鳳爪，就係用雞腳整成嘅點心或小食，廣東文化通常用「鳳」來代替「雞」一字。
「鳳爪」喺廣東茶樓一般係指嘅係先炸後炆嘅色澤紅潤嘅雞爪，上枱前先裝喺細碟，裝喺竹製嘅蒸籠度蒸熱等賣。另有一味白雲鳳爪，就係採用整白雲猪手嘅方法來整嘅鳳爪。而同花生眉豆同炆亦係常見嘅食法。重有嘅係以油鹽水整嘅鳳爪、以沙薑未整嘅沙薑鳳爪、廣東鹵水鳳爪、鹽焗鳳爪；重有泰式嘅去骨酸辣鳳爪等等。
鳳爪含有豐富鈣質同骨膠原，對皮膚美容好有幫助[1]。
醬汁蒸鳳爪
