西藏 (1912年—1951年)

西藏 བོད་
未俾國際普遍承認嘅國家
← 1912年－1951年 →
西藏國旗 國徽
國歌 《國歌》（རྒྱལ་གླུ）
西藏位置圖 1942年嘅西藏
首都或首府	拉薩
常用語文	藏語
主要宗教	西藏佛教
政體	絕對君主制、神權
達賴喇嘛
- 1912–1933	土登嘉措（最早）
- 1937–1951	丹增嘉措（最後）
歷史時期	19世紀末至20世紀中葉
- 成立	1912年7月
- 水牛年文告	1912
- 土登嘉措返藏	1913年
- 昌都戰役	1950年
- 十七條協議	1951年5月23號
- 中國正式吞并西藏	1951年10月24號
通貨	藏幣
而家屬於	中華人民共和國

從1912年到1951年，西藏係事實上獨立嘅自治政體，不過呢個時期西藏嘅主權歸屬存在爭議。一啲認為西藏係獨立政權嘅學者將1912年十三世達賴喇嘛宣佈西藏脫離大清嘅宣言當作西藏獨立嘅證據，但俾另一啲認為西藏主權歸屬中國嘅學者質疑。中華民國政府認為西藏係中國領土嘅地方，叫佢西藏地方。而家有支持西藏獨立運動嘅人士叫佢西藏王國（Kingdom of Tibet），不過當時冇呢個稱呼。

1950年，中共發動昌都戰役，派軍進攻西藏。1951年，西藏政府同中共簽訂十七條協議，西藏改做中華人民共和國嘅西藏自治區。

歷史

背景（西藏嘅獨立）

1720年清廷派軍驅逐準噶爾軍之後，清朝嘅勢力先正式入嚟西藏。到咗19世紀下半葉，清朝實際上已經失去咗對西藏當地嘅控制。辛亥革命嘅時候，西藏民兵驅逐同攻擊駐喺西藏嘅清軍，跟住清軍就同西藏民兵協議撤出西藏，呢個事件史稱「第一次驅漢事件」。1912年初中華民國取代清朝，並宣佈繼承清朝故土。其中包括咗廿二個省份同青海、西藏。民國政府要求隆裕太后同當時只有六歲嘅宣統帝簽署《清室退位詔書》，跟住就係呢個詔書嘅主要内容：

「	「... 仍合滿、漢、蒙、回、藏五族完全領土，為一大中華民國」	」
——《清帝退位詔書》，

1912年中華民國使用嘅《民元約法》裏邊就明確列出咗民國主張嘅領土，其中就包括咗西藏同青海。

民國成立嘅時候時任大總統嘅袁世凱仲致電第十三世達賴喇嘛，講係要恢復佢嘅封號，但係被拒絕，佢表示佢從未同中國要求過封號，佢話佢本來就掌握住西藏嘅政教大權。

1913年，逃去印度嘅達賴喇嘛返嚟拉薩，宣佈中國同西藏之前嘅關系係所謂嘅「檀越關係」而唔係宗主關係。達賴喇嘛亦聲明西藏係個獨立嘅國家。

1913年1月，阿旺·羅桑·多傑同其他三個西藏代表嚟到大蒙古國首都京城庫倫同當地政府簽署《蒙藏條約》，彼此承認對方嘅獨立地位。

睇埋

• 西藏地方
• 大蒙古國 (1911–1924)