中餐廳第六季節目一覽

出自維基百科,自由嘅百科全書
跳去導覽 跳去搵嘢

呢份一覽表列出中餐廳》第六季冚唪唥嘅期數。呢季節目共12期,喺2022年8月12號首播,到11月18號播完[1][2][3]

成員[編輯]

分集介紹[編輯]

集數
(季)
主題首播日期
1
好「餐」上場,今晚開張
2022年8月12號 (2022-08-12)
5位經營合夥人陸續抵達郴州,喺一間農家餐廳體驗當地特色美食「瑤家九大碗」後,正式抵達喺仰天湖草原風景旅遊區嘅餐館,之後由黃曉明唸出新一季嘅店長手冊。呢季《中餐廳》合夥人需挑戰經營午餐,同時喺餐館5km範圍內冇菜場,合夥人需要去到農戶家入面自己買食材;呢季《中餐廳》主打「親子餐廳」嘅全新經營模式,合夥人需要喺每日營業期間開設「美食小課堂」,教細路仔做美食。黃曉明喺之後接收節目組提供嘅2022元啟動資金,並帶領其他4位經營合夥人參觀餐廳,呢季嘅餐廳分為「有趣餐廳」同「有機餐廳」兩個部分,中間係「歡樂廚房」。之後,兩位廚師抵達餐廳。呢季除5位經營合夥人外,另有兩位廚師加盟,分別係野生大廚詹宗林同麪點大師趙小羊。嗰晚,大家一齊完成喺中餐廳嘅第一次晚餐。第二日,大家一齊去到農戶家入面買食材。
2
籌備日
2022年8月19號 (2022-08-19)
5位經營合夥人同兩位廚師喺買完食材後繼續做開業之前嘅籌備工作,包括試菜、確定菜單同埋為菜品定價。營業首日,店長黃曉明對其他4位經營合夥人進行咗崗前培訓。之後,中餐廳正式開業。
3
營業日·Day1—2
2022年8月26號 (2022-08-26)
中餐廳開業首日,共計收入2773元。營業過程入面,餐廳先後經歷咗後廚混亂、米飯準備唔夠、米飯過軟、菜單字跡潦草等狀況,店長黃曉明同管家殷桃喺復盤會上一一提出咗改進意見。第2日,5位經營合夥人同兩位廚師經過對前一日嘅狀況進行針對性調整後,營業過程更有條理。親子課堂亦首次開課,攞咗較好嘅效果。嗰日,中餐廳共計收入2958元。
4
當夢想照進現實
2022年9月2號 (2022-09-02)
5位經營合夥人開啟首個夢想葫蘆,幫陳立農完成夢想KPI,喺中餐廳搞間燒烤檔。呢隻葫蘆嘅開啟資金係300元,節目組將提供完整嘅燒烤設備,5位經營合夥人需要喺兩日嘅營業時間入面令燒烤檔攞到至少1000元嘅營業額,就可以攞到3倍開啟資金嘅獎勵。喺5位經營合夥人同兩位廚師半日嘅精心籌備後,燒烤檔正式開業,陳立農準備嘅海陸空大拼盤攞到唔少好評同大量加單。嗰日,中餐廳共計收入4979元,燒烤檔共計收入1060元。5位經營合夥人成功完成任務,並攞到900元嘅獎勵資金。第二日,飛行合夥人劉畊宏、王婉霏抵達中餐廳。
5
朗月佳節,至味團圓
2022年9月9號 (2022-09-09)
中餐廳開業第4日,劉畊宏負責前台接待,王婉霏喺後廚做抹茶拿鐵同埋負責親子課堂,劉畊宏重喺親子課堂期間開咗家長會,幫家長解答健身問題。嗰日,中餐廳共計收入4119元。復盤會上,5位經營合夥人因未提前試菜同主廚詹宗林發生爭執,主廚詹宗林亦因台面未清等問題同5位經營合夥人發生爭執。復盤會結束後,大家一齊清理咗台面,主廚詹宗林亦開出咗食材清單。嗰晚,黃曉明、尹正出發買食材,章若楠、趙小羊幫詹宗林拔鴨毛。喺後廚嘅吵鬧聲入面,5位經營合夥人同詹宗林和解。劉畊宏、王婉霏喺直播結束後帶5位經營合夥人同兩位廚師一齊跳咗《本草綱目》健身操。同時,第二個夢想葫蘆被開啟,呢隻葫蘆嘅開啟資金係800元,5位經營合夥人需要喺兩日嘅營業時間入面減重20斤,幫章若楠完成夢想KPI。
6
在一起,才珍惜
2022年9月16號 (2022-09-16)
中餐廳開業第5日,5位經營合夥人喺營業開始前充分利用遊戲規則,完成咗減重KPI挑戰期間嘅首次稱重。王婉霏推出咗「西瓜牛奶冰沙+香酥土豆餅」嘅親子套餐,並攞到唔少好評。營業結束後,主廚詹宗林喺備菜期間用咗趙小羊嘅甜品破壁機處理乾辣椒,兩人之間發生誤解。最終,詹宗林喺復盤會上為之前嘅態度向趙小羊道歉。嗰日,中餐廳共計收入3641元。嗰晚,大家一齊搞咗場歌友會,送別劉畊宏、王婉霏。第二日,中餐廳迎嚟首個休息日,飛行合夥人黃小蕾、胡連馨、吳幸鍵抵達中餐廳,店長黃曉明為大家安排咗火鍋宴同騎馬兩項活動。
7
身份交換日
2022年9月23號 (2022-09-23)
中餐廳開業第7日,5位經營合夥人喺營業開始前完成咗第二次稱重,減重KPI挑戰成功,5位經營合夥人共計減重24.3kg,並攞到2400元嘅獎勵資金。黃小蕾、胡連馨、吳幸鍵各自推出咗自己嘅拿手菜,章若楠、陳立農轉崗去到前台。全新推出嘅菜品攞到唔少好評,章若楠、陳立農亦迅速適應前台工作。嗰日,中餐廳共計收入4356元。營業結束後,尹正、陳立農為中餐廳開啟第三個夢想葫蘆,呢隻葫蘆嘅開啟資金係1000元,管家殷桃將接受兩日店長挑戰,並要求打破原有嘅團隊分工,重新安排各自嘅崗位。經過一番討論後,最終確定由原店長黃曉明擔任主廚,尹正、章若楠擔任幫廚,新店長殷桃擔任甜品師並負責親子課堂,主廚詹宗林擔任服務生,陳立農、趙小羊負責前台接待。嗰晚,黃曉明、殷桃進入「學徒模式」,黃小蕾、胡連馨、吳幸鍵離開餐廳。第二日,新店長殷桃正式上任,全體經營合夥人正式以新崗位進入備戰狀態。
8
桃店長正式上崗
2022年9月30號 (2022-09-30)
中餐廳迎嚟新店長殷桃上任後嘅首個營業日,後廚效率顯著提升,殷桃嘅首次親子課堂亦成功完成。嗰日,中餐廳共計收入5550元。營業結束後,殷桃獨自一人外出買米,章若楠、陳立農外出釣魚。第二日,殷桃同章若楠對調崗位,章若楠嘅親子課堂順利開課並成功完成。
9
西瓜大作戰
2022年10月28號 (2022-10-28)
殷桃擔任店長嘅第二個營業日,中餐廳共計收入4261元。殷桃順利完成KPI挑戰,並攞到2000元嘅獎勵資金。營業結束後,黃曉明為中餐廳開啟第四個夢想葫蘆,呢隻葫蘆嘅開啟資金係2000元,節目組將為尹正空投100隻西瓜,5位經營合夥人需要喺兩日嘅營業時間入面至少研發出兩種非飲品類嘅西瓜創新美食,並至少賣出20份,幫尹正完成「把西瓜發揚光大」嘅夢想KPI。之後,5位經營合夥人同兩位廚師各自研發出「怪味西瓜酥」、「脆皮西瓜奶凍」、「西瓜甜品」等西瓜創新菜。第二日,西瓜創新菜正式上線,飛行合夥人那英抵達中餐廳。喺店長黃曉明嘅緊急崗前培訓後,那英迅速適應工作狀態,開始幫客人上菜。陳立農嘅首次聲樂課堂正式開課,喺助教那英嘅幫助同鼓勵下,課堂攞咗較好嘅效果。最終,西瓜創新菜賣出23份,尹正順利完成KPI挑戰,並攞到666元嘅獎勵資金。
10
光盤日記
2022年11月4號 (2022-11-04)
復盤會結束後,黃曉明、殷桃、章若楠、陳立農、那英外出釣魚,尹正留落餐廳備菜。第二日,那英推出咗全新甜品「西瓜撞奶」,趙小羊就地取材推出咗創意麪點「中餐廳的夏天」,尹正繼續將雞翅發揚光大。營業結束後,大家一齊外出賣西瓜,最終將店内剩返嘅70隻西瓜全部賣出,成功幫尹正賺返開啟資金。嗰日,中餐廳共計收入6313元。復盤會上,大家一齊總結咗參加《中餐廳》嘅感受。之後,那英離開餐廳。第二日,中餐廳迎嚟第二個休息日,最後一個夢想葫蘆亦被開啟。呢隻葫蘆嘅夢想出自店長黃曉明,開啟資金係2022元,大家需要以自編自導自演嘅形式完成《中餐廳》短片創作,用影像記錄中餐廳嘅美好。之後,大家一齊圍繞劇本展開咗激烈討論。
11
「大蔡」組合上菜
2022年11月11號 (2022-11-11)
討論結束後,大家喺兩日嘅時間入面利用營業間隙完成咗買道具、菜品研發、場地勘察等籌備工作。其間,飛行合夥人蔡國慶、大張偉喺倒數第三個營業日抵達中餐廳。喺兩日嘅營業時間入面,蔡國慶、大張偉充分發揮自己嘅銷售才能,為客人傳遞歡樂;店長黃曉明巧遇第三季老顧客;大家一齊為兩枱客人準備咗生日驚喜;蔡國慶重推出咗新菜品「吉慶有餘」,並以「365套餐」嘅形式加入第二日嘅營業菜單,一經推出迅速賣嗮,新菜品「吉慶有餘」亦攞到唔少好評。營業結束後,微電影拍攝正式開始。喺拍完自己嘅戲份之後,蔡國慶、大張偉離開餐廳。
12
合夥人全員告別
2022年11月18號 (2022-11-18)

中餐廳料理食譜同教學[編輯]

  • 章媽媽的芹菜牛肉:起鍋熱油,然後依次放入薑、蒜、辣椒爆香,之後放入牛肉翻炒,等牛肉炒至變色後再放入芹菜繼續翻炒,之後依次放入醬油、白糖同水,翻炒出香味就得。
  • 農農的沙茶滑肉:豬肉用白胡椒、醬油、沙茶醬同澱粉醃入味,起鍋熱油,然後將洋蔥、蔥、蒜、辣椒炒至斷生,之後放入醃好嘅豬肉,再依次加入生抽、胡椒粉、沙茶醬同鹽,翻炒出香味就得。
  • 雲朵小饅頭[a]:糖粉、麪粉、澱粉加牛奶撈勻,然後加入油脂撈勻,之後加入白醋撈勻,再加入泡打粉繼續撈勻,之後將麪糊一分為二,一半放入山楂撈勻,另一半放入枸杞撈勻,再將麪糊裝落紙托入面,旺火足氣蒸10分鐘左右,等雲朵自然開花就得。
  • 湘味碎雞:起鍋熱油,然後依次放入香菇同雞肉翻炒,之後依次放入蒜末、剁辣椒同五香粉,再依次放入鹽、雞精、生抽、乾辣椒同胡椒粉,最後放入大蒜葉煸乾就得。
  • 海菇翡翠湯:鍋入面加大量水,然後依次放入鹽同雞精,之後依次放入海菇、胡蘿蔔、番茄同肉絲,煮熟後撈出灑埋香菜就得。
  • 湘滬黃瓜條
  • 醬香蘿蔔
  • 臘味合蒸
  • 水蒸蛋
  • 海陸空大拼盤:將魷魚、雞腿[b]、掌中寶[c]同雞翅醃好備用,提前將食材烤至半熟,然後將8成熟食材刷油加熱,等食材顏色發生變化後可適時翻面,等食材烤至9分熟後灑埋鮮粉調味,適時複烤就得。
  • 燒雞公:整雞剁細塊備用,起鍋熱油,然後放入雞塊並煎出香味,之後依次放入醬油、生薑同胡椒粉,繼續加入山泉水燉煮,再放入石菖蒲燉至雞肉熟爛後撈出燉好嘅雞湯,放入辣椒、大蔥、少少鹽,繼續燉煮5分鐘,翻炒出香味就得。
  • 家燒墨魚:起鍋熱油,然後依次放入小米辣、薑、蒜爆香,之後倒入新鮮墨魚,加入胡蘿蔔同適量滾水烹煮,再放入肉片,加入鹽、味精、糖調味,最後放入大蔥點綴就得。
  • 燒雞公(清湯滋補版):公雞切塊備用,熱鍋倒油,然後依次放入薑片同雞塊,將雞肉炒香後倒落燉鍋入面,最後放入石菖蒲熬煮出香味就得。
  • 芙蓉蒸蛋
  • 抹茶拿鐵:將抹茶汁倒落量杯入面冷藏後取出,然後將牛奶倒落抹茶汁入面,最後加入現打嘅新鮮奶油並灑埋抹茶粉就得[d]
  • 西瓜牛奶冰沙:西瓜切塊後裝袋冷藏備用,等西瓜冷藏好之後将佢放落破壁機入面,然後喺破壁機入面加適量牛奶並打至冰沙狀後倒出,最後加入西瓜塊同綠葉點綴就得。
  • 香酥土豆餅:土豆切絲後加胡椒粉同2匙麪粉,然後將土豆絲揉捏撈勻,喺電餅鐺入面加適量油,少量多次將土豆絲放落電餅鐺入面,等土豆絲煎至定型後反覆翻轉並煎至兩面金黃就得。
  • 辣炒雞雜:起鍋熱油,然後依次放入薑、蒜、小米辣爆炒,之後放入焯過水嘅雞雜翻炒,再依次加入鹽、料酒同生抽,將炒好嘅雞雜撈出備用,最後另起新鍋加入青椒同炒好嘅雞雜繼續爆炒出香味就得。
  • 爆炒羊肉:洋蔥切片、生薑切絲、辣椒切塊、大蒜切片、香菜切段備用,起鍋熱油,然後依次放入薑、蒜同羊肉卷,等羊肉卷炒勻後放入洋蔥片繼續翻炒,之後依次放入料酒、糖、辣椒、老抽同生抽,最後放入香菜炒勻就得。
  • 神仙貓筍:起鍋熱油,然後放入臘肉煸炒,之後放入薑、蒜繼續煸炒,再放入竹筍繼續煸炒,最後依次放入白糖、辣椒粉、適量生抽,炒勻就得。
  • 椰子雞[e]
  • 香辣鴨:熱鍋倒油,然後依次放入生薑、八角、桂皮同花椒煸炒,之後倒入備好嘅鴨肉翻炒,再依次加入冰糖、紅麴米水同剁辣椒,收汁後放少少青蒜炒勻就得。
  • 神仙豆腐:將備好嘅神仙豆腐切細塊後淋蒜蓉辣醬並灑埋香菜點綴就得。
  • 彩虹灌湯包:將碎肉同皮凍撈勻後備用,然後分別將紅麴米汁同蔬菜汁倒入麪團,將紅麴米同蔬菜麪團揉搓混合後切開,之後將麪團擀做麪皮,將肉餡裹落麪皮入面,最後上蒸籠蒸6分鐘就得。
  • 曉明牛肉羹:鍋入面加大量水,然後依次放入少量蒜、當歸同乾辣椒熬湯底,之後加入牛肉並加入水澱粉勾芡,最後反覆撈起牛肉持續敲打並熬煮出香味就得。
  • 絲瓜炒蛋:起鍋熱油,然後放入絲瓜翻炒,等絲瓜炒至變色後將絲瓜放至一旁倒油翻炒雞蛋,等雞蛋炒熟後將絲瓜同雞蛋融合並炒勻,最後加適量鹽快速清炒至熟就得。
  • 千膠百梅:鍋入面加大量水,然後依次放入楊梅同冰糖熬煮,之後倒入洗淨嘅桃膠繼續熬煮,最後加少少薑末並用水澱粉勾芡就得。
  • 老尹的秘製雞翅:喺雞翅中入面依次放入洋蔥丁、蒜泥、蠔油、生抽、番茄醬、色拉油、孜然粉、蜂蜜同檸檬汽水,將雞翅按摩30分鐘後冚保鮮膜放落冰箱入面醃1晚,最後將醃好嘅雞翅放落烤箱或空氣炸鍋入面烤至熟透就得。
  • 乾鍋醉鵝:起鍋熱油,然後依次放入薑片同香料爆香,之後將切好嘅鵝肉落鍋簡單翻炒,冚煲蓋直至鵝肉燜熟後加入乾辣椒、冰糖、醬油繼續翻炒,等鵝肉炒至金黃後加入辣椒粉同啤酒繼續翻炒,最後倒水冚煲蓋直至鵝肉燜入味後翻炒收汁就得。
  • 滷味鴨雜:起鍋熱油,然後依次放入青椒、洋蔥翻炒,之後依次放入蒜末、薑絲爆炒,再放入滷好嘅鴨雜,最後依次加入醬油、小米辣、生抽,炒勻就得。
  • 醋溜白菜:起鍋熱油,然後依次放入少量生薑、胡椒、辣椒爆香,之後倒入白菜翻炒,最後依次加入少量糖、少量鹽、適量陳醋,翻炒出香味就得。
  • 香芋扣鴨:分別滷鴨肉[f]同芋頭[g],將鴨切塊裝碗,然後將芋頭鋪喺鴨上,最後淋滷汁上蒸箱高溫蒸1個鐘就得。
  • 肉末淮山:豬肉剁碎後放落鍋入面加油煸炒,然後放入薑末繼續煸炒,之後依次放入番茄醬、生抽、白糖、胡椒粉,炒勻後撈出備用,再將淮山洗淨去皮並滾刀切塊後裝碟備用,最後將肉末淋落淮山塊上,高溫蒸15分鐘就得。
  • 怪味西瓜酥:將蒜、香菜、黃油、洋蔥、辣椒粉依次放落破壁機入面打至糊狀後撈出[h],喺怪味糊入面加蛋液並撈勻,然後將西瓜條依次裹落怪味糊同麪包糠,落油鍋炸至金黃就得。
  • 油炸粉紅奶凍:將西瓜汁同牛奶按比例融合,然後加入150g澱粉,並將調好嘅料放落火上加熱撈勻,小火加熱至糊狀後撈出,之後將奶凍鋪平並放落冰箱入面冷凍1晚後取出,將奶凍切條並依次裹落麪粉、蛋液同麪包糠,落油鍋炸至金黃就得。
  • 魔法森林:將西瓜汁放落火上煮熱,然後加入芝士慢煮撈勻,令芝士同西瓜汁充分融合,之後將西瓜汁倒落杯入面並將西瓜汁放落冰箱入面冷凍至定型後取出,喺西瓜汁入面加薄荷葉點綴,再另起新鍋將牛奶煮滾後倒落碗入面,將杯倒扣喺碗入面,利用氣壓原理將牛奶吸入杯口,繼續放落冰箱入面冷凍至定型後取出,最後用廚房紙擦淨周圍碎冰並灑埋糖果點綴就得。
  • 天湖酥肉:山藥切塊後打做汁並倒落麪粉入面,然後依次加入糖、鹽、雞精、紅麴米水、胡椒粉,之後倒落西瓜汁並放入肉條撈勻,最後將肉條落油鍋炸至鮮紅就得。
  • 中餐廳的夏天:將揉好嘅竹炭麪團壓至薄片狀,然後將切好嘅薄片擀大並放入餡料後做出天鵝狀,之後將天鵝身體落油鍋炸至酥層分明後撈出,再用剩返嘅面料做出天鵝頸,並將天鵝頸同天鵝身體連接,用紅麴粉同蛋白霜點綴出天鵝特徵,之後用工具壓出荷葉紋路,再用剪刀剪出荷花花瓣並塑形,用糯米團捏出天鵝崽嘅形狀,並用色素筆點綴細節,將抹茶粉同白涼粉混合熬煮後倒落碟入面冷卻定型,最後將蒸好嘅天鵝、天鵝崽、荷葉同荷花依次放落碟入面就得。
  • 辣味牛雜:起鍋熱油,然後依次放入八角、桂皮、豆瓣醬、乾辣椒爆香,之後依次加入生抽、鹽、料酒炒勻,加水倒入牛雜並加入香料粉同薑絲,等牛雜燉至熟透微爛後倒落容器入面儲存,最後分裝至乾鍋入面並灑埋青蒜點綴就得。
  • 蔥香芋絲:起鍋熱油,然後倒入肉末翻炒,之後依次加入蒜末、豆瓣醬、剁辣椒、紅油煸炒至熟後澆落芋絲上,將肉醬同芋絲上蒸箱蒸15分鐘後取出,最後灑埋蔥花點綴並澆落滾油激香就得。
  • 西瓜撞奶:西瓜切塊後放落破壁機入面打碎並撇走浮沫,然後將西瓜汁倒落鍋入面,加入白涼粉167g、水5L[i],順時針撈勻,小火加熱後將西瓜汁分裝入杯,用保鮮膜覆蓋並放落冰箱入面,等西瓜汁凝固至果凍狀後取出,最後將牛奶倒落西瓜凍入面就得。
  • 番茄炒蛋
  • 雞腿飯:將雞肉切花刀灑埋胡椒粉,然後拍打雞肉表面令佢充分入味,之後用刀背拍斷雞肉筋絡,灑埋澱粉並抹勻,將處理好嘅雞肉落鍋煮熟後撈出,再將煮熟嘅雞肉落油鍋並灑埋秘製醬料煎至兩面焦黃後撈出,最後將剩返嘅醬汁淋落雞肉上,並將雞肉鋪喺蛋炒飯上就得。
  • 腿菇滑肉
  • 鐵板鴻運
  • 閃閃發光的中式麪點
  • 吉慶有餘:將鯽魚處理乾淨後剪除魚鰭備用,然後用薑片、蔥花、蒜末、老抽、料酒、醋、少少糖調製紅燒汁,起鍋熱油,之後將鯽魚煎至兩面金黃[j],再將多餘嘅油倒出,並將紅燒汁倒落鍋入面,大火收汁5分鐘就得。

中餐廳員工餐食譜同教學[編輯]

  • 西瓜皮炒牛肉:牛肉、西瓜皮焯水後撈出備用,然後依次加入鹽、味精、雞精等調料,起鍋熱油,然後依次放入牛肉、西瓜皮、芹菜翻炒,之後依次放入薑絲同枸杞,翻炒出香味就得。
  • 醉雞:蔥、薑、整雞焯水後撈出,然後依次放入花椒、薑絲、雞精同料酒醃入味,密封後放落冰箱入面冷藏至入味就得。
  • 酸辣雞雜:雞雜切碎,然後依次放入鹽、味精、雞精、蠔油等調料醃入味,起鍋熱油,然後依次放入蒜、小米辣、泡椒煸炒,之後放入醃好嘅雞雜翻炒,再依次加入醬油、麻油同乾紅辣椒,翻炒出香味就得。
  • 蘿蔔豆腐魚湯:豆腐切塊、小蔥打結、白蘿蔔切絲備用,起鍋熱油,然後將魚煎熟,之後依次放入薑、蒜、水、豆腐同蘿蔔絲,煮滾就得。
  • 愛心卷餅:蔥切末、雞蛋打散、火腿切片備用,喺雞蛋入面倒落牛奶,然後將蔥末同火腿片放落雞蛋入面,之後將雞蛋倒落油鍋入面攤至兩面金黃後撈出,最後將雞蛋放落薄餅入面並將薄餅捲起就得。
  • 魷魚番茄湯
  • 章式蛋炒飯
  • 番茄牛尾湯:番茄同洋蔥炒至軟爛後撈出放落牛尾湯入面,小火燉煮2個鐘就得。
  • 蛋炒蛋:雞蛋打散後倒落油鍋入面用筷子撈勻,然後加少少鹽同蔥段,翻炒至熟透就得。
  • 雙椒牛肉:起鍋熱油,然後放入醃好嘅牛肉翻炒,等牛肉炒至7分熟後撈出備用,之後另起新鍋並放入青紅椒同洋蔥翻炒,再將牛肉落鍋同配菜一齊翻炒,最後加少少生抽撈勻就得。
  • 蘿蔔絲魚湯[k]
  • 章媽媽的炒藕片
  • 米餅
  • 珍珠丸子
  • 減脂蔬菜餅:包菜、胡蘿蔔切絲備用,喺蔬菜入面加適量鹽、少量麪粉同胡椒粉,然後將蔬菜同麪粉撈勻並鋪落電餅鐺入面煎烤,之後喺蔬菜餅嘅正中打顆雞蛋,等雞蛋煎熟後將雞蛋擺落蔬菜餅旁,最後淋番茄醬就得。
  • 活力蔬果汁:將葡萄、西瓜、蘋果、苦瓜、香蕉同胡蘿蔔放落破壁機入面,然後喺破壁機入面加400ml水,最後冚蓋設定2分鐘就得。
  • 牛油果三明治:將黃油放落鍋入面加熱至融化,然後將吐司煎至兩面金黃後撈出備用,挖1匙牛油果均勻抹落吐司上並鋪1片芝士,之後將雞蛋煎至兩面焦香,最後依次鋪落煎蛋、金槍魚同牛油果就得。
  • 魚湯:起鍋熱油,然後將魚倒落鍋入面,最後依次放入白蘿蔔、適量水同小米辣,熬煮出香味就得。
  • 醉紅顏:鍋入面放大量油,等油燒熱後將土豆丸落油鍋炸至兩面金黃後撈出備用,然後另起新鍋倒入調好嘅醬料並放入炸好嘅土豆丸,炒勻就得。
  • 清炒白菜:起鍋熱油,然後倒入白菜翻炒,最後依次放入少量生薑末、0.5匙糖、0.5匙鹽,炒勻就得。
  • 香拌牛腱:將提前滷好嘅牛肉切薄片,然後依次加入適量小米辣、蒜末、鹽、糖、香油調味,最後放入大量香菜撈勻就得。
  • 香酥金蟬:金蟬洗淨後落鍋油炸至熟後撈出,最後灑埋蔥末點綴就得。
  • 辣椒豆豉蝦米
  • 苦瓜炒肉片

中餐廳親子課堂食譜同教學[編輯]

  • 小兔子糯米團[l]:先加50g熱水調做麪絮狀後再加入70g冷水揉做麪團,然後取部分麪團同紅麴粉混合後備用,之後取適量豆沙同麪團揉做球狀,再將豆沙餡料裹落麪團入面,收口搓尖,整體呈水滴狀,之後用剪刀將尖頭剪做兩半,再將尖頭向上推,整理做兔耳狀,取少量紅色麪團點綴兔耳同兔眼,最後上鍋蒸5分鐘就得。
  • 冠頂餃:將麪皮擀做麪餅並抹落麪粉,然後將麪皮折做三角形,加入適量肉餡並將麪皮沿角對折,之後將蒸餃嘅3個邊緣捏出花邊並將花邊翻出,最後用胡蘿蔔丁收尾裝飾並上鍋蒸熟就得。
  • 玫瑰山藥糕:取適量山藥團揉做細團,然後將紅豆沙餡揉做圓球放落備好嘅山藥團入面,最後用模具將山藥團按壓出型就得。
  • 土豆塔:將煮熟嘅土豆搗碎,然後將土豆泥過篩令佢口感更加細膩潤滑,最後用裱裝袋將土豆泥擠落紙杯入面,灑埋午餐肉同煙肉粒點綴就得。

中餐廳料理定價[編輯]

前菜[編輯]

  • 醬香蘿蔔:¥8
  • 湘滬黃瓜條:¥8
  • 花生米:¥10
  • 梅汁花生:¥8

主菜[編輯]

  • 湘味碎雞:¥58
  • 農農的沙茶滑肉:¥58
  • 章媽媽的芹菜牛肉:¥58
  • 臘味合蒸:¥58
  • 時令蔬菜:¥18
  • 海陸空大拼盤[m]:¥98
  • 燒雞公:¥168
  • 神仙豆腐:¥28
  • 爆炒羊肉:¥68
  • 乾鍋醉鵝:¥168
  • 滷味鴨雜:¥38
  • 老尹的秘製雞翅:¥68
  • 醋溜白菜:¥18
  • 肉末淮山:¥38
  • 香芋扣鴨:¥88
  • 乾鍋牛肚:¥88
  • 香拌牛腱:¥88
  • 腿菇滑肉:¥38
  • 鐵板鴻運:¥168
  • 蔡國慶365套餐[n]:¥365

湯羹[編輯]

  • 海菇翡翠湯:¥28
  • 曉明牛肉羹:¥58

主食[編輯]

  • 雲朵小饅頭:¥16
  • 米飯:¥3
  • 香酥土豆餅:¥12

甜品[編輯]

  • 可愛舌頭餅:¥8
  • 熊貓寶石:¥12
  • 臻濃奶滑:¥12
  • 千膠百梅:¥12
  • 中餐廳的夏天:¥68

飲料[編輯]

  • 臻濃牛奶[o]:¥3.5
  • 臻濃高鈣牛奶:¥3.6
  • 可口可樂:¥3
  • 抹茶拿鐵:¥18
  • 西瓜牛奶冰沙:¥16

親子互動環節[編輯]

  • 小羊親子體驗—麪點[p]:¥80

收視率[編輯]

Flag of the People's Republic of China.svg 中國大陸 湖南衛視 首播收視率
集數 播出日期 CSM63 CCData 備註
收視率 收視份額 排名 收視率 收視份額 排名
1 2022年8月12號 1.376 11.60 5 1.52 4.93 1
2 2022年8月19號 1.643 13.50 5 1.54 4.94 1
3 2022年8月26號 1.568 12.39 5 1.48 4.68 1 江蘇《閃閃發光的你·投行季》完結
4 2022年9月2號 2.044 17.52 3 1.28 3.78 2
5 2022年9月9號 1.181 10.49 6 1.47 4.41 2
6 2022年9月16號 1.769 15.82 2 1.54 4.75 2
7 2022年9月23號 1.828 17.01 2 1.82 5.65 2
8 2022年9月30號 2.153 16.85 3 1.52 4.4 2 浙江《「食」萬八千里》完結
2022年10月7號-10月21號 因頻道特殊編排,暫停播映
9 2022年10月28號 1.634 13.68 4 1.13 3.5 2
10 2022年11月4號 1.944 16.40 2 1.26 3.9 1 浙江《誰是鼎廚》開播
11 2022年11月11號 1.981 16.42 2 1.26 3.9 2
12 2222年11月18號 1.30 4.1 2
  1. 同時段或交叉時段主要節目:
  2. 以上收視排名唔包括央視在內。
  3. CSM63城市網數據由央視索福瑞提供,CCData數據由中科網聯提供,調查範圍係四歲以上觀眾。
  4. 資料來源:衛視這些事兒衛視小露電TV未知數
  5. 排名係星期五夜晚所有綜藝節目嘅排名,並唔一定係同一時段。

[編輯]

  1. 配料:麪粉100g、澱粉30g、糖粉65g、泡打粉4g、牛奶100g、油脂20g。
  2. 雞腿肉製作步驟:剔骨、分肉、改刀並打散雞肉纖維,然後依次加入蒜、半隻洋蔥、豉油、料酒、番茄醬、檸檬水、蠔油、黑胡椒,撈勻入味後用保鮮膜密封備用。
  3. 掌中寶製作步驟:加入雞精、孜然粉、味精、糖、鹽。撈勻入味後備用。
  4. 抹茶粉同奶油撈勻後口感更佳。
  5. 詳情睇第五季一覽
  6. 滷鴨製作步驟:將鴨拔毛洗淨後焯水備用,然後將準備好嘅滷水倒落鍋入面,喺鍋入面依次放入孜然粉、鹽、雞精,之後另起新鍋加適量紅米並加水煮滾,最後將焯過水嘅鴨放落滷水鍋入面,並將煮好嘅紅米水淋落鴨上,等鴨煮熟後撈出備用。
  7. 芋頭製作步驟:芋頭切塊後放落滷水鍋入面煮熟後撈出備用。
  8. 喺中間可適當加水稀釋。
  9. 白涼粉同水嘅比例係1:30。
  10. 中間可傾斜鍋底令魚煎炸充分。
  11. 詳情睇第五季一覽
  12. 配料:糯米粉180g、澱粉20g、糖粉20g。
  13. 掌中寶5串(¥25)、雞腿1隻(¥15)、雞翅2串(¥30)、魷魚1份(¥30),贈送可口可樂1聽。
  14. 吉慶有餘、鐵板鴻運、閃閃發光的中式麪點、蔡國慶專輯、可口可樂2聽。
  15. 每枱前2盒牛奶為免費提供。
  16. 互動體驗時間為每日下晝3點—4點,嗰日下晝2點之前確定是否參加活動,6歲以上細路仔單獨參加,6歲以下可一位家長陪同參加。

參考[編輯]

  1. 曉明餐廳6季造形曝光 年王子病發作?. (香港中文). 2022-07-11. 原先內容歸檔喺2022-08-03. 喺2022-08-03搵到.
  2. 王軼斐 (2022-07-29). 餐廳六季官宣 黃曉明殷桃聯手開子餐廳 (中國中文). 每日新報. 原先內容歸檔喺2022-08-03. 喺2022-08-03搵到.
  3. 胡玥姣, 編 (2022-11-21). 餐廳6滿收官 黃曉明手寫長信溫情告別. (中國中文). 原先內容歸檔喺2022-11-24. 喺2022-11-24搵到.