中餐廳第三季節目一覽

‹‹ 第二季 | 第四季 >>

呢份一覽表列出《中餐廳》第三季冚唪唥嘅期數。呢季節目共13期，喺2019年7月19號播出先導片，喺7月26號首播，到10月18號播完。

成員

• 黃曉明
• 秦海璐
• 王俊凱
• 楊紫
• 林述巍

分集介紹

集數 （季）	主題	首播日期
0	先導片	2019年7月19號 (2019-07-19)
5位經營合夥人喺北京首次會面，品嘗由新晉主廚林述巍為大家精心準備嘅午餐，之後由黃曉明唸出新一季嘅店長手冊。
1	不可能完成的任務	2019年7月26號 (2019-07-26)
5位經營合夥人抵達陶爾米納市政廳並同市長會面，而21日總營業額超過20000歐元嘅經營目標令佢哋感到好大嘅壓力。面對餐廳「0啟動資金」嘅噩耗，5位經營合夥人討論餐廳嘅未來運營，之後就開始整理物品清單。最終，5位經營合夥人一致決定用「以物易物」嘅方式換食材，並成功喺一日嘅時間內換到200歐元嘅啟動資金同茄子、大蒜、菠蘿、白砂糖同魚等食材。之後，主廚林述巍去超市買咗少量啤梨，並為大家準備咗喺中餐廳嘅第一次晚餐。晚餐結束後，店長黃曉明將財務大權交畀秦海璐，之後大家就各自返房休息。第二日，大家一齊去市場買啲簡單嘅食材。面對緊張嘅預算壓力，主廚林述巍同管家秦海璐喺菜品質量同節省成本之間爭吵不停……
2	中餐廳開業日	2019年8月2號 (2019-08-02)
喺農貿市場買完後，5位經營合夥人先後輾轉到海鮮市場同超市。面對急劇增長嘅成本壓力，管家秦海璐同店長黃曉明、主廚林述巍二人之間嘅矛盾加劇。得知秦海璐節省開支嘅緣由後，黃曉明向秦海璐道歉。之後，秦海璐為大家準備咗炸醬麪作為午餐，而作為助手嘅林述巍亦用實際行動化解同秦海璐之間嘅矛盾。黃昏，黃曉明、王俊凱、楊紫同林述巍四人去到餐廳附近嘅小賣部門口出攤賣煎餅，共計收入200歐元。之後，主廚林述巍為大家準備咗喺中餐廳嘅第一次正式晚餐。晚餐結束後，大家繼續為第二日嘅開業做最後嘅備菜同清理工作，之後大家就各自返房休息。第二日，黃曉明、林述巍去到便利店買廚房用品，秦海璐留喺餐廳為粽子影相同備菜，王俊凱、楊紫去到農貿市場買剩返嘅配菜。一切準備就緒後，中餐廳進入開業倒數，然而大家發現菜單出錯，呢個時候距離開業只淨33分鐘，冇充足嘅時間去重新製作菜單。開業前15分鐘，客人陸續抵達，後廚嘅備菜工作重未完成，而中餐廳被迫喺在各種狀況入面開業。營業過程入面，餐廳又先後經歷咗食材短缺、收錢業務唔夠熟練、客流量翻倍等狀況，5位經營合夥人通力合作，將狀況一一解決。到店就餐嘅一對意大利老夫婦重喺用餐結束後現場體驗咗京劇戲服。午餐時段嘅營業結束，中餐廳共接待32位客人，產出58道菜品。
3	中餐廳的新戰略	2019年8月9號 (2019-08-09)
午餐時段嘅營業結束，中餐廳共計收入1030歐元。之後，店長黃曉明利用員工餐時間舉行首次營業復盤會，總結營業期間嘅經驗得失，並作出晚餐時段暫停營業同外出進行市場調查嘅決定。短暫休整過後，大家正式出發去到陶爾米納古城進行遊覽同市場調查，同時解決咗晚餐問題。出發前，店長黃曉明提出賣套餐嘅全新經營策略。晚餐結束後，大家繼續進行備菜工作。其間，店長黃曉明宣佈，中餐廳將會喺開業第二日空降兩位臨時工，5位經營合夥人將喺3日嘅實習期過後揀一位留喺中餐廳。之後大家就各自返房休息。第二日清晨，店長黃曉明同主廚林述巍就套餐規格發生爭執。最終，林述巍向黃曉明妥協，將原定嘅雙人套餐改為單人套餐。早餐結束後，黃曉明、王俊凱、楊紫出發買食材，臨時工仝卓、高天鶴正式報到。簡單整理過後，二人迅速投入後廚，為備菜嘅林述巍分擔壓力。黃曉明、王俊凱、楊紫返去餐廳後，中餐廳進入到第二日嘅營業。開放點單半個鐘後，淨得一枱客人光顧，店長黃曉明決定上街攬客，並由高天鶴陪同，點知四處碰壁。二人隨後同楊紫一齊穿上戲服再次上街攬客，得到好大嘅收穫。面對攬客成果同當地用餐高峰嘅雙重夾擊，中餐廳陷入待客量超載嘅困境，大家最終以加枱解決問題。營業過程入面，餐廳又先後經歷咗菜單書寫唔明、遺漏客人點單、訂單枱號出錯、已完成菜品未標明等狀況，而終極狀況係內外場分工不清、主廚壓力過重導致嘅出菜緩慢，同埋實際接待量超出預期導致嘅食材同菜品短缺。午餐時段嘅營業喺慌亂入面結束，中餐廳共計收入1659.49歐元。之後，店長黃曉明利用員工餐時間舉行營業復盤會，大家就套餐菜品設置問題展開激烈討論。其間，黃曉明嘅固執己見招致其他4位經營合夥人嘅一致反對，而店長黃曉明同主廚林述巍亦圍繞後續經營模式嘅調整再次發生爭執。
4	今天中午秦當家	2019年8月16號 (2019-08-16)
一番激烈爭執過後，主廚林述巍同高天鶴迅速列出清單，店長黃曉明決定晚餐時段取消套餐恢復單點，並降低價格以吸引更多顧客。林述巍向黃曉明提出之前黃曉明喺發嬲時提出嘅買冰箱嘅請求，黃曉明答應之後就同仝卓一齊出發買食材，楊紫就負責更新菜單同定價。晚餐時段嘅營業開始，經過對午餐時段嘅狀況進行針對性調整後，營業過程更有條理。營業結束後，秦海璐喺核對賬單時發現問題，楊紫意識到自己喺清點午餐時段嘅營業額時出錯，正確嘅營業額應該係1200歐元左右。員工用餐過程入面，黃曉明、林述巍就營業時間同買食材等問題再次發生爭執。員工餐結束後，秦海璐就主廚林述巍嘅工作壓力一事同黃曉明單獨交談。之後，黃曉明就討論結果同林述巍單獨交談，並為自己嘅冒失向林述巍道歉，同時要求林述巍喺第二日中午休息，以便全身心投入到晚餐時段嘅營業入面。休息前，店長黃曉明召開正式會議，將第二日嘅營業計劃告知每位合夥人。黃曉明喺會上宣佈午餐時段將實行簡餐制，菜品以小吃類同精品小吃類為主，之後大家就各自返房休息。第二日，新任主廚秦海璐正式上線。早餐結束後，黃曉明、林述巍出發買食材同冰箱，楊紫出發打印菜單，王俊凱準備製作珍珠奶茶，其他3人就準備午餐時段嘅營業。午餐時段嘅營業開始，秦海璐喺過程入面慢慢體會到林述巍嘅不易。營業結束後，新冰箱正式到位。之後，中餐廳接到一筆訂婚宴包場訂單，呢次宴席將喺開業第8晚進行。休假半日嘅主廚林述巍返去餐廳，廚房大權正式移交，大家開始準備晚餐時段嘅營業。
5	晚餐升級啦	2019年8月23號 (2019-08-23)
晚餐時段嘅營業開始，但後廚依舊狀況唔停，並導致出菜緩慢。到店就餐嘅餐廳原波士睇落全程，並喺離店之前向合夥人提咗自己嘅建議。最終，中餐廳淨得600歐元左右。營業結束後，店長黃曉明利用員工餐時間舉行營業復盤會。會上，每位合夥人總結咗自己一日嘅得失，店長黃曉明喺之後作出總結性發言，並提出晚餐收入減少、出菜效率低、做菜流程失誤導致後廚混亂等問題，同時就後廚嘅疏忽提咗有針對性嘅應對措施。黃曉明重建立咗以減少失誤為出發點嘅懲罰機制，並以呢個機制決定扣發部分合夥人嗰日嘅工資。而黃曉明本人亦承認自己嘅錯誤，並自罰扣除嗰日冚唪唥嘅工資。最後，黃曉明宣佈第二日中午將暫停營業，以減輕大家嘅工作量，之後大家就各自返房休息。第二日，黃曉明、林述巍出發買食材，王俊凱、楊紫出發打印菜單，其他3人就負責清理工作。一切準備就緒後，備菜正式開始，店長黃曉明將後廚管理權交畀主廚林述巍，自己就負責招待同總協調工作，其他人亦得到明確分工。一切準備就緒後，營業正式開始。喺全體經營合夥人嘅分工合作下，中餐廳迎嚟開業以嚟首次完美營業，並創下最高貼士紀錄，而全新升級嘅晚餐菜單亦大受好評，主廚林述巍首次走出廚房同客人進行互動交流。食咗飯嘅隔籬餐廳波士帶住當地樂隊返去餐廳，為中餐廳送去場音樂狂歡。之後，主廚林述巍用剩返嘅食材做咗豐盛嘅員工餐，大家首次吃到主廚嘅正餐。員工餐結束後，5位經營合夥人開始以唔記名投票嘅方式決定兩位臨時工嘅去留。最終，仝卓一票贏咗高天鶴，並成為中餐廳第6位經營合夥人。6位經營合夥人成功集結，大家開始準備新一日嘅營業。
6	訂婚宴籌備日	2019年8月30號 (2019-08-30)
中餐廳開業第6日，飛行嘉賓沈夢辰抵達，並為中餐廳送去咗部分訂婚宴用品。之後，訂婚夫婦去到餐廳討論宴會細節。客人希望以自助餐嘅形式辦宴會，而主廚林述巍建議改為傳統晚餐，但被客人拒絕。店長黃曉明堅持以客人嘅需求為主，並成功說服林述巍以自助餐形式辦宴會。訂婚夫婦重向餐廳預付咗500歐元押金。黃曉明之後向餐廳原店長請求幫助，餐廳原店長建議合夥人喺訂婚宴前一晚休息並全力籌備訂婚宴，二人最後約定喺第二日下晝討論其他細節。晚餐時段嘅營業開始，餐廳新增走菜儀式感，並全新推出可自選辣度嘅辣子雞。大家重為到店就餐嘅一位外教準備咗生日驚喜，喺同一日過生日嘅沈夢辰誤以為生日驚喜係為自己準備，留落一個大整蠱。最終，店長黃曉明提議喺第二日為沈夢辰補過生日。營業結束後，管家秦海璐發放嗰日工資，並進行例行對賬，王俊凱展現出強大嘅口算能力。第二日，大家全力投入到訂婚宴嘅籌備工作入面。原店長如約抵達餐廳，喺向店長黃曉明說明已協助解決自助餐爐具問題後，原店長同黃曉明、林述巍等人開始討論定價等其他事項。第二位飛行嘉賓杜海濤喺之後抵達。黃曉明、沈夢辰同原店長出發買訂婚宴用品，為其他人留落空間準備生日驚喜。嗰晚，大家一齊去到海邊餐廳用餐。黃曉明同林述巍上演爭吵大戲，大家一齊為沈夢辰製造咗生日驚喜。
7	中餐廳的訂婚宴	2019年9月6號 (2019-09-06)
中餐廳開業第8日，秦海璐、楊紫、王俊凱約定去到觀景台睇日出，黃曉明喺之後抵達。4人喺日出後坐船遊玩。遊玩結束返去餐廳後，大家開始全力籌備夜晚嘅訂婚宴。夜晚7點，訂婚夫婦抵達餐廳，賓客喺之後陸續抵達。7點40分，訂婚宴正式開始，杜海濤首先進行咗暖場表演。8點，訂婚宴正式開餐，涼菜好快就被搶嗮。訂婚夫婦更換中式禮服後，訂婚儀式正式開始。之後，主菜陸續出碟，全新推出嘅粵式荔枝牛肋骨得到賓客嘅一致好評。9點半，甜品正式出碟。賓客用餐結束後，表演環節正式開始，王俊凱、仝卓、楊紫同沈夢辰依次獻唱。10點半，表演正式結束，黃曉明、杜海濤同沈夢辰送咗個「早生貴子」禮盒畀訂婚夫婦，原店長帶領全體賓客向店長黃曉明同主廚林述巍表示謝意。11點半，訂婚宴接近尾聲，訂婚夫婦向餐廳結算費用，並希望帶走中式禮服以留低回憶。黃曉明、杜海濤同沈夢辰同意咗訂婚夫婦嘅請求，同時邀請訂婚夫婦喺預先準備嘅中式婚書上面簽字。第二日凌晨，訂婚夫婦離開，餐廳回歸平靜，後續嘅清理工作持續到3點結束，杜海濤、沈夢辰喺之後離開餐廳。秦海璐喺早餐期間向店長黃曉明講明自己因手部受傷無法繼續擔任幫廚角色，楊紫成功爭取到幫廚職位，點知失誤不斷……
8	送別宴	2019年9月13號 (2019-09-13)
中餐廳開業第9日，之前擔任幫廚職務嘅秦海璐同喺前台工作嘅楊紫對調咗崗位。晚餐時段嘅營業開始，新任幫廚楊紫因刀工生澀導致後廚進展緩慢，王俊凱無奈加入幫廚陣營，中餐廳同時迎嚟開業以嚟最大訂單。營業過程入面，餐廳原本嘅經營節奏因調崗而被打亂，並再次導致出菜緩慢，中餐廳亦遭遇到首次退單。後續進展依舊一切順利，粵式荔枝牛肋骨依舊係顧客滿意度最高嘅菜品。最終，中餐廳共接待30位客人，共計收入2174歐元。之後，店長黃曉明利用員工餐時間舉行營業復盤會，黃曉明喺會上指出傳菜過程出錯同出菜速度慢兩大問題。主廚林述巍主動承擔出菜失誤責任，其他人亦總結咗自己一日嘅得失。針對提出嘅問題，主廚林述巍建議增加置菜台以完善傳菜流程；王俊凱建議菜品限量供應同傳菜員備好筆，以避免備菜不足同埋規範傳菜流程。店長黃曉明之後作出總結性發言，並提出兩點建議，第一係以菜品熱門程度決定備菜量，第二係細化每人職責。最後，王俊凱表示自己因學業問題而需要喺第二日嘅營業結束後提前回國。第二日，6位經營合夥人先後去到陶爾米納市民公園同四九廣場推廣中餐廳同中華美食文化，並攞到好大嘅成功。推廣活動結束後，大家開始為王俊凱舉行送別宴，王俊凱為餐廳提出下晝3點前進行員工餐嘅最後建議，秦海璐為王俊凱送去幅素描像，王俊凱領走離店前嘅最後一份工資，店長黃曉明宣佈自第二日開始將由楊紫接任大堂經理一職。送別宴結束後，王俊凱將大堂經理手冊移交楊紫。短暫遊戲過後，王俊凱同其他5位經營合夥人告別。臨行前，店長黃曉明為王俊凱送去封親筆信同兩件T恤。王俊凱喺上車後忍唔住落淚。
9	小凱走的第一天	2019年9月20號 (2019-09-20)
中餐廳開業第11日，為應對王俊凱離開後嘅人手短缺，中餐廳啟動新嘅分工補位。午餐時段嘅營業一切順利，中餐廳得到當地同行關注。主廚林述巍喺為晚餐時段嘅營業進行備菜工作期間意外受傷，管家秦海璐約談店長黃曉明，建議為中餐廳搵位後廚幫手，並推薦王鶴棣為候選人。之後，楊紫向王鶴棣發出電話邀請。第二日，幫工王鶴棣正式報到，並為後廚分擔唔少壓力。營業結束後，大家開始為王鶴棣舉行迎新會。迎新會結束後，楊紫、仝卓、王鶴棣出發體驗當地夜生活，其他人留落餐廳閒談，之後大家就各自返房休息。
10	是誰劃了菜單	2019年9月27號 (2019-09-27)
中餐廳開業第13日，秦海璐、仝卓、王鶴棣三人喺後廚上演泡麪保衛戰。店長黃曉明針對回頭客現象召開促銷大會，並提出「全場九折」同「免費送酸奶」兩大營銷策略。管家秦海璐帶領仝卓、王鶴棣外出分發餐廳名片，但由於未按時返去餐廳同冇事先申請外出，從而嚴重影響到主廚林述巍嘅備菜進度。營業過程入面，後廚發生劃菜單懸案。復盤會上，店長黃曉明推出部門獎金制度，大家一致指認黃曉明為劃菜單事件嘅嫌疑人，而真兇係主廚林述巍。第二日，楊紫喺後廚自導自演咗場珍珠遺失鬧劇。營業過程入面，全新推出嘅脆皮炸酸奶大受好評，主廚林述巍為一位麩質過敏嘅特殊客人量身定做咗蘑菇蛋炒飯。營業結束後，大家一齊外出用餐。管家秦海璐宣佈嗰日嘅營業額係1600歐元，而14日嘅總營業額已超過15000歐元。店長黃曉明喺對王鶴棣同楊紫進行點評後，秦海璐提議大家對黃曉明進行點評。
11	中餐廳的教學日	2019年10月4號 (2019-10-04)
5位經營合夥人迎嚟喺陶爾米納嘅最後4日。第一日，5位經營合夥人同王鶴棣一齊外出休假。喺呢個時候，第二季經營合夥人蘇有朋作為美食文化推廣大使回歸，蘇有朋需要搵到3間出名嘅意大利餐廳並邀請主廚去到中餐廳學習中國菜。嗰晚，5位經營合夥人同王鶴棣告別。之後，黃曉明、楊紫、林述巍、仝卓應約去到隔籬餐廳參加聯誼會，秦海璐留落餐廳清點廚房庫存。蘇有朋正式報到，並同秦海璐一齊搞咗場整蠱大戲。喺接到蘇有朋之後，大家返去隔籬餐廳繼續進行聯誼會。會上，蘇有朋向5位經營合夥人報告已完成預定任務，主廚林述巍確定菜品交流時間，店長黃曉明提議為餐廳原店長留道菜。第二日，餐廳原店長同第一位主廚先後抵達，並分別向秦海璐同林述巍請教咗水餃同蒜蓉粉絲蒸龍蝦嘅做法。嗰晚，主廚林述巍提議推出酸菜魚，大堂經理楊紫轉崗後廚，前台事務交畀蘇有朋負責。營業期間，蘇有朋狀態依舊，高效完成各項工作。全新推出嘅酸菜魚火爆熱賣，並大受好評。營業結束後，中餐廳喺員工餐時間舉行《還珠格格》知識競賽。之後，黃曉明喺復盤會上提議最後3日實行「雙倍工資」同「雙倍獎金」制，楊紫向蘇有朋發放咗8歐元獎金。
12	中餐廳答謝宴	2019年10月11號 (2019-10-11)
另外兩位主廚如約抵達餐廳，並分別請教咗龍井蝦仁同蘑菇蛋炒飯嘅製作方法，中意主廚喺最後重進行咗甜品比拼。嗰晚，大家開會確認咗答謝宴食譜同其他相關事宜，呢次答謝宴將由陶爾米納市長、原店長冚家、當地樂隊同3位主廚出席。之後，管家秦海璐例行為大家發放工資，並計算總營業額。喺正式營業嘅17日時間入面，中餐廳共計收入20223.6歐元，順利完成預定目標。第二日，大家分別用各自嘅方式同陶爾米納告別，之後就全力投入到答謝宴嘅籌備工作入面。嗰日中午，黃曉明、楊紫、仝卓出發為幫助過中餐廳嘅人回贈禮物，為市長準備菜單嘅任務就交畀蘇有朋完成。仝卓提前返去餐廳，並得到由主廚林述巍為自己量身定做嘅專屬廚師服，順利晉升答謝宴副廚。仝卓向林述巍行拜師禮，並為林述巍準備咗挂念已久嘅禮物。楊紫、黃曉明喺仝卓之後先後返去餐廳，並繼續為夜晚嘅答謝宴做最後嘅籌備工作。夜晚7點半，市長冚家抵達餐廳，答謝宴正式開始，其他賓客喺之後陸續抵達，原店長冚家同3位主廚重分別攜帶咗各自嘅菜品。所有經營合夥人全部入座後，店長黃曉明代表中餐廳向市長匯報經營成績，並為市長送去咗菜單，市長喺之後向黃曉明表示謝意。答謝宴結束後，演出正式開始。秦海璐為大家送去咗京劇《貴妃醉酒》選段，有過崑曲學習經歷嘅蘇有朋動情落淚，仝卓喺之後以一首《La Vita》進行接力。最後，全體經營合夥人以一首《朋友》作為整場答謝演出嘅尾聲。賓客離開餐廳後，大家開始進行最後嘅清理工作。楊紫難掩心中不捨，返去房間默默流淚，秦海璐連忙上前安慰。之後，中餐廳進行咗最後一次工資發放，大家重互相交換咗禮物。店長黃曉明為每人送去咗封親筆信，並落淚感謝所有經營合夥人。一個月後，恢復餐廳經營嘅原店長向大家展示咗餐廳布局同埋自己同其他員工製作水餃嘅場景。
13	特輯大餐	2019年10月18號 (2019-10-18)
呢期嘅時間線退返去答謝宴前一日，黃曉明以店長視角記錄咗最後一日嘅營業場景。之後開始播放5位經營合夥人最後一次接受備采嘅場景，5位經營合夥人分別講述咗各自嘅幕後故事，並進行相互吐槽同總結性評價。5位經營合夥人重分別講述咗再次相遇時嘅場景，若果再有3日時間自己想做嘅事，留畀後來者嘅建議，同埋自己心中嘅東方味道，並各自留落收官感言。呢期節目嘅最後重播放咗秦海璐喺最後一日嘅營業結束後為大家播放告別微電影嘅片段。

中餐廳料理食譜同教學

• 青檸酸沁比利時啤梨：將檸檬葉、柚皮、紅糖放落滾水入面入味，然後加入檸檬片、香葉、八角同白糖，蒸煮20分鐘，之後將啤梨去皮，入鍋煮15分鐘後撈出，再將煮好嘅啤梨加水冷藏30分鐘。盤入面倒少少酸奶，然後將啤梨擺落酸奶上，最後加入血橙肉進行點綴並灑落蜂蜜就得。
• 中式煎餅
• 成都大刀回鍋肉：起鍋熱油，然後用小火爆香蒜末同花椒，再加入兩匙老乾媽辣椒醬、一匙豆瓣醬，炒香後放入切好嘅帶皮五花肉片，等肉出油後加入大蔥翻炒，之後分別加入生抽調味、老抽上色，繼續翻炒至全熟就得。
• 魚香茄子煲：肉末下鍋翻炒，然後加入蔥薑蒜末同辣椒麪一同拌炒，之後放入切好嘅茄段，翻炒至變軟，再依次加入醋、糖、豆瓣醬、生抽等調料，最後用水澱粉勾芡收汁就得。
• 咖啡焗裏脊肉：將預先醃好嘅豬柳加入麪粉抓勻，然後逐條落鍋油炸，等豬柳炸至金黃後撈出備用。起新鍋加入調好嘅咖啡醬汁，然後將豬柳倒落鍋入面翻炒至全熟後撈出，最後放入咖啡豆、綠葉擺盤就得。
• 酸菜煮海鮮肉片
• 四川水煮牛肉片
• 乾煸綠豆角
• 老北京炸醬麪
• 端午節粽子
• 薏米瘦肉雪梨湯
• 糖醋裏脊：將肉切成條狀，然後用基本調味品同雞蛋、生粉調汁，將肉醃製入味，之後將醃好嘅豬柳入鍋炸至金黃後撈出備用。用番茄沙司、白醋、白糖、菠蘿、陳皮、八角、桂皮、香葉熬製糖醋汁，另起新鍋，倒入備好嘅醬汁，然後加入菠蘿同豬柳充分翻炒至全熟就得。
• 撈汁米涼粉
• 麻醬茄子
• 魚香蝦球：蝦球入油鍋炸至金黃後撈出，然後另起新鍋，將薑末、蒜末同肉末下落鍋入面進行煸炒，之後加入醬油、辣椒、豆瓣醬、木耳等炒製魚香汁，再將蝦球回鍋，翻炒入味，最後加入蔥花增亮提鮮就得。
• 乾燒魚：將處理好嘅魚落鍋炸至金黃後撈出，然後另起新鍋炒製醬汁，之後放入炸魚，等魚入味後撈出，最後淋醬汁灑埋蔥花就得。
• 夏日紅西柚酸奶：將酸奶倒落容器入面，然後加入紅西柚果肉撈勻，再放入薄荷葉裝飾，之後刮取青檸撒落酸奶上，放入冰箱冷藏就得。
• 四川辣子雞：放入辣椒、花椒、蒜、辣油等調料爆香，然後放入炸好嘅雞塊翻炒入味就得。
• 番茄炒雞蛋
• XO醬海鮮炒飯
• 臘肉炒雙菜花
• 珍珠奶茶
• 雞絲涼麪：將麪條下鍋煮滾，然後將煮熟嘅麪條撈出過水後備用。將煮熟嘅雞肉撕成絲狀，然後將過水嘅涼麪放落盤入面，並拌入食用油。將胡蘿蔔切絲，用適當嘅胡蘿蔔調色，然後拌入少少蔥絲，之後放入麻醬料調味，再分別加入鹽、醬油同其他調味品，之後放入香菜，撈勻後裝碟並灑埋適量清水，最後撒落花生碎就得。
• 西北臊子麪：將蔥段放落油鍋炒出蔥香，然後加入剁好嘅肉末進行翻炒，之後加入黃花菜、木耳丁同肉末一齊翻炒，再加水燉煮出香味後將臊子撈起備用，最後將煮好嘅手工麪條撈出並淋上臊子就得。
• 手工水餃
• 夏日柚見你酸奶：將酸奶倒落容器入面，然後加入紅西柚果肉撈勻，最後分別加入少少葡萄乾同杏仁就得。
• 紫蘇蜂蜜櫻桃番茄：碗入面放櫻桃番茄，然後加入兩匙紫蘇蜂蜜汁撈勻，最後加入適量食用鹽，撈勻並放入薄荷葉點綴就得。
• 清蒸黑翅魚：將魚洗淨吸乾水分，單側剖十字，然後墊埋蔥段、擺落薑片並淋上少少食用油，之後將魚放落蒸箱，並以95℃高温蒸製9分鐘。將蒸好嘅魚取出並放落蔥絲，然後淋上熱油去腥，並倒走腥味嘅油汁，最後沿碟倒入豉油並撒落香菜就得。
• 龍井蝦仁：清水燒滾下入蛋清醃過嘅蝦仁煮熟並將水濾乾，然後倒入瘦肉湯繼續熬煮，之後加入泡發嘅龍井茶葉翻炒，再加冷油繼續翻炒，最後用枸杞、香菜點綴就得。
• 宋嫂魚羹：首先製作湯底，然後將蝦殼、魚骨濾出，之後將木耳、竹筍切絲後放落湯入面，再依次加入鹽、生粉同陳醋，之後將蒸好嘅黑翅魚搗碎並下鍋，再倒入蛋液，並放入黃瓜絲提鮮，等蛋液煮熟就得。
• 糖醋排骨：將醃過嘅排骨下落油鍋入面，炸至金黃後撈出備用。另起新鍋，加入酸梅湯、黑糖熬製醬汁，最後倒入排骨翻炒收汁就得。
• 桂花糖藕：將煮好嘅糯米藕撈出攤凍，然後將糯米藕均勻切片擺盤，再放入枸杞、迷迭香進行點綴，最後倒入糖藕熬好嘅湯汁，灑埋桂花碎就得。
• 粵式荔枝牛肋骨：油爆洋蔥、香蔥，然後加入陳皮或新鮮橙皮同其他香料，再加入龍眼乾同荔枝乾，之後依次加入白糖、紅糖、黃醬同醬油，加水煮滾後用湯底煲牛肉就得。
• 海鮮麪
• 老北京茄丁打滷麪
• 七彩芙蓉雞丁：起鍋熱油，然後倒入醃好嘅雞丁，炸至金黃後撈出備用。另起新鍋加入豆粒，然後加入溜好嘅雞丁翻炒。喺冷水入面放瘦肉同花甲煮滾，然後倒入少少熬好嘅花甲瘦肉湯，炒勻就可以上碟。
• 肉燥飯：翻炒豬肉丁至變色，然後用熱油熬製糖汁，之後加入洋蔥、香菇、蒜油、糖汁翻炒，再依次加入蠔油、香葉、生抽、老抽繼續翻炒，之後加水燒滾收汁後備用。青菜切半焯水，最後將青菜同肉燥鋪落米飯上就得。
• 魚香肉絲：倒入食用油將肉絲爆炒，然後放入筍絲翻炒，再依次加入油蒜、木耳、辣椒麪，之後倒入辣油翻炒，最後用糖、醋、水澱粉勾芡就得。
• 千絲蝦球：將蝦球裹落土豆粉絲，喺低油温時將蝦球下鍋炸至金黃後撈出擺盤，並搭配秘製千島醬料就得。
• 避風塘海鮮拼盤：首先製作蘸料，然後將裹好蛋液嘅海鮮入鍋炸至金黃後撈出，最後依次加入鹽、黑胡椒粉、花椒粉、孜然粉、白胡椒粉調味後就可以上碟。
• 蒜蓉粉絲蒸龍蝦
• 鍾水餃：肉餡入面加鹽、胡椒粉、五香粉、生抽調味。將小麪糰充分揉好並捏成長條，然後用刀切成大細均勻嘅小麪糰。用掌心將麪糰壓成麪餅，然後用擀麪杖將麪皮擀開。包入餡心並對摺成半月形，然後將包好嘅水餃下鍋煮。用薑片煉紅糖醬，然後用紅糖醬、辣油、蒜蓉打底，最後將煮好嘅水餃撈出，並灑埋花生碎同蔥花就得。
• 脆皮炸酸奶：加入牛奶同酸奶，然後加入適量煉乳同3.5匙白糖，並用文火撈勻。喺過程入面再加入米高粉水，然後繼續撈至粘稠狀後倒入容器攤涼。將凝固型嘅酸奶切塊，然後將切塊嘅酸奶裹滿澱粉，再將裹完澱粉嘅奶塊繼續裹落層脆漿，最後將酸奶放落油鍋入面炸至通體金黃後撈出擺盤，並搭配水果同酸奶就得。
• 黑椒牛肉：起鍋熱油，然後將牛肉粒倒入煎鍋生煎，直至兩面上色後關火。另起新鍋，然後依次加入蒜蓉、黑椒醬爆炒，再將煎好嘅牛肉粒、蘑菇先後下鍋爆炒入味後起鍋，最後將彩椒切片過水並打底擺盤就得。
• 酸菜魚：魚骨切塊備用，然後將切好嘅魚骨放落油鍋入面，翻炒出香味後倒落水入面煲湯，再過濾魚骨並備出魚湯，之後喺魚湯入面加調料同酸菜。將去骨嘅魚塊切成片狀，然後均勻裹落生粉。將蔬菜用滾水燙熟，然後將煮熟嘅菜盛落碗入面備用。將處理好嘅魚肉放落水入面煮熟後撈出，然後將煮好嘅湯底倒落魚肉入面，最後加入蔥花進行點綴就得。

中餐廳員工餐食譜同教學

• 老乾媽炒蛋
• 熗拌萵筍
• 有什麼加什麼炒飯：將剩返嘅食材切好備用，然後將打好嘅雞蛋一半倒落鍋入面，另一半備用，再加入米飯同魷魚圈，令二者充分融合，之後倒入剩返嘅雞蛋同米飯充分融合，最後加入適量調味料炒熟就得。
• 三鮮麪線：熱鍋冷油放入肉末，等肉末煸炒出油後加入雞蛋，等雞蛋翻炒成型後放入蘑菇，然後加入蝦米提鮮，翻炒後加入清水燒滾，等水煮滾後加入芹菜同基本調味，並灑落煮好嘅麪條上就得。
• 店長愛心吐司：首先將雞蛋打散，然後將麪包片均勻裹落蛋液。起鍋熱油，然後將麪包片煎至兩面金黃就得。
• 芹菜炒肉
• 雞丁炒飯
• 煎蛋卷：將雞蛋打散成蛋液，並加入蔥花，然後切洋蔥備用。起鍋熱油，放入切好嘅洋蔥同火腿稍稍翻炒，然後倒入調好嘅蛋液並攤至餅狀。喺蛋液凝固時捲做蛋卷，最後淋少少醬油調味就得。
• 土豆燒排骨：排骨剁小塊，然後依次加入鹽、醋、生粉、雞蛋清、蠔油醃製。土豆去皮切塊，然後下鍋油炸，等土豆炸好後再將醃好嘅排骨炸至金黃。青椒、黃椒、洋蔥切丁後下鍋翻炒，再將炸好嘅排骨同土豆下鍋翻炒，之後依次加入孜然粉、老乾媽辣椒醬、鹽，炒勻就可以上碟。

中餐廳訂婚宴食譜

註：以下菜品都係以自助餐形式提供，呢次訂婚宴最終花費係4000歐元，包括訂婚宴費用3600歐元同貼士400歐元。

涼菜

• 紫蘇蜂蜜櫻桃番茄
• 糖醋排骨
• 桂花糖藕

主菜

• 七彩芙蓉雞丁
• 糖醋裏脊
• 粵式荔枝牛肋骨
• 清蒸黑翅魚

主食

• 蘑菇蛋炒飯

甜品

• 冰粉
• 牛奶布丁
• 水果

中餐廳答謝宴食譜

註：以下菜品都係免費供應。

• 脆皮炸酸奶
• 龍井蝦仁
• 粵式荔枝牛肋骨
• 熗拌萵筍
• 手工水餃

經營成績匯總

• 總營業額：€20223.6
• 單日最高營業額：€2108
• 日均接待客流量：超過50人次
• 人均消費：€24
• 共計推出菜品數量：64道

收視率

中國大陸 湖南衛視 首播收視率
集數	播出日期	CSM59			CSM全國網			備註
		收視率	收視份額	排名	收視率	收視份額	排名
1	2019年7月26號	0.904	7.03	3	0.76	6.92	2
2	2019年8月2號	0.628	5.06	3	0.61	5.76	2	江蘇《大叔小館》完結
3	2019年8月9號	0.685	5.63	3	0.64	6.68	2
4	2019年8月16號	0.708	5.94	4	0.57	5.99	2
5	2019年8月23號	0.703	5.89	4	0.56	5.7	2
6	2019年8月30號	0.641	5.98	3	0.53	6.36	2	因轉播《新聞聯播》超時，呢期節目順延至22:13播映
7	2019年9月6號	0.655	5.55	5	0.55	6.19	2	江蘇《我們戀愛吧》開播
8	2019年9月13號	0.609	4.47	8	0.45	4.49	2
9	2019年9月20號	0.573	4.94	4	0.35	4.29	2
10	2019年9月27號	0.544	4.84	5	0.35	4.2	2	嗰日全國網數據淨得第一、二小節
11	2019年10月4號	0.552	4.72	6	0.42	4.74	2
唔適用	2019年10月7號	唔適用						浙江《2019中國好聲音》完結
12	2019年10月11號	0.490	4.16	4	0.26	3.49	1
13	2019年10月18號	0.430	3.29	8	0.27	2.91	1	浙江《各位遊客請注意》變做逢星期五夜晚9點10分播出

1. 同時段或交叉時段主要節目：
   • 浙江衛視：《2019中國好聲音》、《真聲音》／《各位遊客請注意》
   • 江蘇衛視：《大叔小館》／《我們戀愛吧》
2. 數據由央視索福瑞提供，調查範圍係四歲以上觀眾。
3. 以上收視排名唔包括央視在內。
4. 資料來源：衛視這些事兒、衛視小露電、TV未知數。
5. 排名係星期五夜晚所有綜藝節目嘅排名，並唔一定係同一時段。

註

參考