黃道

黃道（粵拼：wong4 dou6），又叫日道，係地球望上天，太陽一年裏面，響天球行嘅軌蹟。黃道係同地球自轉無關。確切啲來講，就係地球圍住太陽轉，嗰個平均軌蹟平面，同埋天球嘅交界綫。

因為地球自轉軸唔係同公轉平面垂直，所以赤道平面同黃道平面唔係平行，佢哋之間嘅夾角有成23°27' ，因為咁就叫做地軸傾斜。兩塊面做成嘅相交綫連住春分同秋分。地球望上去，太陽響南變響北，就叫做春分，響牡羊座上面。由呢點向東數一圈，0°到360°，就係黃道經綫，寫做λ，角度叫黃經幾多度。而黃道緯綫呢，就南北各正負各90°，寫做β，角度叫黃緯幾多度。