許冠傑

出自維基百科,自由嘅百科全書
跳去: 定向搵嘢

許冠傑1948年9月6號—),英文Samuel Hui,所以又叫阿Sam,係20世紀70年代香港有名歌手喜劇演員

屋企[編輯]

許冠傑響廣東廣州出世,鄉下喺廣東番禺,有兄弟許冠文許冠武許冠英。許冠傑細個就成家落咗來香港。佢有兩個仔,許懷欣許懷谷

事業[編輯]

同另外兩位致力電影事業嘅兄弟許冠文許冠英唔同,許冠傑專注唱歌。響聖芳濟書院(初高中)、英華書院(預科)同香港大學社會學畢業,許冠傑早年係蓮花樂隊(The Lotus、前身為Bar Six)主音歌手,樂隊其他成員包括張浚英(鼓手)、蘇雄(低音結他)、李松江(旋律結他)同周華年(主音結他)。樂隊被迫解散之後,開始獨立發展,1972年同埋許冠文喺香港無線電視(TVB)《雙星報喜》節目裏面,以一曲《鐵塔凌雲》,同埋 TVB 電視劇主題曲一齊成為香港粵語流行曲嘅『開山祖師』,重有「歌神」之稱。

許冠傑部份嘅歌改編西方流行音樂,亦有唔少係原創。20世紀70年代至80年代初嘅作品,同黎彼得合作填詞,內容主要反映香港市民日常生活以及嗰陣嘅社會現狀,諷刺時弊;歌詞多數用廣東話填寫,唱起嚟非常之順口,加上喺嗰陣建濟起飛,唱出唔少升斗市民嘅日常瑣事同埋心事,廣泛流傳,好似《半斤八兩》、《賣身契》、《鬼馬大家樂》等等,佢嘅歌詞旋律樂觀積極,至今得仍然為人所「津津樂道」。

20世紀80年代中期,許冠傑由寶麗金唱片公司轉到康藝成音唱片公司,正值嗰陣香港嘅「偶像派」開始崛起,而70年代嘅「早期實力派歌手」(包括許冠傑),因為年紀較大,所以開始失去年青人市場,許冠傑亦喺形象上,作出咗新嘗試,並加入80年代嘅搖滾元素,脫離咗寶麗金時代嘅「鬼馬形象」。有人形容佢呢次嘅改變唔討好,嗰陣香港流行樂壇整體嘅氣候,以至價值觀嘅改變,喺70年代至80年代初受歡迎嘅路線,喺嗰個時期已經唔再適用。

許冠傑更有參加同埋電影拍攝。好似佢大佬許冠文嘅《鬼馬雙星》(1974年)、《天才與白痴》(1975年)、 《半斤八両》(1976年)、《賣身契》(1978年)、《摩登保鏢》(1981年)。1982年許氏兄弟拆擋。許冠傑参加紅到極嘅《最佳拍檔》系列演出。

許冠傑於1992年初宣佈退休,其間亦有客串喺私人場合表演、舞台劇《仲夏夜狂想曲》(1999年2月)同埋電影《大贏家》(2000年1月)中,嗰陣亦有傳佢復出,之後證實係謠言。2003年,香港出現 SARS、幾個大名星死咗,許冠傑喺2004年初復出,寫咗《04祝福你》喺2004年3月播出,為復出打開序幕;復出之後喺香港舉行 48 場「繼續微笑」演唱會,之後喺內地多個城市巡迴演唱,2005年尾至2006年1月喺多個城市巡迴演出。

唱片[編輯]

廣東專輯[編輯]

英文專輯[編輯]

電影[編輯]

睇埋[編輯]

出面網頁[編輯]