銀幕街（Ngan Mok Street）係香港島銅鑼灣天后一條街，起源自英皇道20號交界，到琉璃街4號完咗，全長100米。銀幕街近住港鐵天后站同柏景臺。
「銀幕」意思係電影放映用嘅銀幕。
1921年，黎民偉、黎北海，黎海山三兄弟買咗北角天后廟前一塊空地，起咗香港第一間電影廠民新製造影畫片有限公司，又搞香港第一間華資戲院新世界戲院，推動香港電影業發展。
1957年政府地圖顯示銀幕街現址係一條小路，但重未有名。後來香港政府重新規劃天后時，起咗「銀幕街」呢個名嚟紀念電影公司同埋戲院。
銀幕街
