一聲驚雷
《一聲驚雷》（粵拼：jat1 seng1 ging1 leoi4；英文：A Sound of Thunder）係由美國科幻作家利白普理喺 1952 年作嘅一個短篇故仔。個故事係講人類時空穿梭，「過去改變少少，有可能搞到未來完全唔同晒樣」呢個艾啲牙。
情節
[編輯]睇埋：時空穿梭
故事講到一個時空穿梭成為咗現實嘅未來世界，故事一開場主角同幾個人一齊準備出發去時間旅行，期間談論佢哋國家爭少少就選咗個法西斯主義者上台。
過咗一陣，佢哋坐住時光機喺導遊嘅帶領下返去白堊紀打獵，要獵恐龍。幾經辛苦之後，眾人成功殺死隻恐龍，但係途中主角因為驚慌而脫離咗原有航線衝咗入森林，最後眾人平安返到現代，發覺英文嘅串法唔同咗，而且佢哋身處一個法西斯主義者贏咗嘅世界，不知所措嘅眾人跟住喺主角嘅鞋底搵到一隻被踩死咗嘅蝴蝶。
Embedded in the mud, glistening green and gold and black, was a butterfly, very beautiful and very dead.
（粵文翻譯）嵌入咗喺泥入便，又綠又金又黑閃呤呤噉嘅，係一隻蝴蝶，好靚而且好明顯死咗。
——主角衝入森林嗰陣唔覺意踩死咗隻蝴蝶，就搞到未來完全唔同晒。
