中餐廳第五季節目一覽

出自維基百科,自由嘅百科全書
跳去導覽 跳去搵嘢

呢份一覽表列出中餐廳》第五季冚唪唥嘅期數。呢季節目共12期,喺2021年7月30號首播,到10月15號播完[1][2][3]

成員[編輯]

  • 黃曉明
  • 寧靜
  • 周也
  • 丁真珍珠
  • 姚安娜

分集介紹[編輯]

集數主題原播出日期
1
「中餐廳」再集結
2021年7月30號 (2021-07-30)
5位經營合夥人陸續抵達喺長沙月亮島嘅營地集結。短暫休整過後,黃曉明宣讀新一季嘅店長手冊。呢季《中餐廳》由1部移動餐車同多部房車組成,經過長沙月亮島、桂林陽朔三千灕度假區同海口世紀公園英文Century Park (Haikou)3個經營站,每站將有3位頂級廚師利用兩日嘅時間教5位經營合夥人學做3道當地特色菜,合夥人必須將呢3道菜加入呢站嘅經營菜單,並完成3日嘅經營任務;呢季《中餐廳》啟動資金以合夥人衆籌嘅方式解決,黃曉明、寧靜每人投資5500元,其他3位經營合夥人每人投資3000元。之後,5位經營合夥人參觀咗廚房,分別展示咗各自所帶物品,並艱難完成喺中餐廳嘅第一次晚餐。第二日,3位廚師抵達餐廳,並為大家準備咗午餐,5位經營合夥人需學會剁椒魚頭、小龍蝦同臭豆腐3道特色菜,龔俊喺午餐期間抵達餐廳。
2
我們要變大廚
2021年8月6號 (2021-08-06)
午餐結束後,兩日嘅學徒日正式開始,黃曉明學咗剁椒魚頭,丁真學咗辣椒炒肉,龔俊學咗小龍蝦,周也同姚安娜學咗臭豆腐,大家重確定咗菜單並為菜品定價,黃曉明同寧靜各抽出500元啟動資金轉畀龔俊,龔俊亦投資咗1000元啟動資金。之後,中餐廳迎嚟喺長沙嘅首個營業日,大家開始為夜晚嘅營業做準備,首枱客人靳夢佳白舉綱杜海濤李浩菲喺準備期間抵達餐廳。
3
今日開門營業
2021年8月13號 (2021-08-13)
長沙站營業首日,經營任務喺陣慌亂過後最終平穩完成,老員工重喺用餐結束後幫手完成咗部分清理工作,並為餐廳經營提出咗兩點建議。嗰晚,中餐廳共計收入3547.2元,共計盈利1101.2元,店長黃曉明喺復盤會上提出咗菜品單份製作、魚頭唔熟同埋缺少兒童餐三點不足同對應嘅改進策略,另外重提出咗規範菜單書寫嘅建議。第二日,周也、丁真出發買食材,黃曉明、姚安娜出發去到文和友攬客,寧靜、龔俊留落餐廳備菜,買食材組同攬客組亦喺任務完成後加入備菜任務,奧運湘軍李小鵬劉璇、田卿同王明娟喺準備期間抵達餐廳。
4
用心款待一切相遇
2021年8月20號 (2021-08-20)
長沙站營業最後兩日,奧運湘軍同中南大學湘雅醫院醫務工作者代表先後到店就餐,龔俊同寧靜分別推出咗各自嘅私房菜,營業過程十分順利,菜品亦攞到唔少好評,中餐廳重喺營業最後一晚搞咗場紅歌會。喺長沙站營業嘅3日時間入面,中餐廳共計收入12200元。之後,5位經營合夥人一齊送別龔俊。
5
一路山水向桂林
2021年8月27號 (2021-08-27)
短暫休整過後,5位經營合夥人坐房車離開長沙,抵達第2個經營站——桂林。第二日,飛行合夥人檀健次抵達中餐廳,並為大家準備咗酸筍魚湯同酸筍炒肉。大家克服突降暴雨帶嚟嘅不利影響,完成喺桂林站嘅第一次晚餐。
6
廚房學藝「桂」在堅持
2021年9月3號 (2021-09-03)
3位廚師喺5位經營合夥人短暫休整並坐船游覽桂林山水過後抵達餐廳,並為大家準備咗午餐。午餐結束後,兩日嘅學徒日正式開始,寧靜同姚安娜學咗做芋頭扣肉,黃曉明同周也學咗做陽朔啤酒魚,丁真同檀健次學咗做桂林米粉,大家重確定咗菜單並為菜品定價。之後,中餐廳迎嚟喺桂林嘅首個營業日,首次接受攬客任務嘅周也同丁真出發去到興坪古鎮攬客,四處碰壁後最終成功邀請到7枱客人,老員工趙麗穎同特殊客人張碧晨、李雪喺準備期間抵達餐廳。
7
桂林站首次營業
2021年9月10號 (2021-09-10)
桂林站營業首日,周也、檀健次同姚安娜喺營業之前為大家展示咗各自嘅私房菜。嗰晚,營業正式開始,老員工趙麗穎、歌手張碧晨同和頌傳媒董事長李雪作為特殊客人抵達餐廳。營業過程入面,餐廳先後經歷咗備菜失誤、海魚燒焦、米粉未熟等狀況,各位經營合夥人及時調整狀態,順利完成所有菜品嘅製作。客人用餐結束後,趙麗穎同張碧晨合唱咗《星空剪影》,店長黃曉明提議嗰晚全場8折,以彌補之前嘅出菜失誤。營業結束後,趙麗穎留落餐廳幫手完成咗洗碗嘅工作。首席運營官寧靜喺復盤會上提出咗米粉組準備唔夠充分、廚房堆積過多雜物同埋米粉同扣肉器皿重疊三點不足同對應嘅改進策略,另外重確定咗後面兩日嘅菜單。第二日,黃曉明、丁真同姚安娜出發去到朝板山中學攬客,黃曉明重為家人喺外面嘅老師修改咗攬客規則,最終以每4位老師為一枱嘅形式成功邀請到7枱客人,往季《中餐廳》主廚張亮、林述巍同《鮮廚100》第二季冠軍張景軒、季軍尹兆雄喺準備期間抵達餐廳。
8
大廚的考驗和驚喜
2021年9月17號 (2021-09-17)
簡單總結經驗過後,大家開始為桂林站第二日嘅營業提前做備菜工作,往季《中餐廳》主廚張亮、林述巍同《鮮廚100》第二季冠軍張景軒、季軍尹兆雄作為特殊客人抵達餐廳。廚師團喺等候出菜期間向合夥人提出咗各種特殊要求,被合夥人巧妙化解。嗰晚,營業正式開始。由於前期準備工作充足,合夥人嘅出菜工作十分順利,菜品亦攞到廚師團同客人嘅好評。店長黃曉明提議嗰晚全場5折,以回饋嗰晚到店就餐嘅所有老師。廚師團重為各位經營合夥人製作咗豐盛嘅員工餐,並承包咗嗰晚廚房嘅全部清理工作。大廚嘅光臨亦為合夥人帶去咗唔少壓力,大家喺復盤會上認真反思同總結,首席運營官寧靜提出咗着重衛生情況嘅建議。復盤會結束後,大家一齊外出坐旋轉木馬。
9
結業山水篇,開心去海邊
2021年9月24號 (2021-09-24)
桂林站營業最後一日,黃曉明、丁真同檀健次出發去到劉三姐文化印象博物館攬客,喺經歷重重關卡後最終順利完成任務。嗰晚,營業正式開始,南非建築師Ian Hamlinton同佢嘅3位中國朋友作為特殊客人抵達餐廳,丁真嘅藏式包子亦首次迎客。營業過程入面,由於魚頭組黃曉明未提前進入狀態同埋合夥人大量喺前台集中,導致廚房出菜緩慢,而前台亦因為由唔熟悉流程嘅合夥人輪崗從而變得十分混亂。首席運營官寧靜及時關注前台情況,適時調整出菜順序同人員分工,將狀況一一化解。營業結束後,寧靜同黃曉明先後參與咗丁真同中國女排嘅直播連線。黃曉明就啤酒魚出菜慢嘅問題試圖向寧靜解釋,寧靜堅持從客人角度出發唔能夠等待過長時間,黃曉明就堅持注重菜品質量,各持己見嘅二人無法繼續溝通,最終寧靜返去房車。檀健次即將離開餐廳,黃曉明帶領全體經營合夥人邀請寧靜下車拍合照,並試圖打破僵局,但無濟於事。喺黃曉明向寧靜解釋自己習慣性講出「我錯了」嘅原因同埋周也同檀健次嘅勸說後,二人最終重歸於好。喺桂林站營業嘅3日時間入面,中餐廳共計收入5390.4元,總利潤1911.2元。店長黃曉明重決定將呢次經營攞到嘅利潤同成本全部捐畀丁真,並由丁真帶返去理塘用作慈善同公益。之後,5位經營合夥人一齊送別檀健次。第二日,5位經營合夥人坐房車離開桂林,抵達最後一個經營站——海口。
10
海納百味,始於苦練
2021年10月1號 (2021-10-01)
5位經營合夥人抵達最後一個經營站——海口,點知被節目組告知呢站浄得半日嘅籌備同學厨時間。姚安娜學咗做紅胡椒香焗對蝦,寧靜同丁真學咗做椰子雞,黃曉明同周也學咗做膏蟹蒸手剁肉餅,黃曉明另外重學咗做蝦湯泡飯。嗰晚,5位經營合夥人出發去到馮小剛電影公社攬客。第二日,海口站營業正式開始,海南大學海洋學院嘅4位教授作為特殊客人抵達餐廳。5位經營合夥人首次挑戰點餐制,營業過程十分順利,菜品亦攞到唔少好評,同時輕鬆應對加單挑戰。
11
營業考核第五季,姐妹助陣衝業績
2021年10月8號 (2021-10-08)
海口站營業第2日,王霏霏、李斯丹妮、金晨同張萌作為特殊客人抵達餐廳。王霏霏喺廚房幫手切咗椰肉同馬蹄,張萌反客為主喺前台幫手招待客人。客人用餐結束後,王霏霏向寧靜提出咗椰子雞醬料嘅改進意見,姚安娜喺點歌環節攞咗呢季首個SSS。姐姐團以唱跳騷接連向姚安娜發起挑戰,結果屢戰屢敗。營業結束後,姐姐團留落餐廳幫手完成咗洗碗嘅工作。第二日,寧靜首次接受攬客任務,同丁真一齊去到海南省歌舞劇院攬客,丁真亦推出咗自己嘅私房菜——松茸氂牛肉。嗰晚,最後一日嘅營業正式開始,3位瓊劇演員作為特殊客人抵達餐廳。中餐廳遭遇因客人過敏需單獨炒製蝦仁滑蛋嘅情況,點知廚房冇得雞蛋,最終黃曉明同周也喺節目組嘅幫助下成功攞到雞蛋並完成呢份訂單。喺5位經營合夥人嘅全力配合下,最後一日嘅營業圓滿結束。之後,店長黃曉明收到準備感謝宴嘅邀請信。
12
家裏的中國味,中餐的家人情
2021年10月15號 (2021-10-15)
中餐廳感謝宴正式開始,呢季感謝宴以「感謝家人」為主題,邀請到黃曉明同寧靜嘅經紀團隊、丁真嘅表哥同細佬、周也嘅阿爸同阿媽、姚安娜嘅閨密同埋品牌代表參加,丁真以藏族傳統服飾出席感謝宴。5位經營合夥人同各自嘅家人同埋品牌代表用餐結束後,感謝宴聯歡晚會正式開始,丁真率先出場唱咗藏族民歌《馬背上的理塘》,並同自己嘅表哥同細佬一齊跳咗鍋莊舞,3人另外重同寧靜一齊唱咗《次仁拉索》。之後,寧靜同佢嘅團隊一齊唱咗《寧夏》,黃曉明同周也嘅阿爸一齊唱咗《偏偏喜歡你》,姚安娜同佢嘅閨密一齊唱咗《有點甜》,黃曉明嘅經紀人同埋可口可樂同康巴赫嘅代表一齊唱咗《暖暖》。喺聯歡晚會嘅最後,黃曉明帶領全體男士一齊唱咗《朋友》,並同姚安娜一齊匯報咗經營成績。呢季《中餐廳》總利潤為10152.27元,加埋全體經營合夥人嘅集資後總金額為33152.27元。節目錄製結束後,丁真將呢筆錢帶返去咗自己嘅家鄉——理塘縣格聶鎮下則通村,為當地嘅小學生送去咗小度智能學習屏,並為自己嘅家人製作咗辣椒炒肉。最後,丁真重同家人一齊賽馬。

中餐廳料理食譜同教學[編輯]

  • 老好人黃曉明哥的剁椒魚頭:蔥、薑、蒜去皮切碎末,然後將蔥打結、薑拍松後備用,紅辣椒洗淨去蒂剁碎,然後加鹽密封醃15日,鱅魚頭處理乾淨,斜切魚頭呈蝴蝶狀,用食鹽、蔥結、薑、料酒稍稍醃漬,然後將魚頭入面嘅配料去除,洗淨魚頭並吸乾水分,鍋入面依次放剁椒350g、蒜末10g、薑末10g、紫蘇20g、瀏陽豆豉10粒,然後加入味精同食用油炒勻,之後將鱅魚頭眼向上放落鋪埋紫蘇嘅碟入面,將調料鋪落魚頭上方,上蒸箱大火蒸10分鐘,最後淋熱油灑埋蔥花就得。
  • 真的辣椒炒肉:鮮辣椒去蒂切片,大蒜去皮切片,水𦟌肥瘦分開切片,瘦肉用醬油同少量食鹽撈漬入味,再上水澱粉漿,起鍋熱油,然後將肥肉煸炒出油,之後加入瘦肉炒至斷生後撈出備用,再另起新鍋用蒜片煸炒辣椒,之後放入食鹽入味,再放入豬肉繼續翻炒,最後依次放入醬油、味精同高湯撈勻就得[a]
  • 也式娜個臭豆腐:高湯入面加香菜、蒜末、蔥末同蘿蔔條[a],隔水保溫儲存,滷水醃豆腐2個鐘以上冷藏備用,起鍋熱油,等油溫燒至160℃時放入豆腐胚,至170℃時翻面,炸至172℃後撈出淋醬汁就得。
  • 俊龍蝦:小龍蝦洗淨,去頭,去鰓去紅線,開背清洗瀝乾水分後撈出備用,將胡蘿蔔打碎,洋蔥、乾蔥頭、大蔥切好,香蔥壓碎,燒油依次放入洋蔥、大蔥、乾蔥頭,炸乾撈出再下胡蘿蔔同香蔥,炸乾後瀝出備用,起鍋熱油,然後將八角、桂皮等煸香後下高湯調味[a],再落入小龍蝦,等小龍蝦入味出鍋前佐入青椒同紫蘇就得。
  • 也生菜
  • 小也的夏天:泡好嘅綠茶水倒落罐入面,然後依次放入白糖、檸檬同黃瓜片,撈勻就得。
  • 胡蘿蔔炒肉:起鍋熱油,然後放入雞丁翻炒,之後放入胡蘿蔔丁繼續翻炒,最後淋醬油炒出香味就得。
  • 清水空心菜:起鍋熱油,然後放入空心菜翻炒,之後加高湯繼續翻炒[a],最後加少少鹽調味就得。
  • 藤椒魚:起鍋熱油,然後依次放入薑片、蒜片、藤椒、調料包同啤酒,等湯煮滾後倒入魚片,中火煮8分鐘就得。
  • 空心菜杆炒軟哨:起鍋熱油,等油溫升至100℃後倒入脆哨,炒出香味後撈出備用,然後另起新鍋放入薑片爆香,之後依次放入貴州乾辣椒、剁辣椒同空心菜梗,再放入炸好嘅軟哨,最後加鹽炒出香味就得。
  • 次次魚湯:海魚去鱗煎至兩面焦黃,然後依次放入薑片、白酒、滾水、大蔥、酸筍同小米辣,燜煮20分鐘就得。
  • 寧一定姚吃的芋頭扣肉:五花肉過水焯熟,然後用扎孔器喺肉皮表面反覆戳洞,之後喺肉皮表面抹落生抽[b],熱油落鍋,炸至金黃後撈出並迅速倒落冷水入面泡至出現虎皮紋再切做厚片,用腐乳、蔥薑蒜末、辣椒粉、五香粉充分醃製,芋頭去皮切厚片落油鍋炸至金黃後撈出,將五花肉皮向下,同芋頭塊相間擺落碗入面,再將剩返嘅醃料淋落碗入面,大火蒸40分鐘至熟後翻扣至另一隻碟入面就得。
  • 曉也啤酒魚:鯉魚開膛洗淨後切花刀並用料酒抹勻醃制,生薑切片,芹菜切段,番茄、青椒切塊備用,起鍋熱油,等油溫升至170-180℃後放入薑片爆香,然後從鍋嘅左右兩邊放落魚,轉中火並依次放入鹽、蒜頭、酸辣椒同乾椒段,將魚鱗一面煎至金黃,之後從鍋邊倒落適量料酒,再將老抽同蠔油淋落魚上,之後倒落啤酒,並依次放入番茄、青椒、芹菜同蒜瓣,冚煲蓋大火燜5分鐘,等魚汁稍稍變稠後再將魚翻面,灑胡椒繼續燜2-3分鐘,灑埋適量蔥花就得。
  • 真健米粉:牛肉用適量米酒、老抽、生抽、胡椒粉、蠔油、麻辣鮮醃至少半個鐘,下顎肉洗淨肉皮向上放落鍋入面,加水浸過肉皮一部分,大火煮滾至唔再有血沫時撈出清洗備用,乾米粉用冷水泡半個鐘,等熱水燒至起泡時將米粉下落熱水入面燜半個鐘左右,等米粉變軟至可以用指甲輕易掐斷後撈出沖冷水,將白色米漿淘洗至水變清、米粉溫度同水一樣後撈出米粉備用,起鍋熱油,然後依次放入蔥白、洋蔥、老薑炸出香味,之後下落豆豉同香料爆炒[c],再依次放入老抽、米酒同鹽翻炒,加適量清水[d],將醃好嘅牛肉同下顎肉放落滷水入面,大火煮半個鐘,等筷子可以戳進肉皮後撈出,再將滷水轉中小火繼續熬40分鐘後撈出,加入適量鹽、雞精、味精、蠔油、米酒撈勻就得,用松肉針喺下顎肉皮表面戳出均勻嘅孔,抹落適量酒、米醋、食鹽,等水分滴乾後冷油落鍋,中火炸10分鐘後皮向上撈出備用,牛肉用中火溫油落鍋,炸5分鐘左右撈出切片備用,起鍋熱油,然後依次放入適量蒜末、酸辣椒、乾辣椒粉炒出香味,之後加入配菜[e],炒熱後加入適量鹽、味精、生抽調味,炒勻撈出備用,最後將泡軟嘅米粉用滾水燙幾十秒,喺盛米粉嘅碗入面加一匙麪湯[f]、半匙滷水、牛肉片、鍋燒、黃豆、香菜、香蔥、酸豆角、蒜末、配菜、辣椒油就得。
  • 黃中王鹹蛋黃南瓜:將裹好澱粉嘅南瓜條落油鍋炸至金黃後撈出,然後另起新鍋炒鹹蛋黃,最後倒入炸好嘅南瓜條,炒勻就得。
  • 沙蟹汁炒豆角:起鍋熱油,然後放入蒜同乾辣椒爆香,之後放入焯過水嘅豆角,最後放入白醋同沙蟹汁,炒出香味就得。
  • 上湯娃娃菜:午餐肉切片、皮蛋切塊、娃娃菜切條、鹹鴨蛋切開取出蛋黃備用,起鍋熱油,然後依次倒入薑、蒜、午餐肉同鹹蛋黃,之後倒滾水放落娃娃菜同皮蛋,最後依次放入白胡椒粉、適量鹽同蠔油,燉出香味就得。
  • 藏式包子:首先將牛肉剁碎,然後喺牛肉入面依次放蔥花、鹽、雞精同味精,撈勻,之後開始製作麪團,包餡收口,最後上鍋蒸熟就得。
  • 好難娜:將對蝦洗淨剪去蝦須同腳,開背至3/4深,挑出蝦線洗淨備用,然後用白毛巾將蝦身上嘅水吸乾,之後依次放入1.5g鹽、5g生粉同適量味精撈勻備用,薑切丁、蒜切丁、洋蔥頭切丁、乾辣椒剪段、海南野生菜切碎末、紅胡椒粒低油溫炸出香味後撈出備用,再準備生抽、老抽、料酒調做醬汁備用,乾紅辣椒泡水備用,熱鍋冷油,等油溫升至180℃後開始炸蝦,10秒左右撈出,等油溫升至200℃後複炸8秒左右撈出備用,之後另起新鍋,落入生薑粒炒香至金黃,再落入大蒜子、乾蔥炒至金黃,將泡發後嘅乾辣椒、部分香菜、蝦一齊落鍋炒,最後倒入調好嘅醬汁同剩返嘅香菜一齊翻炒出香味就得[g]
  • 靜靜地丁着你:新鮮嘅椰子砍走頭尾用漏勺濾出椰汁備用,然後開椰子取椰肉並將椰肉切條備用,蓮子用竹簽去芯,馬蹄切走頭尾削皮後一分為二,芹菜切段備用,雞肉去除內臟、指甲同屎忽,自背部開做兩半,剁小塊備用[h],之後往砂煲入面按1:1嘅比例依次放入4匙椰子水同4匙水,再依次放入椰肉條、馬蹄、芹菜、蓮子同1匙鹽,最後依次準備好蘸料[i]同醬汁[j],並將砂煲放落已經準備好嘅小火灶上慢煮就得。
  • 蟹膏很黃也很好吃:豬肉去筋膜[k]、切片成條後剁碎備用,取3隻馬蹄先拍後剁,唔使切碎,小冬菇5—6個,溫水泡2個鐘後切丁備用,膏蟹洗淨後剪走蟹臍,自腹部切開,唔好破壞背部嘅殼,按住蟹腿,剝開蟹胃同沙囊,洗淨蟹殼,拔除腮同肺,洗淨後砍下蟹鉗並拍裂,剪走蟹腮上嘅鋒利處,將每半隻蟹分切做3塊,取出蟹黃,將蟹水同蟹黃裝落一齊備用,豬肉入面放1/4平匙鹽,倒入蟹汁、少少料酒、1.5匙生抽、1/3平匙醋、少少白胡椒粉撈勻,2滿匙生粉撈勻再砸,加入少少蟹黃撈勻再砸10下,放入冬菇碎、馬蹄碎撈勻備用,喺碟底抹少少油,加肉料,將碟鋪平,中間留空,蟹肉向外,蟹腿向內,將螃蟹冚落中間[l],將擺好嘅肉餅放落蟹殼入面上蒸鍋蒸5分鐘後取出蟹肉放入蟹黃再複蒸1分鐘,最後將蒸出嘅湯汁倒落碗入面,加入少少料酒同少少生抽撈勻,然後倒入蒸好嘅蟹肉餅入面,最後將花生油淋落蟹殼上提亮並灑埋蔥花就得。
  • 蝦黃湯泡飯:洋蔥頭剝皮切片,乾蔥頭切走頭尾,番茄、馬蹄、冬菇同芹菜切丁備用[m],蝦洗淨後切下蝦頭並拍碎蝦肉備用[n],熱鍋冷油,然後放入蝦翻炒,等蝦變色後依次放入1.5匙鹽、乾蔥同番茄繼續翻炒,之後將滾水分3次落鍋猛火滾燙,每次放1/3,每次滾3分鐘左右,直至湯呈紅粉濃稠狀[o],再另起新鍋將米飯落油鍋炸脆後撈出備用[p],將蝦剝好後切碎稍稍剁下,之後繼續加熱熬好嘅蝦湯,加入1.5匙鹽、3匙糖、少少生抽調味,再依次倒入未炸過嘅米飯同炸過嘅米飯,加入芹菜,灑埋胡椒粉,燒滾就得。
  • 松茸氂牛肉:熱鍋冷油,然後放入氂牛肉炒至7成熟,之後放入松茸繼續翻炒,最後加入1匙鹽炒出香味就得。
  • 蝦仁滑蛋:雞蛋打散、蝦仁炒熟後倒出備用,然後另起新鍋依次倒入雞蛋同蝦仁炒熟就得。

中餐廳員工餐食譜同教學[編輯]

  • 小炒牛肉:起鍋熱油,然後倒入氂牛肉煸炒,之後依次放入鹽同雞精,翻炒30秒就得。
  • 酥油茶:料理機入面放適量鹽同酥油,然後將茶水淋落料理機入面,最後冚蓋撈勻就得。
  • 紅蔥頭燜雞:雞肉水分炒乾後放油同薑片,撈勻倒落砂煲入面,最後放入洋蔥頭燜燉10分鐘後轉小火收汁就得。
  • 清蒸雞:雞肉用適量鹽、生粉、花生油同薑絲抓勻,上蒸箱蒸至熟後灑埋蔥花,淋蒸魚豉油同料酒就得。
  • 古法小炒雞:起鍋熱油,然後放入雞肉煸炒,之後依次放入薑片、蒜頭、泡椒同小米辣,撈勻後加入生抽、蠔油、味精、鹽、料酒同豆角[q],冚煲蓋燜煮就得。
  • 家鄉燜南瓜
  • 蘿蔔絲魚湯:起鍋熱油,然後放入鯉魚同薑絲,煎至兩面焦黃後倒入冷水,大火將魚湯煮滾後將魚肉搗碎並濾走魚渣,之後將用鹽水泡過嘅白蘿蔔絲去水放落魚湯入面熬煮至熟就得。
  • 鍋燒回鍋肉:鍋入面放郫縣豆瓣炒出紅油後放入豆豉、薑、蒜、辣椒同鍋燒肉片,翻炒出香味就得。
  • 牛牛炒飯:冷飯打散、辣椒切段、牛肉剁碎備用,起鍋熱油,然後依次放入蒜末、辣椒同牛肉碎,大火爆炒出香味後加入冷飯,之後依次放入豉油、生抽、老抽、蔥花同少少清水,炒勻就得。
  • 涼拌黃瓜

中餐廳料理定價[編輯]

主菜[編輯]

  • 老好人黃曉明哥的剁椒魚頭:¥158
  • 俊龍蝦:¥199
  • 也式娜個臭豆腐:¥18
  • 真的辣椒炒肉:58
  • 也生菜:¥20
  • 曉也啤酒魚:¥98
  • 寧一定姚吃的芋頭扣肉:¥58
  • 蟹膏很黃也很好吃:¥188
  • 靜靜地丁着你:¥98
  • 好難娜:¥80
  • 蝦黃湯泡飯:¥58

湯羹[編輯]

  • 次次魚湯:¥28

主食[編輯]

  • 真健米粉(大份):¥28/4碗

甜品[編輯]

  • 芋頭糖水:¥8

飲料[編輯]

  • 豆本豆植物酸奶:¥6
  • 可口可樂:¥3
  • 亮哥的夏天[r]:¥6.66

兒童菜品[編輯]

  • 胡蘿蔔炒肉:¥20
  • 黃中王鹹蛋黃南瓜:¥38

經營成績匯總[編輯]

  • 啟動資金:¥20,000.00
  • 龔俊:¥2,000.00
  • 檀健次:¥1,000.00
  • 總利潤:¥10,152.27
  • 合計:¥33,152.27

收視率[編輯]

Flag of the People's Republic of China.svg 中國大陸 湖南衛視 首播收視率
集數 播出日期 CSM63 CSM全國網 備註
收視率 收視份額 排名 收視率 收視份額 排名
1 2021年7月30號 1.879 14.83 2 0.72 7.77 1 CSM63數據入面冇鄭州數據,所以係CSM62
2 2021年8月6號 2.113 15.15 2 0.87 8.79 1 CSM63無廣告收視率2.15,份額14.58
浙江《請吃飯的姐姐》開播
3 2021年8月13號 1.789 13.70 3 0.74 7.7 1 CSM63無廣告收視率1.84,份額13.14
4 2021年8月20號 1.838 14.44 2 0.65 7.31 1 CSM63無廣告收視率1.89,份額13.95
5 2021年8月27號 1.884 14.44 1 0.75 8.27 1 CSM63無廣告收視率1.94,份額13.87
6 2021年9月3號 1.797 13.85 2 0.68 7.77 1 CSM63無廣告收視率1.82,份額13.31
7 2021年9月10號 1.813 15.65 1 0.68 8.58 1 CSM63無廣告收視率1.88,份額14.97
8 2021年9月17號 1.720 17.96 3 0.56 9.29 1 CSM63無廣告收視率1.82,份額17.5
江蘇《超腦少年團》完結
9 2021年9月24號 1.832 14.53 2 0.61 6.89 1
10 2021年10月1號 1.135 8.70 3 0.5 4.94 2 浙江《請吃飯的姐姐》暫停播映,《2021中國好聲音》後移至逢星期五夜晚9點10分播出
11 2021年10月8號 1.318 13.41 3 0.39 6.27 2 CSM63無廣告收視率1.35,份額12.95
12 2021年10月15號 浙江2021中國好聲音》完結
  1. 同時段或交叉時段主要節目:
  2. 數據由央視索福瑞提供,調查範圍係四歲以上觀眾。
  3. 以上收視排名唔包括央視在內。
  4. 資料來源:衛視這些事兒衛視小露電TV未知數
  5. 湖南衛視用六網七域綜合收視評價體系,上表重點記錄每日發佈嘅CSM63城市網同每個禮拜發佈嘅CSM全國網收視數據,其他各組收視數據(CSM全國網城域、酷雲全國網、歡網全國網、CCData、中國視聽大數據)請自行睇數據供應商或湖南衛視總編室推廣部發佈嘅收視數據。
  6. 排名係星期五夜晚所有綜藝節目嘅排名,並唔一定係同一時段。

[編輯]

  1. 1.0 1.1 1.2 1.3 高湯製作步驟:老雞、五花肉、肉皮、豬大骨處理乾淨過水,熬煮4個鐘。
  2. 亦可用鹽同醋代替生抽。
  3. 香料包配方:八角、桂皮、陳皮、香葉、甘草、沙薑、白蔻、毛砂仁、香砂仁、花椒、丁香、草果、玉果。
  4. 水量以浸過肉為准。
  5. 酸豆角、酸筍、酸蘿蔔等酸菜。
  6. 亦可用高湯代替麪湯。
  7. 出鍋前建議放入適量紅胡椒點綴。
  8. 建議用量:半隻一份菜。
  9. 蘸料製作步驟:切薑末(留少少薑絲)、剁蒜末、切蔥。
  10. 醬汁製作步驟:花生油加蒜蓉、薑末、水、少少醬油、1匙糖、鹽、蔥花撈勻,亦可加小金橘。
  11. 肥瘦相間為佳。
  12. 有蟹黃時唔放雞蛋。
  13. 亦可用冬菜代替芹菜。
  14. 唔好拍蝦頭。
  15. 成品4斤水滾做3斤湯為佳。
  16. 建議用隔夜絲苗米飯。
  17. 儘量唔好加水。
  18. 金銀花雪梨湯、老北京酸梅湯。

參考[編輯]

  1. 莫斯其格 (2021-07-05). 劉麗琴 (編). "黃曉明攜手寧靜、龔俊、丁真,《中餐廳5》開啟房車經營模式" (中文). 廣州日報. 喺2021-07-05搵到.
  2. 任芯儀, 編 (2021-10-11). "《中餐廳5》海口站營業 黃曉明驚喜接待「姐姐團」". 北青網娛樂 (中文). 原先內容歸檔喺2021-11-22. 喺2021-11-22搵到.
  3. 任芯儀, 編 (2021-10-18). "《中餐廳5》暖心收官 黃曉明發長文告別引共鳴". 北青網娛樂 (中文). 原先內容歸檔喺2021-11-22. 喺2021-11-22搵到.