海格力斯

海格力斯雕像，被譽為最能體現佢原本形象作品之一，萊希帕斯喺約公元前四世紀創作，原作本嚟係青銅像，而羅馬大理石製嘅複製品被稱為抖緊嘅海格力斯，目前存放喺意大利拿玻里國立美術館。

海格力斯hoi2 gaak3 lik6 si1（希臘文：Ηρακλής，Hēraklēs，個名源自Hēra「希拉」同埋Kleos「榮耀」，海格力斯個意思就係「希拉嘅榮耀」，轉寫：Heracles），係希臘神話入面最偉大嘅半神英雄，男性嘅傑出典範，偉大嘅海格力斯後代祖先。

海格力斯相當於羅馬神話入面嘅赫丘利（海克力斯），後嚟嘅一啲羅馬皇帝，比如康茂德同馬克西米安都成日以佢嚟自居。羅馬人基本採用希臘人對海格力斯生活事蹟刻畫嘅版本，並加上一啲羅馬風格嘅細節作為補充，有啲甚至將佢同統一地中海嘅英雄聯繫起來。而喺羅馬亦都曾經流行對赫丘利嘅崇拜風氣。

海格力斯係宙斯誘姦帕修斯個孫女、即係底比斯大將安菲特律翁老婆阿爾克美娜之後，同安菲特律翁個仔伊菲力斯一齊生出嚟嘅孖仔之一。因此，佢既係帕修斯嘅曾外孫，同時又係佢嘅同父異母兄弟。而半人半神嘅佢自細喺名師教授之下，學識咗百般武技，驍勇善戰，成為當時古希臘世界眾所皆知嘅大力士。

起源

海格力斯係一個半神，佢阿媽係個人類，而佢阿爸就係身為眾神之王嘅宙斯。海格力斯血統上一半係天神所以有超人力量，佢足智多謀又力大無窮，做出咗好多英勇事跡，係廣受全希臘敬重嘅英雄。

海格力斯一生都充滿傳奇，最出名莫過於佢嗰十二項英雄偉績。喺埃及希臘化時代居住喺亞歷山大港嘅詩人用充滿詩意同埋悲劇氣氛嘅文字去記錄佢嘅生平。 佢嘅形象起源係近東地區鬥獅人，喺伊特拉斯坎文化入面可以搵到同佢對應嘅人物海格力（Hercle），兩位主神丁尼亞（Tinia，對應希臘神話嘅宙斯）同埋烏尼個仔。

海格力斯係宙斯嘅私生子，所以天界女王希拉（Ἥρα / Hḗrā；宙斯個正室老婆，同時亦係掌管結婚同生育嘅天神）不嬲都好憎佢，好想搵方法整死佢。例子可以睇吓九頭蛇嗰單嘢。

故仔

• 海格力斯嘅勞動（九頭蛇）

睇埋

• 《大力士電影》