黎民偉
黎民偉（Lai Man-wai；1893年—1953年10月26號）係香港電影之父。早年就讀聖保羅書院，係天主敎徒。
屋企[編輯]
佢祖籍廣東四會下埗黎寨村或新會會城都會。之不過佢響日本出世。
黎民偉娶元配嚴姍姍，之後又娶林楚楚。黎民偉同林楚楚其中一個女黎萱，係演員，另有個孫女，係電影演員黎姿。
黎民偉有個姪女，係粵語片演員黎灼灼；他佢有個女婿，係中華民國外交部長沈昌煥。
事業[編輯]
黎民偉1911年加入國民黨，跟孫中山搞革命，後尾重做埋戰地記者，拍過北伐。1921到1928年間，佢響上海拍戲。期間，1923年2月11號，黎民偉同黎北海、黎海山、羅永祥、梁少坡、譚伯烈、陸醒伯等人，響香港開民新製造影畫片有限公司[1]，間公司後尾移去上海。1930年，佢又有分搞大電影廠。到咗1938年退休，返香港。之後佢冒著生命危險將日軍侵華史實，用影片方式記錄落來。
黎民偉拍片非常認真，水平好極高。佢拍《莊子試妻》，畀佢元配嚴姍姍演女角，係中國電影史上第一位專業女演員。佢又畀平妻林楚楚演女角。
死[編輯]
黎民偉響1953年10月26號五點九個字死，死時61歲。當時響灣仔洛克道嘅萬國殯儀館治喪，27號下晝四點鐘大殮，28號上晝十點響殯儀館大禮堂安息禮拜，然後出殯。
代表作[編輯]
註[編輯]
- ↑ 黎錫 (2008-01-31). "對《中國電影圖史》香港部分的一些意見". 香港中文大學. 喺2010-03-30搵到.
