中餐廳

出自維基百科,自由嘅百科全書
跳去: 定向搵嘢
中餐廳
Chinese Restaurant
《中餐廳》片頭
《中餐廳》片頭
別名 青春合夥人
類型 真人騷
格式 綜藝
總導演 王恬
主演 《中餐廳》參加人物
國家/地區  中國大陸
語言 普通話
字幕 簡體中文
集數 11
每集長度 90分鐘
主題曲 《中餐廳》[1]
作曲 涂逸
填詞 孟驍
主唱 趙薇、黃曉明
製作
拍攝/製作年份 2017年
出品人 呂煥斌
總監製 張華立、丁誠
監製 周雄
拍攝地點 Flag of Thailand.svg 泰國
機位 多機位
製作公司 HBS
播映
首播頻道 湖南衛視
圖像制式 SDTV 576i
HDTV 1080i
聲音制式 立體聲
播出日期 2017年7月22號 (2017-07-22)-9月30號 (2017-09-30)
播出時間 逢星期六 22:00—24:00
相關節目
相關節目 尹食堂
中餐廳老友記[a]
出面網頁
IMDb 介紹

《中餐廳》粵拼zung1 caan1 teng1簡化字中餐厅英文Chinese Restaurant),原名《青春合夥人》,係中國大陸湖南衛視推出嘅一檔明星經營類美食真人騷節目。目的係透過講述5位藝人利用20日嘅時間喺外國搞間海邊中餐廳嘅經歷古仔,向世界弘揚中華美食文化。《中餐廳》由製作過《透鮮滴星期天》嘅製作人王恬同佢團隊打造,重由整過2季《花兒與少年》嘅製作人——陳歆宇同佢團隊一齊整[2],節目喺2017年7月1號開始喺泰國錄製,2017年7月22號開始逢星期六夜晚10點接檔《我想和你唱》第二季播出。

芒果TV喺2017年8月2號開始逢星期日、星期一中午12點為付費用戶提供節目嘅伴隨紀錄片《中餐廳老友記》[b][a],去畀用戶隨時點播收看。紀錄片嘅內容主要包括節目入面嘅未播片段同精彩花絮。

節目成員[編輯]

姓名 生日 職業 初始角色定位
Flag of the People's Republic of China.svg 趙薇 (1976-03-12)1976年3月12號 演員、歌手、導演 波士
Flag of the People's Republic of China.svg 黃曉明 (1977-11-13)1977年11月13號 演員、歌手 經理
Flag of the People's Republic of China.svg 張亮 (1982-03-26)1982年3月26號 模特、演員 主廚
Flag of the People's Republic of China.svg 周冬雨 (1992-01-31)1992年1月31號 演員 服務生
Flag of the People's Republic of China.svg 靳夢佳 (1993-06-05)1993年6月5號 主持人 洗碗工

節目內容[編輯]

分集介紹[編輯]

主題 原播出日期
1
準備日
2017年7月22號 (2017-07-22)
5位藝人分別從各自所在城市出發,抵達喺象島嘅住處集結,並接收節目組提供嘅零用錢同啟動資金。然後抵達餐館所在地,喺分別展示各自所帶物品之後開始進行餐館開業之前嘅籌備工作,包括買食材同雜物、定菜、試菜同埋幫菜品定價。
2
我們開業了
2017年7月29號 (2017-07-29)
中餐廳開業首日,共計收入7830泰銖。
3
四個人的餐廳
2017年8月5號 (2017-08-05)
周冬雨因參加《快樂大本營》二十周年盛典錄製,向店長趙薇請假3日,剩返4人喺人手唔夠嘅情況下艱難完成咗兩日嘅營業。
4
我們的老師
2017年8月12號 (2017-08-12)
中餐廳開業第4日,迎嚟神秘嘉賓崔新琴老師(北京電影學院教授,趙薇同黃曉明嘅大學班主任),後面兩日嘅營業喺崔老師嘅幫助下好有條理咁進行緊。周冬雨喺開業第5日正式歸隊,為送別崔老師同歡迎周冬雨歸來,大家決定喺嗰晚搞場火鍋宴。主廚張亮喺幫周冬雨搬運行李嘅過程入面唔小心跌落樓梯,令中餐廳陷入關門危機……
5
離別即是相遇
2017年8月19號 (2017-08-19)
喺歡送崔老師離去之後,中餐廳進入到第8日嘅營業,新菜品嘅推出令中餐廳煥然一新。泰國人氣偶像Mike英文Golf & MikeHongyok泰文พรพรรณ ฤกษ์อัตการ同Boat大駕光臨,3人喺泰國嘅超高人氣令中餐廳嘅客流量激增。為多謝3人對中餐廳嘅營業所做嘅幫助,大家決定喺嗰晚搞場火鍋宴,並體驗泰國傳統美食。截至開業第8晚,中餐廳已累計收入44000泰銖。
6
中餐廳的新主廚
2017年8月26號 (2017-08-26)
主廚張亮因勞累過度突發心肌炎,喺開業第9日退居二線,改做後廚總指揮。其他4位經營合夥人全員出動,一齊下廚幫張亮分擔。喺張亮嘅指導同幫助下,後廚嘅工作有條理咁進行緊。截至開業第9晚,中餐廳已累計收入50460泰銖。為令大家能喺過度勞累之後得到一次較為全面嘅身心放鬆,大家決定喺開業第10日休假一日。呢日下晝,中餐廳召開全體會議。會上,店長趙薇宣佈,為令全體經營合夥人全面發展同分擔主廚嘅壓力,剩返嘅10日時間入面將實行主廚輪換制,即每兩日更換一次主廚,並決定由周冬雨做中餐廳嘅第一任輪值主廚,初學乍練嘅周冬雨正式開啟新篇章……
7
小黃鴨蛻變記
2017年9月2號 (2017-09-02)
中餐廳迎嚟第一任輪值主廚周冬雨,前任主廚張亮同周冬雨換崗,去吧檯工作。喺周冬雨做主廚嘅兩日時間入面,去中餐廳就餐嘅中國顧客都覺得周冬雨嘅手藝好好。開業第12日,中餐廳迎嚟周冬雨就任主廚後嘅首批外國顧客,新任主廚周冬雨由於對中外口味差異嘅瞭解唔夠,導致中餐廳出現自開業以嚟首次有顧客對菜品唔滿意嘅現象。儘管過程充滿挑戰,但周冬雨依舊喺蛻變入面成長,圓滿完成咗兩日嘅輪值主廚任務,攞到較好嘅營業額。之後,黃曉明將從周冬雨嘅手中接過輪值主廚嘅位置。
8
黃曉明的主廚日
2017年9月9號 (2017-09-09)
中餐廳迎嚟第二任輪值主廚黃曉明,主打「火鍋+燒烤」嘅經營模式。開業第13晚,中餐廳全場座滿,但一場突如其來嘅暴風雨打亂咗黃曉明原本嘅經營計劃,黃曉明無奈以一場歌友會化解呢次尷尬。開業第14日,5位經營合夥人決定去漁村買食材。一番比較之後,大家最終決定返去超市買食材。嗰晚,象島依舊陰雨唔斷。天色已黑,就當中餐廳將要攞唔到任何收穫嘅時候,第一桌客人嚟到中餐廳就餐,很快中餐廳就全場座滿,並攞咗13000泰銖嘅單日收入,為黃曉明嘅主廚工作劃上句號。喺黃曉明做主廚嘅兩日時間入面,去中餐廳就餐嘅都係中國遊客,黃曉明推出嘅火鍋同中式燒烤大受好評,中餐廳亦創下單桌最高收入(6800泰銖)嘅紀錄。之後,趙薇將從黃曉明嘅手中接過輪值主廚嘅位置,而黃曉明就要接替趙薇做代理店長。
9
不好吃,就免費!
2017年9月16號 (2017-09-16)
中餐廳迎嚟第三任輪值主廚趙薇,適逢閣倉縣縣長到訪就餐,5位經營合夥人喺慌亂入面開始一日嘅營業。嗰晚,代理店長黃曉明同後廚總指揮張亮分別推出「不好吃就免費」同「先嘗後買」嘅營銷策略,並攞到唔小嘅收穫。營業結束後,中餐廳召開全體會議。會上,店長趙薇宣佈,中餐廳將會喺開業第20日搞場答謝宴,屆時將會邀請所有為中餐廳嘅營業提供過幫助嘅人到餐廳就餐。店長趙薇重喺會上宣佈咗最後5日嘅工作安排,後面一日嘅時間入面將繼續由黃曉明做代理店長,而之後全體經營合夥人將會休假兩日,並將喺休假結束後準備最後一日嘅答謝宴。短暫休息過後,中餐廳迎嚟正式營業嘅最後一日。嗰日清晨,店長趙薇臨時宣佈嗰日嘅主廚將由靳夢佳擔任。喺5位經營合夥人嘅通力合作下,最後一日嘅營業圓滿結束。喺正式營業嘅16日時間入面,中餐廳共實現淨收入250泰銖。
10
我們的航海日
2017年9月23號 (2017-09-23)
16日嘅經營時光終於完咗,五位經營合夥人迎嚟短暫嘅休息日。點知天有不測風雲,一場突如其來嘅暴風雨打亂咗合夥人原本嘅度假計劃,黃曉明無奈將原定第一日嘅出海計劃推遲到第二日。休假第一日,由於天氣條件限制,大家淨得騎電單車遊走街頭。儘管途中狀況唔停,但大家重係喺閒適入面度過咗一日嘅時光。第二日,天氣逐漸放晴,五位經營合夥人嘅出海計劃終於如願以償,大家先後體驗咗海釣同皮划艇兩個項目。短暫休息過後,大家開始為最後一日嘅答謝宴做準備。
11
中餐廳答謝宴
2017年9月30號 (2017-09-30)
離別嘅時刻就快到,五位經營合夥人正為答謝宴做最後嘅準備工作,點知店長趙薇唔小心煮燶咗例湯,其他工作依舊一切順利,但呢場冇例湯嘅答謝宴註定會喺趙薇心中留下一點遺憾。一切準備就緒後,答謝宴喺夜晚7點如期舉行,大家喺歡笑同不捨之中度過咗中餐廳嘅最後一晚。喺送走所有來賓後,五位經營合夥人每人喺餐廳入面揀咗一件自己要帶走嘅物品,然後離開咗共同奮戰過20日嘅中餐廳,返去各自嘅工作崗位。兩個月後,節目組對五位經營合夥人進行咗回訪,並送畀佢哋一人一本回憶相冊,作為參加節目嘅紀念。

中餐廳料理食譜同教學[編輯]

  • 砂鍋魚頭:蔥蒜喺熱油鍋底層爆香,然後喺蔥蒜上層鋪滿塊狀新鮮魚頭,冚煲蓋大火煲製,然後關小火慢燉,出鍋前加香菜點綴。
  • 紅燒魚:倒油入鍋,煎魚,勾火顛鍋,然後倒入料酒爆香。
  • 回鍋肉:放入生薑片去除肉腥味,再將肉放入滾水烹煮,等30分鐘。加入豆瓣醬同啱啱煮好嘅肉,然後倒入配菜翻炒,透過菜色判斷完成程度。
  • 檸檬蜂蜜水:將清洗乾淨嘅檸檬切成薄片,然後將檸檬薄片放入樽,放入蜜糖醃製,搖勻令佢完全浸潤。
  • 花膠海底椰養顏湯:將海底椰、銀耳、淮山片、枸杞等湯料加入滾水,持續燉煮。
  • 宮保雞丁:將去皮嘅雞胸肉切成1cm左右嘅雞丁。加入料酒、生抽同澱粉撈勻,醃製10—15分鐘。熱鍋冷油,加入乾辣椒、薑絲、蒜片同蔥段爆香,熗鍋後放落切好嘅雞丁,將雞肉炒至金黃,依次加入辣椒、黃瓜、花生翻炒,然後勾芡。
  • 芹菜炒雞蛋:芹菜切段,將雞蛋撈勻,喺熱油鍋入面將雞蛋攤成餅狀,等雞蛋成形後加入芹菜翻炒,3分鐘後就能出鍋。
  • 棉花糖:預熱3分鐘後關閉機器,然後倒入專用砂糖,再打開機器。將竹籤一端掰出弧度,然後等住出絲。
  • 水煮牛肉:將牛柳切做薄片,然後加入1個蛋清,1勺澱粉。將油鍋燒熱,加入一半蔥薑蒜末爆香,加入泡椒、青花椒炒香,加入郫縣豆瓣醬炒出紅油。加入清水或者高湯1大碗,煮開後加少少老抽,1勺料酒,適量鹽調味。然後將青菜放落鍋燙熟,燙好之後撈出備用。將火開到最大,將牛肉片放落紅湯,直到牛肉全部發白就得。
  • 菠蘿咕咾肉:去肉皮,然後加入料酒同鹽醃製,之後將肉用澱粉包住。彩椒清洗備好,切滾刀塊。菠蘿清洗後切塊備用。肉球過油煎,炸至金黃後瀝乾撈出。鍋入面放少少油,倒入番茄醬,放入洗好嘅彩椒段,然後放入煎過嘅肉球煸炒,最後放入菠蘿塊翻炒後就能出鍋。
  • 糖醋排骨:將小排焯水,然後煮30分鐘。加入料酒、生抽、老抽同香醋醃製20分鐘後入油鍋,炸至金黃色撈出。加入蔥花、蒜末、番茄醬,加入適量白糖撈勻,倒入炸好嘅排骨,加入彩椒翻炒。
  • 香辣蝦:鍋入面倒少少油,放入花椒烹出香味。放入薑片、蒜瓣、乾辣椒爆香,再放入郫縣豆瓣醬炒香。放入蝦翻炒,直到蝦變做紅色。倒入醬油、料酒同糖,再放入少少水翻炒入味。最後放入蔥段,慢慢收湯汁,然後淋上香油就得。
  • 每日例湯(第2日):汆肉,然後將胡蘿蔔同玉米清洗乾淨切做細塊,水煮滾後加入銀耳、香料同菜片,加胡蘿蔔同玉米,最後加入汆過嘅肉,持續燉煮。
  • 海蠣煎蛋:雞蛋打散後備用。將用料酒、少少食鹽同胡椒粉醃過嘅海蠣下落油鍋入面,並用小火煸製。然後放入雞蛋液繼續煎,待表面雞蛋凝固後再翻面煎,兩面全熟後就可以上碟。
  • 番茄炒蛋:雞蛋打散,番茄去蒂,蔥薑切碎備用。將雞蛋倒落油鍋,翻炒至半熟撈出。將蔥薑爆炒出香味後加入備好嘅番茄,加少少醋、鹽同糖,等番茄出汁後放入雞蛋繼續翻炒。
  • 茄汁大蝦:將香菜、薑絲放落平鋪過油嘅鍋入面煸香,然後將蝦放落鍋入面,分別將佢兩面煎變色,加入適量食鹽調味,喺鍋入面加入少少番茄醬同白糖,之後加入少少清水,翻炒啲蝦,等酸甜醬包冚嗮啲蝦就得。
  • 五花茶:放入菊花、金銀花、羅漢果、甘草,清水煮滾,小火5分鐘就得。
  • 手工水餃:首先將韭菜洗淨,晾乾水分,切做末。然後喺韭菜入面加入鹽,撈勻,再分別將蝦仁、韭菜同肉餡撈勻。麪粉鋪滿砧板,開始包製,然後落鍋煮。
  • 拍黃瓜:將備好嘅黃瓜切去兩頭,用刀背拍散,切成段。再將蒜拍散,切成末。將黃瓜同蒜末放落碗入面,加入一勺糖、半勺鹽、一勺辣椒油,放入醋、味精同少少香油,撈勻就可以上碟。
  • 大蔥炒雞蛋:將大蔥斜刀切成小段備用,再將雞蛋打散,加鹽撈勻。然後將切好嘅蔥放落雞蛋入面撈。最後將雞蛋倒落鍋入面,炒勻就可以上碟。
  • 豆瓣雞:雞腿肉加糖、鹽、醬油、料酒拌好備用,將半碗水、兩大勺澱粉、一隻雞蛋撈勻成糊狀,將醃好嘅雞腿肉用蛋麪糊裹住,熱油燒滾後將雞腿肉下鍋炸製,之後將雞肉撈散,炸至金黃後撈出瀝乾。低温下油,香料熗鍋,將蔥薑蒜末同香料撈熟,喺鍋入面放一勺豆瓣醬,再將油炸後嘅雞腿肉下落鍋入面,炒熟就可以上碟。
  • 豆瓣蝦:下同豆瓣雞一樣嘅底料,加入豆瓣醬同已經炸好嘅大蝦,炒熟就可以上碟。
  • 滷水:準備香料包[c]。然後用蔥薑蒜爆香,製作滷水底油,再將蔥薑蒜撈出。往底油入面加冰糖、醬油同料酒,再將炒好嘅底料倒落醬汁入面,不停撈,令調料嘅香味充分融合。再加入一鍋水,放入香料包,倒入2/3瓶啤酒。喺滷水入面加入各類食物熬製兩個鐘以上就可成各式滷味。
  • 狸貓換太子(紅燒蝸牛):首先將蝸牛洗淨。然後調製肉餡,先將豆腐捏碎,令肉餡同豆腐充分混合,再放入鹽、白糖、醬油調味。將調好嘅肉餡塞落蝸牛殼,再將裝滿肉餡嘅蝸牛放落蒸鍋。之後調製紅燒汁[d],再放入煮熟嘅蝸牛肉,同包有肉餡嘅蝸牛殼一齊紅燒。
  • 餛飩:攤開麪皮,放入肉餡,再將餛飩皮沿對角線對摺,蘸水增加黏性後捏緊。
  • 鴛鴦火鍋湯底[e]
    • 清湯湯底:加入排骨、茶樹菇、響螺、枸杞等食材開大火煮熟,水開後轉小火熬製。
    • 辣湯湯底:鍋入面加入大量嘅油,放入大量蒜頭、大蔥、生薑、冰糖進行翻炒,再加入四川火鍋底料、朝天椒、腐乳,繼續翻炒,直到火鍋底料融進熱油入面,最後喺炒好嘅料入面加水煮滾就得。
  • 珍珠丸子:首先製作肉餡[f],然後取適量肉餡並搓成球,再將糯米裹落肉餡,擺盤後上蒸鍋蒸製15—20分鐘就得。
  • 豆腐蟹肉沙拉:將蔬菜、日本豆腐、蟹棒、草莓乾洗淨切好,並依次放落備好嘅碗入面,再加入沙拉醬或千島醬就得。
  • 洋蔥炒雞蛋:依次倒入切好嘅洋蔥同炒好嘅雞蛋,炒勻就得。
  • 香辣蟹:將螃蟹洗淨切塊後放落熱油鍋入面,炸至半熟後撈出。然後重新起鍋,依次加入辣椒、薑片、蒜蓉同火鍋底料[g],再放入炸過嘅螃蟹,倒入料酒,炒勻就得。
  • 番茄牛腩:將牛腩切成小塊,進行飛水處理。將生薑切片、蔥切段備好。鍋入面放少少油,放入生薑同蔥段,再放入飛過水嘅牛肉,倒入料酒、醬油,加水後等牛肉熟透,然後將切好嘅番茄放落牛肉湯入面,小火慢燉10—15分鐘,等大火收汁後就可以上碟。
  • 剁椒魚頭:將處理過嘅魚頭均勻抹上料酒同鹽,覆蓋薑片、蔥段、醃製30分鐘。將剁椒、泡椒整齊放落魚頭上面[h],滾水上鍋蒸10分鐘[i],最後撒上蔥花,淋上熱油就得。
  • 蒜蓉粉絲蒸蝦:將剁好嘅蒜蓉放落油鍋入面,加入剁椒、耗油、少少鹽,炒勻。將泡軟嘅粉絲喺盤子上鋪好,再將開背後嘅蝦喺粉絲上擺勻,淋上調好嘅蒜蓉。將淋過蒜蓉嘅蝦放落蒸鍋入面,大火蒸煮8分鐘,再淋上調製好嘅醬汁就得[j]
  • 涼拌青椒皮蛋:將皮蛋剝殼切成四瓣。然後用陳醋同生抽製作調味汁,再加一勺白糖撈勻。將調味汁澆落皮蛋上,再加入薑末、青椒、紅辣椒末、蒜末、蔥末就得。
  • 三杯雞:將雞腿肉切塊,彩椒切段,蒜切段備好。開大火,用麻油爆香薑同蒜,然後放入雞腿肉煸炒。倒入一杯醬油,倒入一杯料酒,再倒入一杯糖水,炒勻。不加水,待醬汁裹落雞肉上,最後放入彩椒點綴就能出鍋。
  • 大紅袍蛋糕:將雞蛋打發至拉出小尾巴,然後依次放入白砂糖、少少鹽、牛奶、色拉油,撈勻。麪粉過篩,倒落碗入面撈勻,然後倒入大紅袍茶水,再將蛋糕坯倒入模具,放入烤箱烤製。待蛋糕烤熟後,裝碟,加上水果點綴就得。
  • 雞蛋肉卷:首先分別製作肉餡[k]同蛋皮[l]。將肉餡喺蛋皮上攤平,然後將其捲起並放落盤入面,覆蓋保鮮膜,放入蒸鍋加熱,蒸熟後切段放落盤入面就得。
  • 芥末蝦球:首先製作醬料[m],然後往鍋入面倒大量油,將大蝦放落油鍋入面,煎炸至表皮酥脆後撈出。然後將炸好嘅蝦球同醬料撈勻,最後放入芒果丁裝盤就得。
  • 香辣海鮮鍋:鍋入面倒少少油,放蒜爆香,然後放入薑片去腥,再放入秘製底料,炒勻後倒入海鮮,然後加入午餐肉,再倒入配菜,炒勻就可以上碟。

中餐廳員工餐食譜同教學[編輯]

  • 暖心麪條:倒入醬油、香油,撈出煮好嘅麪條,然後撈勻。
  • 冬瓜丸子湯:冬瓜去皮、去瓤後切片,拍馬蹄均勻切碎,放落肉末入面增加口感,再撒些許生粉令肉質鮮嫩,再將佢均勻混合,摔打豬肉令佢更筋道。將肉揉搓成小球,然後喺水入面放落幾片薑,將肉丸放落水入面,再加入冬瓜,煮開鍋後2分鐘就可出鍋。
  • 梅菜扣肉:首先將五花肉切片備用,然後喺鍋入面放落少少油、兩粒大料、少少蔥薑,翻炒爆香。將肉片下落鍋入面,煸出豬油後加入少少白砂糖,再倒入適量料酒。將煮梅乾菜嘅湯汁當作醬油,放落肉入面熬煮入味。最後將梅乾菜放落鍋入面,同肉一齊熬煮。
  • 剩菜炒飯:將隔夜嘅剩菜倒落油鍋入面翻炒,再加入剩返嘅米飯繼續翻炒,最後加入辣醬撈勻。
  • 泡椒土豆絲:泡椒、青椒切絲備用,土豆切絲備用。用花椒熗鍋後加入土豆絲,翻炒土豆絲,令花椒香味均勻分佈到每一條土豆絲上。加入醋、醬油、鹽等調味料,加入備好嘅泡椒,炒勻就可以上碟。
  • 香煎紅腸:給紅腸兩側切花刀,然後將香腸放落油鍋香煎,再加入蔥花繼續煎。
  • 冬蔭功湯:首先炒製底料,喺熱油入面加入蒜末,再加入乾辣椒熱炒,趁油熱加入新鮮嘅蝦仁,炒至金黃並入味後撈出。準備燒水,待水煮滾後放入乾料,再加入辣椒粉,放入切好嘅杏鮑菇,加入魚露,再加一個湯塊,最後倒入炒好嘅蝦仁,關小火慢燉。
  • 泡椒鴨血:喺鍋入面加入油、蔥、薑、蒜、冰糖同火鍋底料,炒出香味後加水煮滾,加入鴨血。加一塊豆腐乳撈勻,然後烹製一段時間。
  • 豬血水煮牛肉:首先準備豬血[n],然後將蒜片爆香,再放入豆瓣醬[o],依次放入辣椒、花椒麪、蔥段煎香。然後倒入醬油、醋調味,加入適量水進行烹煮,再加入少少糖同鹽,等水煮滾後放入豬血。待豬血變色後放入備好嘅肥牛,燙煮片刻後盛落碗入面,依次撒上蔥、薑、蒜、辣椒。然後再準備一小鍋油,加熱後淋落肥牛上就得。

中餐廳料理定價[編輯]

單品定價[編輯]

涼菜類[編輯]
  • 小蔥拌豆腐:100泰銖
  • 拍黃瓜:100泰銖
  • 皮蛋豆腐:100泰銖
  • 糖拌西紅柿:100泰銖
  • 老醋花生:100泰銖
  • 豆腐蟹肉沙拉:150泰銖
  • 涼拌黃瓜:75泰銖
  • 涼拌青椒皮蛋:150泰銖
  • 泡椒鳳爪:150泰銖
熱菜類[編輯]
  • 砂鍋魚頭:220泰銖→250泰銖→300泰銖
  • 水煮牛肉:350泰銖→300泰銖→380泰銖
  • 宮保雞丁:280泰銖
  • 回鍋肉:150泰銖→280泰銖
  • 珍珠丸子:350泰銖→300泰銖
  • 筍片肉絲:120泰銖
  • 青椒腐竹肉絲:100泰銖
  • 糖醋排骨:280泰銖→300泰銖
  • 清炒時蔬:75泰銖→150泰銖
  • 茄汁大蝦:380泰銖
  • 海蠣煎蛋:150泰銖→200泰銖
  • 番茄炒蛋:150泰銖
  • 韭黃雞蛋:150泰銖
  • 菠蘿咕咾肉:230泰銖→250泰銖
  • 紅燒魚:300泰銖→380泰銖
  • 青椒肉絲:100泰銖→200泰銖
  • 蒜香排骨:280泰銖
  • 咖喱牛肉:300泰銖
  • 四喜丸子:250泰銖
  • 酸辣土豆絲:150泰銖
  • 蝦仁炒蛋:200泰銖
  • 翡翠蝦仁:380泰銖
  • 大蔥炒雞蛋:150泰銖
  • 豆瓣雞/豆瓣蝦:200泰銖→250泰銖
  • 滷水大全:400泰銖
  • 木耳炒雞蛋:150泰銖
  • 蒜蓉粉絲蒸蝦:380泰銖
  • 香辣蟹:380泰銖
  • 番茄牛腩:300泰銖
  • 洋蔥炒雞蛋:150泰銖
  • 剁椒魚頭:500泰銖
主食類[編輯]
  • 秘製滷肉飯:280泰銖
  • 手工水餃:200泰銖
  • 米飯:25泰銖(細)/75泰銖(大)
湯羹類[編輯]
  • 冬瓜丸子湯:250泰銖
  • 花膠海底椰養顏湯:250泰銖
  • 每日例湯:400泰銖→100泰銖→80泰銖(細)/380泰銖(大)
  • 雪蓮子桂圓銀耳湯:200泰銖
酒水類[編輯]
  • 可樂:30泰銖
  • 雪碧:30泰銖
  • 啤酒:110泰銖
  • 西瓜汁:80泰銖→100泰銖
  • 芒果汁:80泰銖
  • 橙汁:100泰銖
  • 檸檬蜂蜜水:100泰銖
  • 蘇打水:20泰銖
  • 紅白葡萄酒:150泰銖
  • 五花茶:100泰銖
  • 菠蘿汁:80泰銖
  • 葡萄汁:80泰銖
甜品類[編輯]
  • 牛油果沙拉:100泰銖
  • 香蕉花生:100泰銖
火鍋/燒烤類[編輯]
湯底[編輯]
  • 鴛鴦火鍋(響螺茶樹菇湯底/麻辣湯底):350泰銖
配菜[編輯]
  • A(牛肉):300泰銖
  • B(鮮蝦):250泰銖
  • C(魚丸):200泰銖
  • D(蟹棒):150泰銖
  • E(百葉):150泰銖
  • F(午餐肉):150泰銖
  • G(豬紅):150泰銖
  • H(銀雪魚):200泰銖
  • I(豆腐/粉絲):100泰銖
  • J(蔬菜拼盤):150泰銖
  • K(羊排):150泰銖
  • L(雞翅):40泰銖
  • M(羊肉串):25泰銖

套餐定價[編輯]

  • A套餐(宮保雞丁+清炒時蔬+每日例湯+米飯):450泰銖
  • B套餐(茄汁大蝦+清炒時蔬+每日例湯+米飯):500泰銖
  • C套餐(糖醋排骨+清炒時蔬+每日例湯+米飯):450泰銖
  • D套餐(青椒肉絲+清炒時蔬+每日例湯+米飯):350泰銖

中餐廳答謝宴食譜[編輯]

註:以下菜品都係免費供應,刪除線表示呢道菜因不可控原因被取消。

涼菜類
  • 涼拌青椒皮蛋
  • 糖醋黃瓜
熱菜類
  • 清炒時蔬
  • 芥末蝦球
  • 大蔥牛肉雞蛋卷/雞蛋肉卷
  • 番茄牛腩
  • 孜然羊肉
  • 香辣海鮮鍋/麻辣香鍋
  • 紅燒魚
  • 三杯雞/宮保雞丁
主食類
  • 人參果米飯
湯羹類
  • 花膠海底椰養顏湯
酒水類
  • 五花茶
  • 檸檬蜂蜜水
甜品類
  • 大紅袍蛋糕

爭議同迴響[編輯]

周邊產品熱賣[編輯]

趙薇喺第1期節目入面買到嘅一款名叫「午餐肉」嘅培根罐頭喺第1期節目首播幾個鐘就賣嗮[3]

被指抄襲韓綜《尹食堂》[編輯]

《中餐廳》從立項以嚟,就面臨著節目模式同韓國tvN電視台嘅《尹食堂》雷同嘅爭議[4]。對此,《尹食堂》嘅製作人羅䁐錫回應話:「節目模式費唔算太貴。若果佢哋打算買嘅話,我可以畀佢哋幫助」[5][6]。然而由於政策上嘅限制[p],再加上2017年中韓關係因韓國單方面部署戰略性侵略性導彈防禦系統導致嘅全面交流凍結,所以《中餐廳》已冇再向《尹食堂》買版權嘅可能性。

同《尹食堂》嘅區別同聯繫[編輯]

《中餐廳》喺2017年7月22號首播後,觀眾發現,節目同《尹食堂》嘅共同地方喺創意模式,兩個節目都係美食題材真人騷節目,都以「海外餐廳」做概念[q]。喺節目形式同內容等方面,《中餐廳》同《尹食堂》有著較大嘅差異。從整體上睇,《尹食堂》係喺導演嘅干預下開餐廳,節目內容如同做任務般環環相扣;而《中餐廳》就相對自由鬆散,餐廳由5位經營合夥人主導同策劃,主要側重經營。

主題曲[編輯]

《中餐廳》同名主題曲由孟驍作詞,涂逸作曲,趙薇同黃曉明一齊唱,喺節目入面做片尾曲播放,歌曲音訊喺2017年7月25號喺QQ音樂正式上線[1]。另外,由周冬雨主唱嘅另一版《中餐廳》喺周冬雨做輪值主廚嘅第7期節目入面做插曲播放,2017年9月4號喺QQ音樂正式上線[7]

收視率[編輯]

 中國大陸 湖南衛視 首播收視率
集數 播出日期 CSM52 CSM全國網 備註
收視率 收視份額 排名 收視率 收視份額 排名
1 2017年7月22號 1.369 7.31 3 1.36 8.7 1 安徽《我們的征途》開播
2 2017年7月29號 1.486 8.34 2 1.44 9.55 1
3 2017年8月5號 1.351 7.50 1 1.34 8.73 1
4 2017年8月12號 1.353 7.68 1 1.21 8.18 1
5 2017年8月19號 1.544 8.83 1 1.38 9.39 1
6 2017年8月26號 1.531 8.64 2 1.1 7.43 1
7 2017年9月2號 1.129 6.70 3 0.96 7.07 1 東方《旅途的花樣》完結
8 2017年9月9號 1.193 6.94 1 1.06 7.62 1
9 2017年9月16號 1.045 6.30 4 1.09 7.87 1 浙江挑戰者聯盟第三季》完結
北京《生活相對論》開播
10 2017年9月23號 1.049 6.30 6 0.98 7.06 1 東方《青春旅社》播出先導篇
11 2017年9月30號 1.085 6.74 2 1.08 7.81 1
  1. 同時段或交叉時段主要節目:
  2. 數據由央視索福瑞提供,調查範圍係四歲以上觀眾。
  3. 以上收視排名唔包括央視在内。
  4. 資料來源:衛視這些事兒衛視小露電瀟湘卧龍、湖南衛視官方微信(ID:happychina1997)。
  5. 排名係星期六夜晚所有綜藝節目嘅排名,並唔一定係同一時段。

宣傳活動[編輯]

2017年8月16號,節目組喺長沙搞咗場媒體&觀眾互動會,趙薇、黃曉明、張亮、周冬雨、靳夢佳五位經營合夥人帶著各自嘅拿手菜一齊亮相,同場外觀眾「零距離」互動。芒果直播、網易薄荷直播、YY直播、百度貼吧等平台全程直播,直播互動累計在線人數超過80萬,留言、點讚、送禮物等互動數超過200萬[8]

播出時間 活動 出席演員
2017年8月26號 快樂大本營 趙薇、黃曉明、張亮、周冬雨、靳夢佳

[編輯]

  1. 1.0 1.1 喺首集紀錄片播出時,YouTube湖南衛視芒果TV官方頻道同芒果TV官網都以《中餐廳的秘密日記》做標題。喺第2集播出時,YouTube湖南衛視芒果TV官方頻道將標題統一改做《中餐廳老友記》,而芒果TV就將標題統一改做《中餐廳會員定製版》。
  2. 其中,首集紀錄片喺2017年8月2號嗰日上線,之後開始逢星期日、星期一上線。
  3. 香料包配方材料:香葉15片、草寇20粒左右、陳皮4片—5片。
  4. 紅燒汁配料:魚露、生抽、白糖。
  5. 完成下面嘅步驟之後,將兩個鍋底分別倒落鴛鴦鍋兩邊就得。
  6. 肉餡製作步驟:首先喺剁好嘅肉餡入面加適量澱粉、雞蛋清、鹽,再倒入純淨水撈勻,然後放落少少生薑撈勻,最後用保鮮膜封口,放置一段時間就得。
  7. 四樣食材分別用嚟熗鍋、去腥、爆香同調味。
  8. 喺魚鰭入面塞落辣椒會更入味。
  9. 蒸製前可以用保鮮膜包住碗口,防止蒸菜時水蒸氣滴落碗入面,避免香味散失。
  10. 醬汁配料:少少生抽、醋、糖。
  11. 肉餡製作步驟:將切好嘅韭菜同碎肉依照個人口味加入調料後撈勻。
  12. 蛋皮製作步驟:首先喺碗入面敲入兩枚雞蛋,然後倒入麪粉,撈勻。喺鍋入面倒少少油,並抹勻。然後倒入蛋糊,旋轉成皮就得。
  13. 醬料製作步驟:倒入沙拉醬同芥末醬後撈勻。
  14. 先豎切兩大半,再橫切小塊,切好後備用。
  15. 豆瓣醬要用小火炒製,以防止佢變糊,生出苦味。
  16. 根據國家新聞出版廣電總局規定,自2016年7月1號開始,各電視上星綜合頻道每年喺夜晚7點半—夜晚10點半之間開播嘅引進境外版權模式節目唔得超過2檔(包括嗰年新引進和同歷年引進嘅節目),每個電視上星綜合頻道每年新播出嘅引進境外版權模式節目唔得超過1檔,第一年唔得喺夜晚7點半—夜晚10點半之間播出。
  17. 事實上,「海外餐廳」呢個創意模式最早出自日本電影《海鷗食堂日文かもめ食堂》,講述咗一間喺芬蘭首都赫爾辛基營業嘅日本餐廳入面嘅古仔。

參考[編輯]

  1. 1.0 1.1 "中餐廳 (《中餐廳》同名主題曲)". QQ音樂 (用中文寫). 2017-07-25. 喺2017-07-29搵到. 
  2. "三年磨一劍,湖南衛視《中餐廳》定檔三季度". 騰訊娛樂 (用中文寫). 2017-06-06. 喺2017-07-02搵到. 
  3. "《中餐廳》里趙薇同款午餐肉火了,聽說都快賣斷貨了". 東方網 (用中文寫). 2017-07-25. 喺2017-07-29搵到. 
  4. "Chinese TV network accused of plagiarism". 中央日報 (用英文寫). 2017-06-01. 喺2017-07-29搵到. 
  5. "PD Na Young Suk Responds To Reports Of "Youn's Kitchen" Being Plagiarized In China". Soompi (用英文寫). 2017-06-01. 喺2017-07-29搵到. 
  6. [M+방송진단] 中 후난TV 『윤식당』 표절 논란, 나영석의 『돌직구』 한마디. MBN Star (用韓文寫). 2017-06-28. 喺2017-07-29搵到. 
  7. "中餐廳(《中餐廳》主題曲特別版)". QQ音樂 (用中文寫). 2017-09-04. 喺2017-09-04搵到. 
  8. "「快樂共享季」打造《中餐廳》美食盛宴". 網易娛樂 (用中文寫). 2017-08-18. 喺2017-08-19搵到. 

出面網頁[編輯]

綜藝節目變遷[編輯]

 中國大陸 湖南衛視 每星期六 22:00—00:00
上個節目 中餐廳
(2017年7月22號—2017年9月30號)
下個節目
我想和你唱(第二季)
(2017年4月29號—2017年7月15號)
親愛的·客棧
(2017年10月7號—2017年12月23號)