2008年奧運會聖火接力
聖火接力係傳統嘅奧運前奏活動。喺2008年夏季奧林匹克運動會，聖火响3月24號喺希臘點着，之後一路接力，响2008年8月8號晚傳到去北京國家體育場聖火盤。
第一棒係希臘雅典奧運會跆拳道銀牌選手亞歷山大·尼克拉澤斯[1]。而第二棒係蛙式奧運金牌得主羅雪娟，亦係第一個接力嘅中國人[2]，羅雪娟之後再同中國乒乓波運動員鄧亞萍接力。[3]
路線[編輯]
北京奧運會火炬傳遞路線係2006年交畀國際奧委會審批，2007年4月26號晚，北京「中華世紀壇」喺中共中央政治局常委羅幹同國際奧委會主席羅格嘅見證下公佈[4]。同日北京2008年奧運火炬接力官方網站開通。
北京奧運會火炬接力活動嘅主題係「和諧之旅」[5]，口號係「點燃激情 傳遞夢想」(Light the Passion Share the Dream)。預計有成21,780人參與，歷時130日，長約137,000公里，包括五大洲20城，經過嘅城多數都未開過奧運，好多都係第一次傳聖火嘅[6]；重會傳埋上世界頂峰珠穆朗瑪峰[7]。係咁耐以嚟最長、最廣、最多人嘅[8]。
創舉[編輯]
呢屆奧運會聖火接力創第一次[9]（計埋打算緊嘅）：
- 點聖火女祭司頭頭係個新人
- 點聖火儀式有男祭司
- 中國在任大使參與（中國駐希臘大使羅林泉）
- 2008年5月2號：喺香港城門河用龍舟傳畀下手
- 2008年5月3號：喺澳門觀光塔尖上笨豬跳落地傳畀下手
- 2008年5月期間：爬上珠穆朗瑪峰（[10]）。
火把[編輯]
2008年奧運嘅火把叫做『祥雲』[11]，主色係紅色同銀色，長72厘米，重985克，用輕薄高品質鋁合金同中空塑件整，下半部噴咗高觸感塑膠漆，唔易「線」手。燒乾淨嘅丙烷，每支燒15分鐘，無風嘅話可以燒到25至30厘米高，風大到每小時65公里或者落每小時50毫米大雨都唔會熄。火把由聯想（北京）有限公司創新設計中心設計，靈感來自「淵源共生，和諧共融」嘅祥雲圖案，代表中國文化；設計喺2007年1月被國際奧委會批准。
火炬手[編輯]
北京奧運「火炬手」總數共21880人，中國境內傳遞火炬手19400個，每人跑200米，中國境外傳遞火炬手2480名，每人跑250米。[12]
藍衣人[編輯]
北京奧組委派出聖火護衞隊保護聖火，由於佢哋成班人著件藍色衫，所以啲人畀咗個花名佢哋，叫「藍衣人」。藍衣人由中國北京公安大學嘅學生選出，受過武術訓練[13][14]。
有份聖火接力嘅英國電視台巴基斯坦裔名女節目主持人Konnie Huq就覺得佢哋聲大夾惡。另外，當地警察同奧運會有關當局都唔知佢哋乜水 [15]。
唔接聖火[編輯]
根據2008年夏季奧林匹克運動會聖火傳遞方案，聖火由越南胡志明市傳去台北市，再傳去香港。但係中華民國政府認為聖火接力條路線暗示台灣屬中華人民共和國領土，反而要求由第三國入，第四國出（所謂「三進四出」）；結果聖火唔去臺灣。 [16][17][18][19][20][21][22]
抗議[編輯]
世界各地有好多人因為唔滿意中國政府嘅人權狀況，所以計劃喺聖火接力期間舉行大大細細唔同嘅抗議活動。
希臘[編輯]
2008年3月24號，北京奧運會聖火喺希臘雅典由女祭司用凹面聚光鏡收集太陽光點燃。喺北京奧組委主席劉淇發表講嘢嗰陣，兩個國際記者協會成員衝咗入去，展示用手扣組成嘅奧運五環標誌同「Beijing 2008」圖樣嘅黑色旗幟[23][24]。佢哋立即畀希臘警方逮捕，電視直播畫面都立即切換，直到示威者帶離現場[24]。自由西藏學生運動宣稱同事件有關[25]。
到傳聖火嗰陣，又有一個國際記者協會成員同國際記者協會理事長，喺聖火到達之前一刻去到接力路線上，之後畀希臘警方帶走[26][27]。
英國[編輯]
聖火傳遞吸引了來自各方面數以千計嘅人抗議。聖火喺英國倫敦市中心傳遞嗰陣，一啲抗議者試圖搶火把，但係畀警方拉咗。首相戈登布朗喺唐寧街首相府迎接火炬嗰陣，唐寧街黑色大鐵門外面聚集咗千幾個抗議者，譴責中國人權紀錄同埋對西藏政策。最後拉咗35人[28]。
法國[編輯]
聖火傳遞喺法國首都巴黎市中心舉行。抗議活動令到警方需要4次暫時整熄聖火[29][30]，不過提燈入面嘅聖火就無影響，法國警察至少拉咗28人。最後保安決定將傳遞運動提早結束，取消咗部份傳遞路線，將火把帶上巴士，直接駛去終點法國奧委會嘅夏勒蒂體育場[31][32]。
而喺法國其中一個聖火接力嘅傷殘連動員，中國劍擊選手金晶就因為用身體博晒命保護聖火，而畀人叫佢做：「輪椅上的微笑天使」[33]。
美國[編輯]
聖火傳遞喺美國三藩市當地時間星期三下畫3點到步，由於唔想同示威者衝擊，三藩市決定聖火唔會去唐人街[34]。
喺聖火到步前兩日，即係2008年4月7號，三名抗議活動人士帶住西藏旗幟上咗金門大橋懸索，重展示咗兩支旗，一支寫住「同一個世界，同一個夢想，西藏獨立」，另一支寫住「西藏獨立』08」[35]。
大量三藩市華人自發組織保衛火炬活動[36]。喺4月9號聖火到步當日，有大量西藏獨立、緬甸、蘇丹達爾富爾、法輪功等原因集合埋嘅抗議人士，另一面又有大班支持中國北京奧運嘅人喺路線側根集會，結果有關部門因為驚兩班人衝突，將聖火接力路線縮短，兼條路線一路改嚟改去[37]。因為驚人搞搞震，傳支聖火傳到鬼鬼祟祟咁，好多人約好晒去睇聖火但睇唔到，就扯晒火，當地傳媒叫呢單嘢做「奧林匹克級大騙局」(Olympic-sized fake-out)，不過中新社就形容為：用巧計令破壞分子無所適從[38][39]。
喺三藩市聖火接力其中一個女火炬手卡特（Majora Carter），傳聖火嗰陣喺手袖拉咗張雪山獅子旗出嚟，立即畀側邊俗稱藍衣人嘅中國聖火護衞隊搶走支旗，連支火把都搶走埋。之後另一個男火炬手，坐輪椅嘅安德魯（Michael Andrew）喺拎咗個火把之後，展示喺手背上面，一塊印有雪山獅子旗嘅布仔[40]。
印度[編輯]
澳洲[編輯]
香港[編輯]
香港會出動3000警力保護聖火，不過路線就重未確定[43]。而香港支聯會就準備喺奧運聖火傳送嗰陣發起以「統一世界、統一民主、統一夢想、平反六四」為口號嘅遊行示威[44]。
參考[編輯]
- ↑ 北京奥运会圣火采集流程公布 第一棒火炬手揭晓
- ↑ 羅雪娟與亞歷山大聖火接力 搜狐体育2008年3月24號
- ↑ 聖火點燃 京奧「啟航」 互聯網檔案館嘅歸檔，歸檔日期2008年4月16號，.Yahoo!新聞
- ↑ 〈火炬接力傳遞計劃路線及火炬隆重發佈〉. 原著喺2008年9月6號歸檔. 喺2008年4月7號搵到.
- ↑ 北京2008年奧運會火炬接力主題：和諧之旅
- ↑ 蘋果日報 27-4-2007
- ↑ 海選民間"珠峰鐵人"登珠峰 為奧運火炬助威
- ↑ 〈2008奧運火炬接力計劃正式公佈 將創三項紀錄〉. 原著喺2007-05-31歸檔. 喺2008-04-07搵到.
- ↑ 〈突破常規創歷史 北京奧運聖火希臘採集五個第一〉. 原著喺2007年10月1號歸檔. 喺2008年4月7號搵到.
- ↑ 〈北京奧運火炬登頂珠峰最後突擊點定在海拔8300米〉. 原著喺2007年10月1號歸檔. 喺2008年4月7號搵到.
- ↑ 北京2008年奧運會火炬 互聯網檔案館嘅歸檔，歸檔日期2007年9月17號，.，北京奧運會官方網站，2007年4月26號。
- ↑ 〈各省、自治區、直轄市及其他選拔主體火炬手分配情況一覽表〉. 原著喺2012年7月16號歸檔. 喺2008年4月7號搵到.
- ↑ 〈中國‧有權派員護送聖火‧國際奧委會：正常的事〉. 原著喺2008年6月11號歸檔. 喺2008年4月10號搵到.
- ↑ 〈千中選一："中國聖火護衛隊"惹關注〉. 亞洲時報. 2008年4月11號. 原著喺2008年4月16號歸檔. 喺2008年4月11號搵到.
- ↑ 〈澳總理禁藍衣人護聖火〉. 原著喺2008年5月13號歸檔. 喺2008年4月10號搵到.
- ↑ 〈北京奧組委新聞發言人就2008年奧運火炬傳遞活動不能前往台北發表談話〉. 原著喺2014年11月6號歸檔. 喺2008年4月7號搵到.
- ↑ 〈自由電子報：未國進國出 我拒奧運聖火〉. 原著喺2007年9月11號歸檔. 喺2008年4月7號搵到.
- ↑ 國際奧會今將宣佈 聖火確定不來台
- ↑ 國際奧委會 京奧運聖火不經過台北 互聯網檔案館嘅歸檔，歸檔日期2015年7月24號，.，中國評論新聞網，2007年9月20號
- ↑ 〈聖火來台破局！ 蔡辰威：北京刁難，片面翻盤〉. 原著喺2007年10月9號歸檔. 喺2008年4月7號搵到.
- ↑ 聖火不來了 扁：改跑入聯聖火
- ↑ 努力到19日 高層才決定放棄
- ↑ 「Protesters gatecrash Olympic ceremony」，澳大利亞廣播公司新聞（ABCNews），2008年3月25號．
- ↑ 24.0 24.1 「北京奧運聖火在希臘點燃」，BBC中文網，2008年3月25號．
- ↑ （英文）「自由西藏學生運動主頁」，「Tibetans Protest China's Torch Relay Launch Archive.is嘅歸檔，歸檔日期2012年7月14號，」，「Tibetan activists detained for confronting IOC president and protesting China's Torch Relay 互聯網檔案館嘅歸檔，歸檔日期2008年4月8號，.」，自由西藏學生運動，2008年3月25號．
- ↑ 2008年3月24號，無線六點半新聞報道
- ↑ 2008年3月25號，商業電台新聞報道
- ↑ 倫敦聖火接力不斷受抗議者干擾 英國廣播公司
- ↑ 〈聖火在巴黎四度熄滅避抗議〉. 都市日報. 2008年4月8號.
- ↑ 〈火 炬 四 度 緊 急 熄 滅 聖 火 死 火〉. 蘋果日報. 2008年4月8號. 原著喺2008年4月11號歸檔. 喺2008年4月7號搵到.
- ↑ 〈聖火巴黎傳送至終點28人被捕〉. 商業電台.
{{cite web}}: CS1 maint: url-status (link) - ↑ "Paris protests mar Olympic relay". 英國廣播公司.
- ↑ 〈金晶回憶聖火傳遞:哪怕當時捅我一刀我也要保護火炬〉. 原著喺2008-04-15歸檔. 喺2008-04-11搵到.
- ↑ 〈三 藩 市 兩 把 火 抗 聖 火〉. 蘋果日報. 2008年4月8號. 原著喺2008年4月11號歸檔. 喺2008年4月7號搵到.
- ↑ 〈藏獨支持者爬上金門橋示威 三藩市出動千警護聖火〉. 星島日報. 2008年4月8號. 原著喺2008年4月15號歸檔. 喺2008年4月10號搵到.
- ↑ 〈美國華人自發歡迎聖火 聲勢浩大吶喊壓倒"藏獨"分子〉. 北京新浪網. 原著喺2008-04-15歸檔. 喺2008-04-10搵到.
- ↑ 舊金山聖火傳遞路線改變 灣區僑胞失望但能理解[失咗效嘅鏈]
- ↑ 〈迴 避 示 威 者 三 藩 市 鬼 祟 傳 聖 火 傳 入 貨 倉〉. 蘋果日報. 2008年4月11號. 原著喺2008年4月14號歸檔. 喺2008年4月11號搵到.
- ↑ Torch leaves S.F. after surprise route shift
- ↑ 〈三 藩 市 火 炬 手 揮 雪 山 獅 子 旗〉. 蘋果日報. 2008年4月11號. 原著喺2008年4月14號歸檔. 喺2008年4月11號搵到.
- ↑ 擔憂發生抗議活動 印度縮短聖火傳遞路線[失咗效嘅鏈]
- ↑ 〈澳 洲 以 保 安 理 由 修 改 傳 遞 聖 火 路 線〉. 商業電台. 2008年4月7號.
{{cite web}}: CS1 maint: url-status (link) - ↑ 〈港出動3000警力保聖火傳遞〉. 大公網. 2008年4月11號. 原著喺2008年4月15號歸檔. 喺2008年4月11號搵到.
- ↑ 香港支聯會：聖火在港傳遞 只示威不搶火炬
