4月26號

4月26號係公曆年嘅第116日（閏年第117日），離年尾重有249日。

呢幾年嘅今日

大件事 [編輯]

1982年：「四二六桂林空難」－一架由廣州飛去桂林嘅三叉戟飛機，响桂林陽朔附近嘅恭城縣撞山失事，機上104名乘客同埋機組人員全部罹難，死者中有52個係香港人。
1983年：4月12號返工途中俾人綁架嘅地產商王德輝，喺佢屋企人畀咗1100萬美金嘅贖金之後獲得釋放。警方喺當日破案，拉咗三男一女。
1984年：美國總統列根訪問北京，係中美正式建交之後，第一位訪問中國嘅美國總統。列根抵埗之後隨即出席喺天安門廣場嘅隆重歡迎儀式。列根喺北京先後會見鄧小平、趙紫陽、李先念同埋胡耀邦等國家領導人。
1986年：蘇聯切爾諾貝爾核電廠爆炸，釋出大量輻射，引發切爾諾貝爾核災。
1989年：中國《人民日報》發表標題為《必須旗幟鮮明地反對動亂》嘅社論，又叫「四二六社論」，社論將悼念胡耀邦活動視為動亂。大陸好多地方嘅大學生自發上街靜坐，直至解放軍武力鎮壓。