中心 (建築)

中心，建築分類，地方、屋宇或部份屋宇，專門為特定主題而設，綜合種種用途而有唔同活動，好多嘢集於一身咁。佢相對於英文centre或美國串法center。

一般而言，有主要用途，都唔會叫中心。如電影戲院，就主要畀人睇電影。而叫得電影中心，就可能肩負好幾種用途，收藏、播放、教育、研究討論等等，性質相異。又如服務中心咁，有可能會賣產品，賣零件，做檢查，做維修等。

叫中心有好多，如購物中心、遊戲機中心、電影中心、會議中心、社區中心、遊客中心、資訊中心、資源中心、運動中心、健身中心、幼兒中心、健康中心、服務中心、兒童中心等等，多到數唔晒。

有啲起名叫中心，實際上無中心意義，故此會名不副實。有鑑於此，有啲地方會限制人哋叫中心。如廣東就話要地夠大，有兩萬平方米，或以樓宇總面積夠大，有二十萬平方米。功能有特定，屋宇要一棟或幾棟。