Wikipedia:城市論壇 (雜項)

城市論壇（雜項部）   貼文
城市論壇嘅雜項部係用嚟貼上同其它類別無關嘅信息。請盡量喺相應嘅頁面中發表同消息、政策、技術、提議及協助有關嘅討論，而並非喺呢度。想解釋點解你唔想響度寫嘢，唔該去wikipedia talk:答批評。呢度係我地做嘢嘅地方。
請喺你嘅留言度加上你嘅簽名用埋時間（打入~~~~或者撳一吓響編輯工具吧上面嘅簽名掣）。請響最尾度加上新嘅題目。呢個版本嘅URL係：http://zh-yue.wikipedia.org/wiki/Wikipedia:%E5%9F%8E%E5%B8%82%E8%AB%96%E5%A3%87_(%E9%9B%9C%E9%A0%85)?oldid=647080

喺舊過7日嘅討論（以最後加上評論嘅日期為準）會搬到哩度。 呢啲討論會繼續放響嗰度7日。喺呢一段時間之中，如果可以嘅話，有關嘅討論會搬到有關嘅對話頁。喺7日之後，嗰啲討論就會被永久移除（但仍然可以透過歷史查詢搵到）。

請問

請問如果我要請求提刪一個頁面、保護一個頁面、搬一個我搬唔到嘅頁面，我要去邊？－程 (傾偈) 2009年12月26號 (六) 08:22 (UTC)

仲有有D唔活躍嘅管理員，如果要申請炒佢地油魚，要去邊？－程 (傾偈) 2009年12月26號 (六) 13:28 (UTC)

呢度冇呢樣嘢個喎，只要冇濫用佢哋嘅權就冇問題，「唔活躍」唔係一個「炒魷」嘅理由。--WikiCantona (傾偈) 2009年12月26號 (六) 14:01 (UTC)

原來喺咁，但喺將來如果有一個管理員辦事不力，我要去邊？－程 (傾偈) 2009年12月27號 (日) 05:09 (UTC)

唔活躍，對維基無乜影響。又何必搞咁多行政嘢呢？--HenryLi (傾偈) 2010年3月2號 (二) 01:19 (UTC)

• 一個管理員不力，以後咪理佢，揾另外一個。 * = )< Hillgentleman|書|二零一零年三月二號（星期二）格林尼治 12點30分54秒。>

刪可以先用{{prod}}，響討論版度放；多數嘅間題都會響討論版度搞掂。 Shinjiman ⇔ ♨ 2009年12月26號 (六) 16:05 (UTC)

唔該。－程 (傾偈) 2009年12月27號 (日) 05:09 (UTC)

本字對表音字，又尾音問題

我恁依個問題你等先前都應該傾過唔少次。其實大家意向係用返本字，定後起嘅表音字？定係「任君選擇」？其實有啲只係文白異讀搞到啲人唔知個本字係咩，就好似︰使與駛、來與嚟咁（中大粵語審音配字庫︰畀大家參考一下啫）。有冇恁過轉返？呢啲問題都唔係啲咩大是大非，可以從好多個唔同嘅角度去睼依啲問題，所以傾嗰時麻煩保持心平氣和。純粹想知大家意向係點啫。

呢度現有共識，係用比較寛鬆嘅手法，去處理用字問題，即係編者喜好。正字同表音字兩面，並無特別優勢，反正現時社會上各有用法。我個人都中意正字，但正字好多時未有定案，而且字始終畀人讀，始終係廣為人知比較好，太生冷嘅字同意思，恐怕人哋唔知寫乜。例如有人話【嘅】本字係【忌】，我就寧願寫【嘅】，因為大家自出娘胎，【忌】都唔係咁用。例如【使】同【駛】，我就會用【使】，因為我自細就讀【使（洗）用】，唔讀屎用。【使】嘅個用法，仍然係有響度，字典都係咁寫。我個人用【來】，唔用【嚟】，寫【來】同【嚟】，啲人都會明個意思。【畀】同【俾】兩派都係接近，間中都有人換字。我就唔會將人哋啲字改來改去，因為傳意上係無乜分別，不如寫多幾編文好過。維基百科，都不過係社會反映，第日用乜字，就由第日嘅趨勢去決定。--HenryLi (傾偈) 2010年3月2號 (二) 01:13 (UTC)

另外，想問下大家意見嘅係粵語尾音嘅問題，粵語同家下嘅書面語眾所周知最大分別之一就係粵語尾音多好多，而且佢重扮演住一個非常重要嘅角色，尾音只要有少少唔同，成句嘅意思就已經可以有翻天覆地嘅改變。尾音有係有意義嘅，喺句子當中發揮住一定作用嘅，有啲就冇咩用嘅，可能純粹係講說話個人嘅習慣來嘅啫，喺爾兩方面又點取捨呢？如果文中有無意嘅尾音，又會點處理呢？--J.Wong 2010年3月1號 (一) 18:04 (UTC)

語氣字方面，呢度多數編者，都畧過咗。皆因百科全書，通常都係平舖直敍，唔會帶有情感。呢個係自然發生嘅，並唔係有乜限制禁用。查實無語氣字，都係句調一種。--HenryLi (傾偈) 2010年3月2號 (二) 01:13 (UTC)

Vector

根據Translatewiki.net，基本上所有介面已經翻譯好，唔知各位有無興趣將預設面板改做Vector？中文版將會係第四期發展做，粵語版加唔加埋落張名單好？－HW (搵我 - 貢獻) 2010年6月13號 (日) 08:00 (UTC)

usability:Releases/Default Switch，由於我地呢加唔改，遲早都要改，我而家會去個List到加名同翻譯所需頁面。－HW (搵我 - 貢獻) 2010年6月13號 (日) 08:03 (UTC)

個人唔鍾意VECTOR.而且記得有人話過重有啲問題. * = )< Hillgentleman|書|二零一零年六月十三號（星期日）格林尼治 09點27分49秒。>

可唔可以講下呢啲係乜東東？Vector 即係乜呀？--WikiCantona (傾偈) 2010年6月13號 (日) 11:32 (UTC)

special:preferences入便VECTOR皮. BTW 我好想知點解VECTOR 會畀人譯做"域達"? VECTOR應該係向量. * = )< Hillgentleman|書|二零一零年六月十三號（星期日）格林尼治 14點31分40秒。>

Hillgentleman: 問題包括繁簡體轉換架生；「域達」係由唔知邊個改嘅，我已經改番內建個翻譯，但暫時未能夠係粵維到改到，管理員可以改MediaWiki:Skinname-vector做Vector就得。

P.S. 點解粵語維基唔可以用番中文維基成套繁簡轉換？－HW (搵我 - 貢獻) 2010年6月14號 (一) 08:50 (UTC)

We haven't installed it because the maintenance work would be too much for our small community. * = )< Hillgentleman|書|二零一零年六月十六號（星期三）格林尼治 07點56分40秒。>

界面嘅翻譯到現時為止都唔係完全翻譯好晒做粵語；而家我重新睇過啲翻譯；睇吓重有邊啲係需要再翻得好啲嘅。 Shinjiman ⇔ ♨ 2010年6月19號 (六) 15:41 (UTC)

求救，唔該管理員幫我改用戶名

我响書面語維基度用「保衛粵語」做username, 唔知乜事就俾果度既管理員鎖左acc, 話我宣傳。我諗住改個名就冇事, 點知佢話就話可以編輯自己個用戶頁黎伸訴, 可以send email俾管理員解釋同埋改名, 可以登記另一個username ok既 acc, 點知全部都係假既, 乜都俾人block晒, 連ip都block埋!!我只係登記左半日, 修改左一篇文, 冇做過任何破壞, 點解要ban我一世?? 管理員可唔可以幫我改名做"Eunice Yuet"?我諗呢個名點都唔會俾人屈係宣傳啦?? 書面語維基既人可唔可以幫我同果邊既admin投訴下?? 唔該各位!!!!!!!!!!!!!!!! —之前未簽名嘅留言係由保衛粵語 (留言 • 貢獻) 響2010年7月16號 (五) 12:26 (UTC)所加入嘅。

你有乜申訴理由，我可代你去中文維基嗰邊，喺你用戶討論版度貼封禁申訴。如果你想改用戶名，可以搵我哋事務員User:Shinjiman，佢可以幫到你。你想要做邊一樣呢？我覺得有得拗，因爲你嗰用戶名，現實中無任何團體或公司係咁叫。HenryLi (傾偈) 2010年7月16號 (五) 13:05 (UTC)

如果你可以幫我喺我用戶討論版度貼封禁申訴就最好啦, 首先要唔該你先. 不過我都係改過個名啦, 費事之後重有咩麻煩.

我已代你貼封禁申訴，見zh:User_talk:保衞粵語。你改名與否，按理應喺解封後，再行處理。（記得臨句完加四條蛇~~~~做簽名，以辨發言者身份。）--HenryLi (傾偈) 2010年7月16號 (五) 22:43 (UTC)

你可以喺度整好USERPAGE，指向你FACEBOOK頁，幫手寫文，咁你單案就有力好多。* = )< Hillgentleman|書|二零一零年七月十七號（星期六）格林尼治 06點42分35秒。>

如果你想去改名，可以去WP:CHU，跟嗰邊嘅程序做就得。 Shinjiman ⇔ ♨ 2010年7月17號 (六) 08:27 (UTC)

Food for thought: 普通話強力進攻下粵語固有詞彙萎縮

http://www.cantonese.sheik.co.uk/phorum/read.php?4,72382

• 絶跡:

民人——人民

地天——天地

輝光——光輝

洋海——海洋

加添——添加

收接——接收

容縱——縱容

備具——具備

叫哭——哭叫

常時——時常

少缺——缺少

告禱——禱告

機危——危機

曬曝——曝曬

氣嘆——嘆氣

心多——多心

鬧熱——熱鬧

藏埋——埋藏

程課——課程

啞聾——聾啞

裁製——制裁

... ...

• 重用緊:

質素——素質

染污——污染

雞公——公雞

人客——客人

私隱——隱私

蹺蹊——蹊蹺

宵夜——夜宵

歡喜——喜歡

心甘——甘心

緊要——要緊

齊整——整齊

擠擁——擁擠

米碎——碎米

菜幹——乾菜

千秋——鞦韆

經已——已經

取錄——錄取

晨早——早晨

阻嚇——嚇阻

臭狐——狐臭

菜蔬——蔬菜

怪責——責怪

數尾——尾數

下底——底下

合符——符合

釘裝——裝釘

利便——便利

• = )< Hillgentleman|書|二零一零年九月一號（星期三）格林尼治 14點58分10秒。>

Thank you for the post. 「加添」、「心多」重用緊喎，藏埋 -> 收埋。--WikiCantona (傾偈) 2010年9月2號 (四) 04:15 (UTC)

I know. 加多一樣： 遷拆 -- 拆遷 香港變天前叫＂遷拆＂，而家跟中國叫＂拆遷＂，到底遷先定拆先？箇中心態，不言而寓。* = )< Hillgentleman|書|二零一零年九月三號（星期五）格林尼治 04點31分14秒。>

重有，啲人講「老師畀咗啲水果你哋」，「有幾多台電腦？」，「今天食咗乜」，「你有頭屑喎」，聽到我眼火爆。--WikiCantona (傾偈) 2010年9月3號 (五) 22:14 (UTC)

"幾台電腦？" 都重算OK,但 "今天" 就真係劣等中文.* = )< Hillgentleman|書|二零一零年九月四號（星期六）格林尼治 01點21分20秒。>

• 獸蟲魚之類HenryLi (傾偈) 2010年9月4號 (六) 02:24 (UTC)

關於上面提到啲意見，喺香港、澳門、廣州等地用到啲粵語，主要都喺由日常會話、口語會用到嗰啲文字。我認爲應該Wikipedia:維基百科聽聲版起步，用口語帶動番粵語。因爲例如上面提到嘅「今天食咗乜」同「今日食咗乜」，一聼就知「今日食咗乜」順耳。 —之前未簽名嘅留言係由99.237.104.65 (留言 • 貢獻) 響2011年1月17號 (一) 16:41 (UTC)所加入嘅。

「碼頭邊　影相撐維基百科 － 支持維基百科申遺！ 」

由香港維基媒體協會主辦，詳情請睇http://www.facebook.com/event.php?eid=248541365172798 －HW (傾偈) 2011年7月12號 (二) 13:40 (UTC)

乜嘢叫申遺？HenryLi (傾偈) 2012年5月1號 (二) 05:16 (UTC)

請問可以幫個忙嗎

你好,我第一次用維基留言和有一個不好意思請求,能幫助我學會英語能同外國人溝通和高級電腦運用技術,因為我想為世界改變一些事,謝謝

唔太明你想要乜？不如話你想改變啲乜 。HenryLi (傾偈) 2012年5月1號 (二) 05:15 (UTC)

我想幫手~

可以既話我想幫手譯維基呢度同FIREFOX D野!

你想繙邊樣？文章？介面？HenryLi (傾偈) 2012年5月1號 (二) 05:12 (UTC)