黃家駒

出自維基百科,自由嘅百科全書
跳去: 定向搵嘢

黃家駒Wong Ka Kui1962年6月10號1993年6月30號)係香港搖滾樂隊 Beyond 嘅主音同埋結他手,亦係樂隊低音結他手黃家強嘅二哥。中五畢業之後,曾經做過辦公室助理五金冷氣水電工程電視台佈景員等等,甚至入過樂隊鼓手葉世榮做嗰間公司度做保險經紀

屋企[編輯]

廣東台山人,1962年香港出世,佢係黃家強二哥。

事業[編輯]

黃家駒讀初中嗰陣因為朋友嘅影響鍾意咗西歐流行音樂,15 歲嗰陣重係屋企附近後巷搵到支壞嘅結他,原本諗住畀個識玩結他嘅朋友,但嗰位朋友話支結他太殘唔要,結果黃家駒拎返屋企自己整(另有講法指係佢 17 歲嗰陣因為隔離屋搬走留低咗支結他),令佢同呢種樂器結下不解之緣。1980年代初,黃家駒由琴行老闆介紹識咗葉世榮,發覺大家咁啱都鍾意一樣嘅音樂,於是同埋兩個朋友鄧煒謙(又叫鄔林,英文名 William),重有李榮潮一起夾樂隊,呢個就係 Beyond 嘅雛型。1983年 Beyond 正式組成,經過幾次成員變動,期間低音結他手黃家強,同埋主音結他手黃貫中先後加入,開咗「永遠等待音樂會」同埋出咗盒帶《再見理想》之後,終於有經理人睇得起佢哋而入咗樂壇。

Beyond 頭十年發表嘅歌,大部分都係黃家駒寫同埋唱嘅。除了經樂隊發表歌曲,黃家駒都會寫吓歌畀其他歌手,曾經唱過佢寫嘅歌嘅歌手包括許冠傑譚詠麟麥潔文、王靖雯(王菲)、蔡興麟等。

1993年6月24號凌晨大概1點15分,樂隊喺日本東京富士電視台錄影遊戲節目《Utchan Nanchan嘅想做乜嘢就做乜嘢》嗰陣出意外,黃家駒被台上嘅水漬跣倒,喺大約3米高嘅台跌咗落地,左邊額頭首先落地,重傷暈咗,入咗醫院6日之後響當地時間下晝4點15分過身。7月2號晚,遺體運返香港。4號下晝喺香港殯儀館設靈,同日夜晚,商業電台搞咗個悼念音樂會,全場坐滿2,600人,好多人都泣不成聲。5號中午大殮,當靈車駛出殯儀館時,街道兩邊幾千個歌迷衝出馬路,圍住架靈車,要差人維持秩序分隔,之後佢嘅靈柩喺大概500個歌迷目送下,葬咗喺將軍澳華人永遠墳場,另外九龍塘省善真堂都安咗佢個靈位,直到而家仍然成日有歌迷過去拜佢。

紀念[編輯]

Beyond 其他成員都繼承咗佢嘅遺志,用樂隊嘅名出咗好多隻碟,直到2005年先至正式宣佈解散。黃家駒對香港樂壇嘅貢獻已經得到大眾嘅認同,香港郵政喺2005年11月8號出咗嘅「香港流行歌星」郵品系列裏面,黃家駒係其中一個獲致敬出郵票嘅歌手。

出過嘅碟[編輯]

黃家駒唱嘅歌全部都用 Beyond 嘅名出。佢最後做同埋寫嘅歌,收錄咗喺粵語碟《樂與怒》同國語碟《海闊天空》。

拍過嘅電視劇[編輯]

做過嘅戲[編輯]

  • 《靚妹正傳》(1987年
  • 《戀愛季節》(1987年)
  • 《黑色迷牆》(1989年
  • 《吉星拱照》(1990年
  • 《開心鬼救開心鬼》(1990年)
  • 《忍者龜》(配音)(1990年)
  • 《忍者龜II》(配音)(1991年
  • 《Beyond日記之莫欺少年窮》(1991年)
  • 《豪門夜宴》(1991年)
  • 《籠民》(1992年

攞過嘅獎[編輯]

出面網頁[編輯]