數比較接近當選門檻。
到2020年，新黨嘅不分區得票率得返大概1%，長期領導新黨嘅郁慕明唔再連任，最後選咗吳成典做主席。
喺吳成典做咗主席之後，提出咗「一三五共識」，即係提倡一個中國、三民主義、五權憲法嘅方向[4]，但係發言人王炳忠唔同意，認為係「歷史嘅倒退」，慢慢分裂成「理念派」（郁慕明派，主張紅統、急統）同「選舉派」（親吳成典、趙少康路線），其後曾經受民進黨支持出戰立委選舉嘅前黨員李慶元喺吳成典邀請之下回歸新黨，更加受到郁慕明一干人等抨擊，郁氏更加請辭榮譽主席一職。
2021年1月，新黨第十屆主席改選，吳成典競逐連任，而對手就有曾經代表新黨參選總統，但係連閘都入唔到嘅楊世光，佢被視為係郁慕明路線嘅支持者，最後吳成典以71.34％得票成功連任。
2024年立委選舉，新黨派出有8人嘅不分區名單，排頭位係前監察院院長王建煊；同時新黨又重新派咗2人出選地方選區，分別喺桃園第三區同平地原住民，而新黨嘅市議員侯漢廷就喺台北以無黨籍出選。最終地方選區無人當選，不分區得票更加第一次跌破1%，得返0.29%。
選舉成績
[編輯]立法院
[編輯]| 選舉 | 民選票數 | 得票率 | 不分區票數 | 得票率 | 總議席 | 領袖 |
| （創黨） | / | / | 8 / 161
|
趙少康 | ||
| 1995 | 1,222,931 | 13.00% | 21 / 164
|
陳癸淼 | ||
| 1998 | 708,465 | 7.06% | 11 / 225
|
陳癸淼 | ||
| 2001 | 269,620 | 2.60% | 1 / 225
|
謝啟大 | ||
| 2004 | 12,137 | 0.12% | 1 / 225
|
郁慕明 | ||
| 2008 | 冇派人出選 | 386,660 | 4.00% | 0 / 113
|
郁慕明 | |
| 2012 | 10,678 | 0.08% | 195,960 | 1.49% | 0 / 113
|
郁慕明 |
| 2016 | 75,372 | 0.63% | 510,074 | 4.18% | 0 / 113
|
郁慕明 |
| 2020 | 冇派人出選 | 147,373 | 1.04% | 0 / 113
|
郁慕明 | |
| 2024 | 9,143 | 0.07% | 40,288 | 0.29% | 0 / 113
|
吳成典 |
參考
[編輯]- ↑ 〈新黨宣言〉。《新党全球资讯网》。原著喺2016-12-29歸檔。喺2017-01-05搵到。
- ↑ 【新月刊203期】社論：面對統一開創未來 互聯網檔案館嘅歸檔，歸檔日期2018-05-29.
- ↑ 聯合新聞網 (2022-03-11)。〈新黨3青被控違國安法 律師：和統避免淪俄國武統烏克蘭 | 聯合新聞網：最懂你的新聞網站〉。《聯合新聞網》 (中文)。喺2022-03-13搵到。
{{cite web}}: CS1 maint: url-status (link) - ↑ 〈新黨27周年 倡三民主義統一中國〉。Yahoo News (中文)。2020-08-22。喺2023-07-12搵到。
