2006年世界電信展

出自維基百科,自由嘅百科全書
跳去: 定向搵嘢
2006年世界電信展標誌

2006年世界電信展ITU Telecom World 2006)係國際電信聯盟ITU)舉辦嘅全球大型通信科技展覽,喺2006年12月4日至到12月8日期間喺香港亞洲國際博覽館舉行。

世界電信展係全球電訊業最重要嘅活動,每三至四年舉辦一次。自從1971年第一次喺瑞士日內瓦舉辦以嚟,一直都未試過喺其他城市舉行,所以哩一次展覽可以講係國際電信聯盟破天荒地第一次喺日內瓦以外地方舉行嘅同類活動。

中華人民共和國政府為咗大力支持哩一次展覽,決定停辦喺2006年所有中國國內同埋國外嘅通訊展,並且由中國郵電器材集團統籌中國大陸企業去香港參展。跟據香港政府估計,屆時全球各地嘅電訊業,包括部長級官員、買家、賣家,都會雲集展館,預計會吸引超過十萬名旅客去香港參觀,帶嚟超過12億港元嘅直接經濟收益。

展覽詳情[編輯]

2006年世界電信展嘅宣傳旗幟

活動分為展覽會同埋論壇兩個部分。喺展覽會,業界人士可以展示嶄新嘅設備、服務或者技術;而論壇就會為參加人士提供溝通途徑,畀佢哋可以就政策同規管、主要科技、商業應用系統同營商環境等等嘅重要事項進行討論。

地面電視廣播節目[編輯]

為咗配合哩一次展覽,主辦單位喺展覽之前邀請電視廣播有限公司無綫電視)做主辦城市特別媒體夥伴。無綫電視將每日論壇嘅嘉賓講話輯錄成為電視節目《2006世界電信展》,並且喺展覽期間喺佢哋嘅翡翠台明珠台無線收費電視新聞二台播出。國際電信聯盟亦都自己設立電視頻道,將會議同展覽內容,透過Now寬頻電視傳送去到部份裝有Now嘅酒店。

播放時間(GMT+8):

  • 翡翠台:2006年12月4日(0015-0100);12月5日至12月8日(0130-0215)
  • 明珠台:2006年12月4日至12月8日(0800-0900)
  • 新聞二台:2006年12月4日至12月8日直播

相關嘅文章[編輯]

外面嘅連結[編輯]