馬灣
馬灣（英文：Ma Wan），係香港新界一個島。佢響正大嶼山同青衣島之間。馬灣一直係劃畀荃灣區管。面積有0.96平方公里。
有兩條海峽隔開馬灣。東面嗰條叫馬灣海峽，隔住青衣島。而西面嗰條，叫汲水門，隔住大嶼山。北面就新界大陸係青龍頭。
島上面有個海灘，叫馬灣東灣泳灘。海灘北面有間天后廟，係海盜張保仔起嘅，用嚟庇佑本地人。
馬灣島嘅東灣仔響一九九七年發現左東灣仔新石器時代遺址，仲入選埋當年中國十大考古發現添.
個島本來有條細漁村，只係有艇同街渡到。直到1990年代，香港政府推出玫瑰園計劃，就去咗一條8號幹線，由市區連去新香港國際機場。呢條路就經過馬灣，跟住就有一啲發展喇。今時今日，個島一啲部份係私人屋苑珀麗灣。而珀麗灣原本係起嚟做度假用嘅，另外有個主題公園，不過家下主題公園未見，變咗做住宅。