順德聯誼總會李兆基中學

Shun Tak Fraternal Association Lee Shau Kee College 順德聯誼總會李兆基中學
校訓：文行忠信
成立	1978年
類	津貼中學，男女校
辦學團體	順德聯誼總會
區	葵青區
級	初中總共四班 初中二至三每級五班 新高中一至三級分別有 文科班、理科兩班、理商班、商科班 預科（中七）一文一理
校監	梁昇
校長	曾日明（任期：1996－2012）
學生會會長	顏烈封同學
教師人數	62
學生人數	1111
出名運動	學界田徑、越野、籃球、 排球、足球、羽毛球、 乒乓球、壁球、圓球、 學界游水、網球
校色	紅（文社） 、黃（行社） 、綠（忠社） 、藍（信社）
刊物	《竹木》 《學校通訊》
舊時校長	曾幹雄（署理，任期：1978） 崔康常（任期：1978－1995）
地址	香港新界葵涌葵盛圍303號
網	主頁 內聯網 學生網 校友會 家長教師會

順德聯誼總會李兆基中學（英文：STFA Lee Shau Kee College，響學校中電變電站上嘅英文名：Lee Zao Kai College）係一間位於香港葵涌葵盛圍303號嘅文法英文中學（英文簡稱E.M.I.），響1978年創校，隔離就係樂善堂顧超文中學。

簡介

概況

呢間學校主要用英文教，響學界運動同埋公開考試成績超班出名 。多次^幾多次？攞到區內女子運動項目嘅總冠軍。2011-2012學年度嘅「中一自行分配學位」總共有超過560位小六學生申請，競爭率大約一比十二。

校歌

用咗順德聯誼總會屬校通用嘅校歌，由作過《先總統蔣公紀念歌》嘅作曲家黃友棣先生作曲，陳荊鴻填詞嘅《順德聯誼總會屬校校歌》。

校訓

文、行、忠、信出自《論語‧述而篇》。佢話：「子以四教，文、行、忠、信」。

解

• 文：是（係）要多聞多學
  
• 行：是（係）要循規蹈矩
  
• 忠：是（係）要勤懇負責
  
• 信：是（係）要誠實互敬
  

學社

學校嘅四個學社用返校訓啲字嚟安：

社名 （英文名）	社衣嘅顏色	而家嘅社長
文社 (Red House)	紅色	劉皓明
行社 (Yellow House)	黃色	吳顯榮
忠社 (Green House)	綠色	胡嘉豪
信社 (Blue House)	藍色	劉峻逸

每年，四社都會參與校內嘅社際比賽，好似「社際文史哲問答比賽」、「環村跑比賽」、「校運會」、「社際公民常識問答比賽」、「水運會」等。成年嘅社際獎項都會喺學期尾度頒。

各班結構

2011-2012學年，學校喺中一開咗4班，中二至中六每級都開5班（中四到中六開文科一班，商科一班，理商科一班同埋理科兩班），而中七級就開咗2班（文商科同理科各一班）。

捐助人

學校最大嗰幾位捐助人：

• 李兆基
• 翁祐
• 梁昇

校內高層人員

歷任校長

• 曾幹雄先生（署理）（任期：1978）
• 崔康常先生（任期：1978－1995。而家嘅香港恆生商學書院院長）　
• 曾日明先生（任期：1996－2012）

現副校長

• 鄭沛鴻先生
• 鄧卓莊先生

下任副校長（2012學年起）

重未定落

特色

運動

學校嘅運動水平可謂全區之冠。十幾年嚟，學校積極參與由香港學界體育聯會舉辦嘅賽事，截到2007年，學校一共攞到300幾個團體獎，兼且獲得男子組總錦標冠軍13次同埋女子組總錦標冠軍15次，第8度蟬聯男子同女子組全年總冠軍。喺各項運動裏面，又以游泳最出眾。2007年喺六個組別嘅賽事裏面，學校成功囊括咸𠾴唥6個團體冠軍。而學校喺每學年最尾嗰陣會舉辦葵青區校際體育頒獎禮。

數學

學校嘅學生喺數學方面嘅表現都好彪炳，先後喺香港青少年數學精英選拔賽同香港數學競賽（HKMO）決賽表現突出或者攞到季軍。

喺第9屆香港青少年數學精英選拔賽中攞到團體第5名，排喺傳統名校喇沙書院、皇仁書院、拔萃男書院同埋聖言中學之後。

校風

學校能為每位學生締造和諧、開放、接納、關懷嘅校園氣氛，以培養富（有）愛心、能（夠）自律、勤（於）治學、（謹）慎思辨、擅（長）溝通、（勇）敢承擔、肯（願意）創新、有遠見、具胸襟、懂欣賞嘅新一代。同時，學校鼓勵同學關心社會，服務社群，關懷社會中不幸人士，關懷惡化緊嘅自然環境。並且加強高年級同學以身作則嘅意識，從而提升佢哋嘅領袖才能，喺低年級同學當中起典範作用。

歷來事態

• 啱啱開學，中一就開咗設12班。由於校舍唔能夠如期喺當年9月1號完工，校方卒之借用咗葵涌嘅香港道教聯合會鄧顯紀念學校四個月，直到1979年初，先至搬返而家呢度。

• 1982至1983年度，學校成為政府津貼中學。同年，游泳池得到贊助興建兼且開始動工。相關工程喺1984-1985學年搞掂。電腦實驗室同埋語言實驗室（匿喺何照林禮堂低層）。

• 1988至1989學年，每級嘅班數固定喺5班。

• 多得李兆基博士捐助，學校所有課室喺1992-1993學年冚𠾴唥裝晒冷氣機。

• 1995至1996年，間間課室都順利完成裝晒視聽器材（AV）。

• 喺1998-1999學年度，成為香港第112間英文中學。同一年，本部教學大樓、實驗大樓都起多咗一層，令學校總層數由四層加到五層。

• 2000年，學生陳子峯喺香港青少年數學精英選拔賽成績好威，獲邀代表香港參加嗰屆青少年數學國際城市邀請賽。

• 2004年暑假之前，校內小食部係由校內某位男體育老師嘅親屬搞，個個都讚佢啲嘢食價廉物美。但嗰時學校校務部指小食部違規，跟住某位副校對嗰位仁兄聲稱話要告上食物環境衛生署。嗰位仁兄飽受威嚇，卒之交出營辦權。鑒於外邊嘅營辦商辦小賣部成本高啲，令校內售賣啲嘢食價錢升，師生都唔可以享受到價廉物美嘢食，即刻引起學生不滿及對某副校假仁假義嘢怨恨。

• 2005年，學校攞到香港創意思維活動競賽冠軍，兼且獲邀代表香港參加喺美國科羅拉多大學博爾德分校（University of Colorado at Boulder）舉行嘅創意思維世界賽，得到全球第十成績。

• 2006年開始，迎來第一批讀中一嘅334新學制生。校方喺初中開辦PATHS同埋綜合人文科，取代舊初中嘅世界歷史科、地理科同經濟及公共事務科。

• 同年，學校資訊科技組舉行名堂叫「'FRUIT」（Fund Raising Upgrading Information Technology）嘅籌款活動，藉以爭取得到教育局批出全資基金嚟更換校內所有舊電腦。2007學年，學校嘅電腦都被更換成戴爾牌Windows XP電腦。

• 2007年，學校喺第9屆香港青少年數學精英選拔賽攞到團體第5名，頭4名都係傳統勁校：喇沙書院、皇仁書院、拔萃男書院同聖言中學。

• 2007年，著名企業家、慈善家田家炳蒞到學校。

• 2008年，學校奧數隊第一次喺香港數學競賽（HKMO）決賽打入三甲，攞到呢屆賽事嘅季軍。

• 2008年3月6日，星島日報接到投訴，話2007年12月初，見到學校兩名女生懷疑喺葵涌廣場一間叫做「孤注一扭」嘅玩具舖裏邊偷嘢，投訴人重畀埋網上連結，包括咗十六幅懷疑係女生偷嘢過程嘅閉路電視相。事件直到有人將啲相上載到互聯網先被揭發。

• 2008年11月，李兆基博士有份畀錢起嘅新圖書館大樓完工，並喺同年11月28號校慶典禮完結後由李兆基博士、孫明揚局長同一眾校董揭碑開幕。

• 2009年2月，極地科學家李樂詩博士蒞到，同師生分享極地探險心得。

• 2009年3月，學校喺香港創意思維活動競賽《地球之旅》第三組別攞到全場總冠軍同埋最佳風格獎兩項殊榮。隊伍喺同年5月底代表香港飛到美國愛荷華州州立大學（Iowa State University）參加2009年創意思維世界賽，兼且喺「長期題」賽事中嘅得分名列全球第四，最終總分喺全球37隊中名列14。

• 2010年11月，學校喺星展銀行（香港）主辦嘅「星展社企計劃」成為全港6隊優勝隊伍之一，兼且攞到兩萬蚊作營運資金，喺維多利亞公園營辦2011年年宵攤位。最終喺呢次計劃裏頭攞到全港冠軍。

• 2011年2月，因應香港第時升中一嘅適齡人數越嚟越少，學校決定參加教育局嘅「自願優化班級結構」計劃。2011-2012學年起，中一級班數由現時五班減到得返四班，兼且逐年推廣到其他級。

• 2011年12月15號，曾校長喺早會講佢對近日中五某啲學生喺學生會民主牆上寫「法西斯領袖生」嘅言論感到錯愕同埋遺憾，嗰時佢引用自己嘅「治校理念」，認為學生應該尊重校方政策。字裏行間，佢透露出自己將難以勝任嚟得知學校未來發展。重話希望學生可以喺呢刻聽吓佢話。

三十週年校慶

2008年係學校嘅校慶年。校方拎「三十而立，喜迎新高」同「三不朽：立德．立功．立言」嚟做校慶年嘅口號。其中，「三十而立」語出孔子《論語》，「喜迎新高」就代表全校師生已準備好用歡欣快樂嘅心情嚟迎接2009年香港教育局推行嘅三三四高中教育改革。至於三不朽，校方希望同學能夠做到一個有德行嘅人，為校爭光，訂好目標，勇於挑戰，唔易放棄。

校慶典禮
時間：	2008年11月28號，農曆十一月初一 下午3:30至5:00
地點：	順德聯誼總會李兆基中學何照林禮堂
	圖書館	圖書館剪綵儀式
出席人：	孫明揚GBS，C.B.E.，JP太平紳士	現任教育局局長
	李兆基博士，大紫荊勳賢	而家嘅恆基兆業、中華煤氣主席，新鴻基地產發展有限公司副主席
	校監、校董
	盤翠瑩小姐	著名校友，係無綫電視新聞女主播
	鄺晶晶小姐	著名校友，而家做緊耀才財經台主持，之前做亞洲電視新聞女主播
	校長 副校長 老師
	家長
	學生	中一至中三級

學生會

2011-12年度嘅學生會內閣選舉喺2011年9月23號舉行。由中五丙班學生顏烈封籌組嘅內閣「WATCH」（意思叫手錶）。喺無競爭對手嘅情況下攞到400張信任票，投票率係59.84%，順利當選2011-12年度嘅學生會。

學年	會名	會長	得票率
2011-2012	WATCH	顏烈封	58.7%
2010-2011	Bear	鍾楚翹	75.5%
2009-2010	Fusion	彭耀威	56.7%
2008-2009	Prism	陳楚蕎	52%
2007-2008	U 聯盟	葉鎮輝	59.5%
2006-2007	Revolution	莫栢軒	84%
2005-2006	Unicorn	王仲安	82.7%

學校刊物

• 《竹木》雙月號，每雙月底出版，係學生會出版嘅刊物
• 《學校通訊》每學年出版兩期，係官方刊物