楊敏德
| 楊敏德 | |
|---|---|
.jpg) | |
| 國籍 | 中華人民共和國  |
| 母校 | Harvard Business School、哈佛大學、麻省理工學院、Antai College of Economics and Management |
| 職業 | 太平紳士、政治人 |
| 配偶 | Dickson Poon |
[改維基數據] | |
楊敏德，GBS，JP（英文：Marjorie Yang Mun-tak，1952年—）係香港企業家，溢達集團董事長，全國政協委員，香港理工大學校董會前主席，香港行政會議非官守成員[1]（2009年1月至2012年6月）。上海紡織企業家楊元龍大女，企業家潘迪生頭一任老婆，外號「配額女王」同「棉花公主」。
楊敏德喺香港出世，美國麻省理工學院數學系學士學位畢業，哈佛大學工商管理碩士學位畢業。1978年返香港幫手打理家族嘅紡織同製衣生意，係溢達集團創辦人之一，帶領集團發展成跨國企業。1995年成為集團主席。1996年喺新疆設立紡織品公司，供應棉花紡織品畀Ralph Lauren、Hugo Boss、Tommy Hilfiger等等多間跨國時裝品牌，亦成爲全球恤衫最大生產同出口商之一。
楊敏德亦擔任美國吉列公司、香港太古股份有限公司同匯豐銀行董事局成員，美國紐約證券交易所國際顧問委員會會員。
楊敏德做過《福布斯》雜誌封面人物，係繼龔如心之後第二位成爲封面人物嘅香港女企業家；2006年喺《財富》雜誌世界商界女強人排行榜排第44位。
個人榮譽[編輯]
- 香港科技大學榮譽大學院士（2006年6月）[2][3]
- 香港工業總會傑出工業家（2006年）[4]
- 太平紳士（2009年）[5][6]
- 金紫荊星章（2013年）[7]
- 香港理工大學榮譽人文學博士（2016年）[8][9][10][11][12]
攷[編輯]
- ↑ 〈行政會議 - 行政會議成員 - 楊敏德〉. 原著喺2009年8月20號歸檔. 喺2023年1月27號搵到.
- ↑ 〈傑出領袖獲頒榮譽大學院士〉 (PDF) (繁體中文). 香港科技大學. 2006年6月30號.
- ↑ 〈楊敏德女士 榮譽大學院士 讚辭〉 (PDF) (繁體中文). 香港科技大學. （英文） （繁體中文）
- ↑ 傑出工業家獎 | 歷屆得獎者 | Federation of Hong Kong Industries
- ↑ 〈2009年第20號號外公告 太平紳士條例 (第510章)〉 (PDF) (新聞稿) (繁體中文). 香港政府憲報. 2009年7月1號.
- ↑ 〈太平紳士網頁〉 (繁體中文). 香港特別行政區政府太平紳士網頁.
- ↑ 〈二〇一三年授勳名單〉 (新聞稿) (繁體中文). 香港政府新聞公報. 2013年7月1號.
- ↑ 〈理大頒授榮譽博士學位予五位傑出人士〉 (新聞稿) (繁體中文). 香港理工大學. 2016年11月8號.
- ↑ 〈理大在第二十二屆畢業典禮頒授榮譽博士學位予五位傑出人士〉 (新聞稿) (繁體中文). 香港理工大學. 2016年11月14號.
- ↑ 〈榮譽博士學位及大學院士名錄 | 香港理工大學〉 (繁體中文). 香港理工大學.
- ↑ 〈榮譽學位及大學院士名錄 - 香港理工大學〉 (繁體中文). 香港理工大學.
- ↑ 〈榮譽學位頒授〉. 香港理工大學.
出面網頁[編輯]
- "[Leadership] Marjorie Yang". 溢達集團 (繁體中文).